سولتۇستىكقازاقستاندىق ومارتاشىلار ەكسپورتقا 100 توننا بال ازىرلەدى

پەتروپاۆل. 24 مامىر.  بيىلعى جىلدىڭ ءساۋىر ايىندا قىزىلجار ءوڭىرىنىڭ ارنايى دەلەگاتسياسى بىرىككەن اراب امىرلىكتەرىندە بولىپ, ەلباسىنىڭ قازاقستاندىق ونىمدەردى ناسيحاتتاۋ ۇسىنىسىن جۇزەگە اسىرۋ باستاماسى شەڭبەرىندە بىرقاتار ەكونوميكالىق, ساۋدا-ساتتىق مامىلەلەرگە كەلىسكەن ەدى. وعان سولتۇستىكقازاقستاندىق بال وندىرۋشىلەر ءبىرىنشى بولىپ ءۇن قاتىپ, 100 توننا ساپالى بال ءونىمىن دۋبايعا ەكسپورتتاۋدى كوزدەپ وتىر. بۇل تۋرالى egemen ءتىلشىسى حابارلادى. ومارتاشىلار مۇنداي تابىسقا باە ينۆەستورلارىمەن ىنتىماقتاستىق ورناتۋ ارقىلى قول جەتكىزدى.  وبلىستىق بال شارۋاشىلىعى قاۋىمداستىعى اق-نىڭ توراعاسى ولەگ گاۆريلوۆ مالىمدەگەندەي   دۋبايدا ۇيىمداستىرىلعان تاماق ونەركاسىبى كورمەسىنە بالدىڭ 7 سۇرپىن الا بارىپ, ارابتار ۇلكەن قىزىعۋشىلىق تانىتقان.  ەكىجاقتى شارت راسىمدەلگەننەن كەيىن جەرگىلىكتى ارا وسىرۋشىلەر بىردەن ىسكە كىرىسكەن. «قازاقستاندا ءبىر كيلو بال 1500 تەڭگە بولسا, ول جاقتا 7-8 مىڭ تەڭگەگە باعالانادى.  ماۋسىمدا ءبىزدىڭ وبلىسقا ءباا-نەن دەلەگاتسيا كەلىپ, جاڭا كەلىسىمدەرگە قول قوياتىن بولامىز», دەيدى و. گاۆريلوۆ. قازىر اسسوتسياتسيا قۇرامىندا 200-گە جۋىق ومارتاشى بار.  «پاسسيك قىزىلجار» جشس-ءنىڭ ديرەكتورى ولەگ گاۆريلوۆتىڭ ءوزى عانا جىل سايىن كەمى 10 توننا بال ءونىمىن جيناپ, قازاقستاننان تىسقارى جەرلەرگە وتكىزىپ ءجۇر.  بال ارالارىن شىمكەنتتەن اكەلىپ, اۆستريالىق «كارنيك» تۇقىممەن شاعىلىستىرعان. ناتيجەسىندە ونىمدىلىك مولايىپ, ساپاسى دا جاقسارا تۇسكەن. بال ءونىمىنىڭ العاشقى پارتياسىن ماۋسىم ايىندا جونەلتۋ جوسپارلانعان. ءومىر ەسقالي. دەرەك, سۋرەت: egemen.kz.