كۇن ءتارتىبى بەلگىلەندى

22 قازاندا بولاتىن سەناتتىڭ وتىرىسىندا ون ءۇش زاڭ جوباسىن قاراۋ جوسپارلاندى. سەنات توراعاسى قاسىم-جومارت توقاەۆ جانە پالاتا بيۋروسىنىڭ مۇشەلەرى قابىلداعان قاۋلىعا سايكەس, وسىنداي شەشىم قابىلداندى, دەپ حابارلادى سەناتتىڭ ءباسپاسوز قىزمەتى. دەپۋتاتتار قاراۋىنا شىۇ اياسىنداعى حالىقارالىق اۆتوموبيل تاسىمالدارى ءۇشىن قولايلى جاعدايلار جاساۋ تۋرالى ۇكىمەتارالىق كەلىسىمدى جانە ەسىرتكى, پسيحوتروپتىق زاتتار مەن ولاردىڭ پرەكۋرسورلارىنىڭ ۇلگىلەرىن بەرۋ ءتارتىبى تۋرالى كەلىسىمدى راتيفيكاتسيالاۋ جوباسى شىعارىلادى. دەپۋتاتتار «قازاقستان رەسپۋب­لي­كاسىنىڭ مەملەكەتتىك قىزمەتى تۋرالى», «قازاقستان رەسپۋبليكاسىنداعى سايلاۋ تۋرالى», «قايىرىمدىلىق تۋرالى», «اق­پاراتقا قول جەتكىزۋ تۋرالى» جانە زاڭنا­ماعا مەملەكەتتىك قىزمەت ماسەلەلەرى بويىنشا تۇزەتۋلەردى قارادى. ودان باسقا, زاڭناماعا قازاقستان رەسپۋبليكاسىنىڭ ازاماتتارىنا, ورالماندارعا جانە تۇرۋعا ىقتيارحاتى بار ادامدارعا ولاردىڭ م ۇلىكتى جاريا ەتۋىنە بايلانىستى راقىمشىلىق جاساۋ ماسەلەلەرى بويىنشا وزگەرىستەر مەن تولىقتىرۋلاردى ءبىرىنشى وقىلىمدا تالقىلاۋ جوسپارلاندى. سونداي-اق, جەكە تۇلعالاردىڭ كىرىستەرى مەن مۇلكىن دەكلاراتسيالاۋ, وڭالتۋ جانە بانكروتتىق, بيۋدجەت زاڭناماسىن جەتiلدiرۋ, قايىرىمدىلىق, اقپاراتقا قول جەتكىزۋ ماسەلەلەرى بويىنشا تۇزەتۋلەر ءبىرىنشى وقىلىمدا قارالادى. بيۋرودا, سونداي-اق, تاياۋدا ءما­جى­لىس­تەن تۇسكەن ءتورت زاڭ جوباسى سەناتتىڭ تۇراقتى كوميتەتتەرىنە ءبولىندى.