16 ەتنوستى ۇيىستىرعان ۇجىم

گەنەرال-مايور بەرىك ءبىلالوۆ جەتەك­شىلىك ەتەتىن وبلىستىق ىشكى ىستەر دەپار­تامەنتى حالىق اراسىنداعى جاراسىمدى دوستىق پەن تاتۋلىقتى ۇلىقتايتىن ءىس-شارالاردى جۇيەلى وتكىزىپ كەلەدى. سولاردىڭ ءبىرى جۋىردا قازاقستان حالقى اسسامبلەياسىنىڭ 20 جىلدىعى مەرەكەسى اياسىندا ۇيىمداستىرىلىپ, ءوڭىردى مەكەن ەتەتىن ۇلىستاردىڭ سالت-داستۇرلەرى مەن ادەت-عۇرىپتارىن ناسيحاتتاۋعا ارنالدى. – ۇلتتىق مادەنيەتتەردىڭ ءبىر-ءبىرى­مەن تىعىز بايلانىستىلىعى ەڭبەك ۇجىم­دا­رىن­دا تاتۋ-ءتاتتى بىرلىكتىڭ قا­نات جايۋى­نا, قوعامداعى ۇلتارالىق جانە كون­فەس­­سيا­­ارالىق تۇراقتىلىقتىڭ كەپىل­دى­گى­­نە زور سەپتىگىن تيگىزەدى. وزگە تىلگە, ءدىن­­گە قۇرمەتپەن, سىيلاستىقپەن قا­راۋ زايىر­­لى مەملەكەتتىڭ باستى ولشەم­دەرى­­نىڭ ءبىرى بولىپ تابىلادى. ادام­دار­دىڭ ەر­تەڭگى كۇنگە دەگەن بەرىك سەنىمىن قالىپ­­تاستىرادى,–دەدى شاراعا قاتىسقان اي­ماق باس­­شىسىنىڭ ورىنباسارى انارحان قالي­قىزى جي­نالعاندارعا قاراتا ايتقان سوزىندە. ىشكى ىستەر ورگاندارىندا قىزمەت ەتە­تىن 16 ەتنوس وكىلدەرىنىڭ باسىن توعىس­تىرعان فەستيۆال اۋدانداعى پوليتسيا قىزمەتكەرلەرىنىڭ بەساسپاپ ونەرلەرىن پاش ەتۋمەن ەرەكشەلەندى. تايىنشا اۋداندىق ىشكى ىستەر ءبولىمى پولياكتاردىڭ ۇلتتىق كيىمدەرىن كيىپ, اندەرىن شىرقاپ, وزدەرى ازىرلەگەن تاعام مازىرلەرىن ۇسىندى. بۇل اۋداندا وتكەن عاسىردىڭ ساياسي قۋعىن-سۇرگىن كەزەڭىندە اتاقونىسىنان لاجسىزدان الاستالىپ, قازاقستانعا قونىس اۋدارعان پولياك تۋىسقانداردىڭ ۇرپاقتارى كوپ شوعىرلانعان. سول سەبەپتى «ءتۇسى باسقا تىلەگى ءبىر, ءجۇزى باسقا جۇرەگى ءبىر» اعايىنداردىڭ تاعىلىمدى ونەگەلەرىن بەينەلەۋدى ءجون كورىپتى. تايىنشا اۋداندىق ءىىب-ءنىڭ كريميناليسى داريا سولوناردىڭ ايتۋىنشا, پولياك حالقىنىڭ سۇيىكتى تاعامى – بيگوس كوپشىلىككە ۇناپ قالىپتى. قازىلار القاسىنىڭ باعالاۋىمەن ۋكراين حالقىنىڭ سالت-ءداستۇرىن ۇزدىك كورسەتە بىلگەن مامليۋتتىكتەر ءبىرىنشى ورىنعا لايىق دەپ تانىلدى. ەكىن­شى, ءۇشىنشى ورىنداردى پەتروپاۆل­- دىقتار مەن تايىنشالىقتار ءبولىستى. فەستيۆال اياسىندا «ءبىزدىڭ وتباسى» كونكۋرسىنىڭ قورىتىندىسى شىعارىلىپ, مەملەكەتتىك تىلدە شىعارما جازعان ۇمىتكەرلەردىڭ جەڭىمپازدارى انىقتالدى. 7-9 جاس ارالىعىندا ءال-فارابي ليتسەيىنىڭ 3-سىنىپ وقۋشىسى گاۋھار ماراتوۆا ءوز تۋىندىسىنا وتباسىن ارقاۋ ەتە وتىرىپ, كوپبالالى شاڭىراقتىڭ ارتىقشىلىقتارىن جىپكە تىزگەندەي اتاپ بەرگەن. 10-12 جاس بويىنشا مامليۋت مەكتەپ-ينتەرناتىنىڭ وقۋشىسى ءدىلناز شاياحمەتوۆا ءبىرىنشى ورىنعا يە بولدى. 13-15 جاس ارالىعىندا تايىنشا اۋدانىنان كەلگەن ايارا شاحانوۆا جەڭىستىڭ ەڭ بيىك تۇعىرىنا كوتەرىلدى. شارا سوڭىندا بەرىك سۇلتانعازى ۇلى قوعامدىق جۇمىستارعا بەلسەنە قاتىسىپ, ەلىمىزدىڭ لايىقتى ازاماتتارىن تاربيەلەۋگە ۇلەس قوسىپ جۇرگەن ءبىر توپ اتا-انا مەن ەتنو­مادەني بىرلەستىك وكىلدەرىن ماراپاتتادى. ءومىر ەسقالي, «ەگەمەن قازاقستان». سولتۇستىك قازاقستان وبلىسى. سۋرەتتى تۇسىرگەن تالعات تانىباەۆ.