بوكس. «استانا ارلاندارى» WSB جوباسىنىڭ فينالىنا شىقتى

استانا. 24 مامىر. ءدال قازىر استاناداعى «داۋلەت» ۇلتتىق تەننيس ورتالىعىندا بۇكىلالەمدىك بوكس سەرياسىنىڭ (WSB) جارتىلاي فينالى وتۋدە. سونىڭ اياسىندا «استانا ارلاندارى» رەسەي بوكسشىلارىن قابىلداۋدا. بۇل تۋرالى egemen.kz حابارلادى. كەشە وتكەن ءبىرىنشى جارىس كۇنىندە بوكسشىلارىمىز قارسىلاستارىن 5:0 ەسەبىمەن جەڭگەنى بەلگىلى. ال بۇگىنگى كەزدەسۋدىڭ العاشقى جەكپە-جەگىندە 52 كگ.-دا باق سىناعان ولجاس ساتتىباەۆ كوماندامىزعا 6-شى ۇپايدى الىپ كەلدى. ول قارسىلاسى كارەن ارۋتيۋنياننان 3:0 (49:46, 48:47, 49:46) ەسەبىمەن باسىم ءتۇستى. ناتيجەسىندە «ارلاندار» جالپى ەسەپتى 6:0-گە جەتكىزىپ, مەرزىمىنەن بۇرىن فينالعا جولداما الدى. شەشۋشى سىندا مارات جاكيەۆ جاتتىقتىراتىن بوكسشىلارىمىز كۋبانىڭ «كۋبا دومادورەس» كومانداسىمەن كەزدەسەدى. ءوز كەزەگىندە كۋبالىقتار مەكسيكا كومانداسىن جالپى ناتيجە بويىنشا 10:0 ەسەبىمەن جەڭگەن بولاتىن. بۇگىنگى بوكس كەشىندە تاعى مىنا بوكسشىلاردىڭ جەكپە-جەگىنە كۋا بولامىز. 60 كگ.: زاكير سافيۋللين – ارتۋر سۋبحانكۋلوۆ. 69 كگ.: دانيار ەلەۋسىنوۆ – ياكۋب نۋريەۆ. 81 كگ.: نۇرداۋلەت جارمانوۆ – ەدۋارد ياكۋشەۆ. +91 كگ.: يۆان دىچكو – رۋسلان شامالوۆ. ەلامان قوڭىر. دەرەك: egemen.kz. سۋرەت: worldseriesboxing.com.