قۋلىعى ىسكە اسپاي, جۇمىسىنان قۋىلدى

قاراعاندىلىق پوليتسيا قىز­مەتكەرلەرىنىڭ باسشىلىققا جاقسىاتتى بولۋ ءۇشىن قانداي قيتۇرقى ارەكەتكە بارعانى ءاش­كەرە بولدى. ولار زەينەتكەر ايەلدىڭ سىرتىنان جولدى رۇقسات ەتىلمەگەن جەردەن كەسىپ ءوتتى دەپ ايىپپۇل سالىپ جىبەرگەن. سونىڭ سالدارىنان ءتارتىپ ساق­شىلارىنىڭ قۋلىعى ىسكە اسپاي, وزدەرى جۇمىستارىنان ايى­رىل­عانى ازداي-اق تۇرمەگە تۇسە جاز­دادى. وقيعا بىلاي بولعان ەكەن. پوليتسيا قىزمەتكەرى ءوزىنىڭ سەرىگىمەن بىرگە كەزەكشىلىكتە جۇرگەنىندە جەردە جاتقان ءبىر داپتەردى تاۋىپ الادى. وندا قالانىڭ وڭتۇستىك-شى­عى­سىن­داعى تۇرعىنداردىڭ ءتىزىمى بار بولىپ شىققان. پوليتسەيلەر كوپ ويلانىپ جاتپاستان ءتىزىمنىڭ ىشىنەن ءبىر فاميليانى تاڭداعان دا, سىرتىنان 9600 تەڭگە ايىپ­پۇلدى قۇجاتتاپ جىبەرگەن. ايىپپۇلدىڭ تۇبىرتەگى ۇيىنە كەلگەندە ماريا شاراپوۆنا (اتى-ءجونى وزگەرتىلگەن) شالقا­سىنان تۇسە جازداپتى. ويتكەنى, ول زاڭدى قۇرمەتتەيتىن, ءجۇرىس-تۇرىسى ءتۇزۋ ادام ەكەن. سودان ماريا شاراپوۆنا ەكى وكپەسىن قولىنا الىپ, پوليتسيا باسشىلارىنا بارادى. جاعدايدى تاپتىشتەپ تۇسىندىرەدى. مىنە, وسىدان كەيىن بارىپ, پوليتسيا قىزمەتكەرلەرىنىڭ جۇمىس تيىمدىلىگىن ارتتىرۋ ءۇشىن وسىنداي ايار قادامعا بارعانى بەلگىلى بولعان. زەينەتكەر مورالدىق جانە ماتەريالدىق وتەماقىدان باس تارتتى. ال سوت بولسا, بۇرىنعى پول­يتسيا قىزمەتكەرلەرىنە ءىرى كولەمدە ايىپپۇل سالدى. ءبىرىن­شىسى مەملەكەت قازىناسىنا 2 ملن. 222 مىڭ تەڭگە تولەسە, ەكىن­شىسى 1 ملن. 822 مىڭ تەڭگەنى ساناپ بەرەتىن بولدى. قايرات ءابىلدينوۆ, «ەگەمەن قازاقستان». قاراعاندى.