قازاقستان-ناتو: پارلامەنتتىك اسسامبلەيا سەسسياسى

ءماجىلىس توراعاسىنىڭ ورىنباسارى اباي تاسبولاتوۆ باستاعان قازاقستان پارلامەنتىنىڭ دەلەگاتسياسى ناتو پارلامەنتتىك اسسامبلەياسىنىڭ 61-ءشى جىل سايىنعى سەسسيا­سىنا قاتىستى. وتىرىس ستاۆانگەر (نورۆەگيا كورولدىگى) قالاسىندا ءوتتى, دەپ حابارلادى ءماجىلىستىڭ ءباسپاسوز قىزمەتى. ءۇش كۇن كولەمىندە ناتو-عا ءمۇ­شە 28 ەلدىڭ 300-دەن استام پار­­لا­­مەنت­شىلەرى, سەرىكتەس-ەل­دەر­دىڭ دەلەگاتتارى مەن باقى­لاۋ­شىلارى حالىقارالىق قاۋىپ­سىز­دىك ماسەلەلەرىن تالقىلاپ, ۋكراي­ناداعى جاعدايعا, رەسەيمەن قارىم-قاتىناسقا, تاياۋ شىعىس پەن سول­تۇستىك افريكاداعى داعدارىس پەن بوسقىندار ماسەلەسى جانە تەرروريزم قاۋپىنىڭ ۇلعايعاندىعىنا نازار اۋداردى. ناتو پا دەپۋتاتتارى سەسسيا جۇمىسىندا اسسامبلەيانىڭ بار­لىق بەس كوميتەتىنىڭ باياندامالارىن تىڭ­دادى جانە اليانس قىزمە­تىنىڭ وزەكتى باعىتتارى بويىنشا سەگىز قارار قابىلدادى. جىل سايىنعى سەسسيا شەڭ­بەر­ىن- دە قازاقستان رەسپۋبليكاسى پار­لامەنتىنىڭ دەلەگاتسياسى سايا­سات كوميتەتىنىڭ, قاۋىپسىزدىككە ازا­ماتتىق ولشەم بويىنشا كومي­تە­تىنىڭ, ەكونوميكا مەن قاۋىپسىزدىك كوميتەتىنىڭ وتىرىس­تارىنا جانە دە اسسامبلەيانىڭ پلەنارلىق وتىرىسىنا قاتىستى. پارلامەنتتىك فورۋم اياسىن­دا قازاقستاندىق دەلەگاتسيا ناتو پا توراعاسى م.تەرنەرمەن كەز­دەسىپ, اليانستىڭ قازاقستانمەن ىنتى­ماقتاستىعىن دامىتۋدىڭ ماڭى­زىندا جاھاندىق جانە ايماقتىق قاۋىپسىزدىكپەن قامتاماسىز ەتۋ جاتقانىن اتاپ ءوتتى. قازاقستاندىق پارلامەنتتىك دەلەگاتسيا قۇرامىندا سەنات دەپۋتاتى سەرگەي گروموۆ تا بولدى.