ەلباسى كىتابى بۇلدىرشىندەرگە بەرىلدى
كەشە ءبىلىم كۇنى مەرەكەسىنە وراي ءبىلىم جانە عىلىم ءمينيسترى اسلان ءسارىنجىپوۆ استاناداعى جاڭادان پايدالانۋعا بەرىلىپ وتىرعان دارىندى بالالارعا ارنالعان № 81 جاڭا گيمنازيا «Astana English School»-دا بولىپ, جينالعان ۇستازدار مەن اتا-انالاردى جاڭا وقۋ جىلىمەن قۇتتىقتاپ, العاش مەكتەپ تابالدىرىعىن اتتاپ وتىرعان بۇلدىرشىندەرگە ءسات-ساپار تىلەدى.
بيىلعى وقۋ جىلىندا ەلىمىز بويىنشا 7,5 مىڭ مەكتەپ 2 ملن. 600 مىڭنان استام وقۋشىنى قابىلداسا, ولاردىڭ 336 مىڭى مەكتەپ تابالدىرىعىن العاش اتتايتىن 1-سىنىپتىڭ بالالارى. ياعني, جىل سايىن ءبىرىنشى سىنىپقا باراتىن بالالار سانى ارتىپ كەلە جاتقاندىقتان ءۇش اۋىسىمداعى جانە اپاتتى مەكتەپتەر پروبلەماسىن شەشۋ كەزەك كۇتتىرمەيتىن ماسەلە بولىپ قالۋدا. وسىعان وراي, بيىل 157 مەكتەپ پايدالانۋعا بەرىلىپ, ءۇش اۋىسىمدا وقىتاتىن مەكتەپتەر ازايىپ كەلەدى ەكەن. سونىمەن قاتار, اپاتتى مەكتەپتەر سانى ەكى ەسەگە ازايىپ, 136-دان 66 قالىپتى. 2017 جىلدىڭ سوڭىنا قاراي وسى پروبلەمانى تولىقتاي شەشۋ جوسپارلانىپ وتىر. مۇنىمەن قوسا, 8700 مەكتەپكە دەيىنگى ۇيىمعا 760 مىڭ بالا بارىپ, جىل سوڭىنا دەيىن 10 مىڭ ورىندىق 40 بالاباقشا ىسكە قوسىلماق. كۇردەلى جوندەۋ شارالارى 250 مەكتەپتى قامتىپتى. ال اعىمداعى جوندەۋ جۇمىستارى 5 مىڭنان استام مەكتەپتە جۇرگىزىلىپتى. وقۋلىقتارعا بيىل 12,5 ملرد. تەڭگە ءبولىنىپتى. بۇگىندە بارلىق وڭىرلەر وقۋلىقتارمەن تولىقتاي قامتاماسىز ەتىلگەن كورىنەدى. ۇلت جوسپارىنداعى 76-شى قادام اياسىندا ماتەريالدىق-تەحنيكالىق بازانى جاڭارتۋعا جانە مۇعالىمدەردى ىنتالاندىرۋعا باسا نازار اۋدارىلىپ, 96 مەكتەپكە گرانتتاردى تاعايىنداۋ جۇيەسىن جەتىلدىرۋ قاراستىرىلعان.
قازاقستاننىڭ بارلىق مەكتەپتەرىندە 2015 جىلعى 1 قىركۇيەكتە قازاقستان رەسپۋبليكاسى كونستيتۋتسياسىنىڭ 20 جىلدىعىنا, قازاق حاندىعىنىڭ 550 جىلدىعىنا ارنالعان بىرىڭعاي ءبىلىم ساباعى, 1-4-ءشى سىنىپتاردا «مەنىڭ وتانىم – قازاقستان», 5-8-ءشى سىنىپتاردا «قازاق حالقىنىڭ ەرلىكتەرى», 9-11-ءشى سىنىپتاردا «ماڭگىلىك ەل: ءبىر ەل – ءبىر تاعدىر» اتتى تاقىرىپتاردا ارنايى ساباقتار وتكىزىلگەنىن ايتا كەتسەك دەيمىز.
دارىندى بالالارعا ارنالعان № 81 جاڭا گيمنازياداعى العاشقى ءسوز:
«مەكتەپ دەگەن – ماڭگىلىكتىڭ جىر كەنى,
مەكتەپ دەگەن – عىلىمنىڭ اسقاق جەلكەنى,
مەكتەپ دەگەن – تۇعىرى بيىك اق وردا,
بالالاردىڭ قاسيەتتى مەكەنى» – دەپ باستالىپ, ءمينيستردىڭ قۇتتىقتاۋ سوزىنەن كەيىن گيمنازيا ديرەكتورى گۇلنار سادىقوۆا مەكتەپ جونىندە ماعلۇمات بەرە وتىرىپ, بۇلدىرشىندەرگە قۇتتى قادام تىلەدى. «Astana English School» № 81 گيمنازياسى 1200 ورىنعا ەسەپتەلگەن, مەكتەپتىڭ جالپى اۋدانى 11766 شارشى مەتردى قۇراپ, وندا بارلىعى 54 بولمە, ونىڭ 2 مۋلتيمەديالىق, اكت زالى, كىتاپحانا, اعاش, مەتالل جانە ماتانى وڭدەۋ شەبەرحانالارى ورنالاسىپتى. شارا بارىسىندا مينيستر اسلان ءسارىنجىپوۆ پەن استانا قالاسى اكىمىنىڭ ورىنباسارى ەرمەك امانشاەۆ العاشقى قوڭىراۋ مەرەكەسىنە ارنالعان ەلباسىمىزدىڭ «مەنىڭ وتانىم – قازاقستان» اتتى كىتابىن 1-سىنىپ بۇلدىرشىندەرىنە تابىس ەتتى. كىتاپ تۋرالى استانا قالالىق بiلiم باسقارماسىنىڭ باسشىسى ەلميرا سۋحانبەرديەۆا: «بيىل قازاقستان بويىنشا 1-سىنىپ وقۋشىلارى پرەزيدەنتتىڭ وزىنەن ۇلكەن سىي الدى. «مەنىڭ وتانىم – قازاقستان» كىتابى – بۇل مەملەكەت باسشىسىنىڭ بۇلدىرشىندەرگە جاساعان تاماشا سىيى. ەلباسى ن.نازارباەۆ كىتاپقا تۋعان جەرىمىزدىڭ تاماشا تابيعاتىن, وتاندى سۇيۋگە دەگەن پەرزەنتتىك پارىز تۋرالى ەڭ تاڭدامالى ويلارىن جازعان. «مەنىڭ وتانىم – قازاقستان» كىتابى قوسىمشا ادەبيەت. ارينە, قازاقستاننىڭ بۇكىل قازبا بايلىعى مەن تاريحىن ءبىر كىتاپقا سىيدىرۋ مۇمكىن ەمەس. سوندىقتان, ەلباسى ءوزى تاڭداپ كىتاپقا تۋعان جەرىمىزدىڭ تاماشا تابيعاتىن, وتانعا دەگەن پەرزەنتتىك پارىز تۋرالى ەڭ تاڭدامالى ويلارىن جازعان. ەندى بۇل كىتاپ جىل سايىن تاراتىلىپ وتىرادى. ايتا كەتەيىك, بۇگىن استانا قالاسى بويىنشا قاتارىنان ءۇش جاڭا مەكتەپ اشىلدى. ال, جىل سوڭىنا دەيىن ەلوردا وقۋشىلارى ءۇشىن تاعى ەكى مەكتەپ اشىلماق. ءبىر مەكتەپ تازا قازاق تىلىندە ساباق بەرەدى, ەكىنشى مەكتەپ ارالاس مەكتەپ جانە بۇگىن اشىلعان مەكتەپ – قازاق ءتىلى مەن اعىلشىن تىلىنەن قاتار ساباق بەرەدى. قالا باسشىلىعى كوشى-قون لەگى مەن بالا تۋ كورسەتكىشىن ەسەپكە الا وتىرىپ, شاھاردىڭ قاي اۋدانىندا قانشا مەكتەپ سالۋ كەرەكتىگىن جوسپارلاپ وتىرادى», – دەدى.
مينيستر ءوز سوزىندە ۇستازدار قاۋىمىنا الداعى ۋاقىتتاردا جالاقىلارىنىڭ 50 پايىزعا دەيىن وسەتىنىن ايتىپ ءسۇيىنشى سۇرادى.
سودان سوڭ ارنايى شاقىرىلعان قوناقتار جاڭا گيمنازيا عيماراتىمەن تانىسىپ, 5-سىنىپ وقۋشىلارىنىڭ اعىلشىن تىلىندە وتكەن ينتەراكتيۆتى ساباعىنا, 7-سىنىپقا ارنالعان اعىلشىن تىلىندە وتكەن «قازاقستان جولى: 5 رەفورما جانە 100 قادام» تاقىرىبىنداعى سىنىپ ساعاتىنا, 6-سىنىپقا ارنالعان بيولوگيا ساباعىنا جانە «ەكسپو-2017 – بولاشاققا سەنىمدى قادام» تاقىرىبىنداعى اعىلشىن ءتىلى ساباعىنا قاتىستى.
سونداي-اق, كەشە «100 مەكتەپ – 100 اۋرۋحانا» مەملەكەتتىك باعدارلاماسى اياسىندا 2007 جىلى پايدالانۋعا بەرىلگەن استاناداعى № 58 ورتا مەكتەپتىڭ دە العاشقى قوڭىراۋىندا بولىپ, ەلباسىنىڭ «مەنىڭ وتانىم – قازاقستان» اتتى كىتابىن 1-سىنىپ بۇلدىرشىندەرىنە تابىس ەتۋ شاراسىنىڭ كۋاسى بولدىق.
بەرىك سادىر,
«ەگەمەن قازاقستان».
سۋرەتتى تۇسىرگەن
ورىنباي بالمۇرات.
بيىلعى وقۋ جىلىندا ەلىمىز بويىنشا 7,5 مىڭ مەكتەپ 2 ملن. 600 مىڭنان استام وقۋشىنى قابىلداسا, ولاردىڭ 336 مىڭى مەكتەپ تابالدىرىعىن العاش اتتايتىن 1-سىنىپتىڭ بالالارى. ياعني, جىل سايىن ءبىرىنشى سىنىپقا باراتىن بالالار سانى ارتىپ كەلە جاتقاندىقتان ءۇش اۋىسىمداعى جانە اپاتتى مەكتەپتەر پروبلەماسىن شەشۋ كەزەك كۇتتىرمەيتىن ماسەلە بولىپ قالۋدا. وسىعان وراي, بيىل 157 مەكتەپ پايدالانۋعا بەرىلىپ, ءۇش اۋىسىمدا وقىتاتىن مەكتەپتەر ازايىپ كەلەدى ەكەن. سونىمەن قاتار, اپاتتى مەكتەپتەر سانى ەكى ەسەگە ازايىپ, 136-دان 66 قالىپتى. 2017 جىلدىڭ سوڭىنا قاراي وسى پروبلەمانى تولىقتاي شەشۋ جوسپارلانىپ وتىر. مۇنىمەن قوسا, 8700 مەكتەپكە دەيىنگى ۇيىمعا 760 مىڭ بالا بارىپ, جىل سوڭىنا دەيىن 10 مىڭ ورىندىق 40 بالاباقشا ىسكە قوسىلماق. كۇردەلى جوندەۋ شارالارى 250 مەكتەپتى قامتىپتى. ال اعىمداعى جوندەۋ جۇمىستارى 5 مىڭنان استام مەكتەپتە جۇرگىزىلىپتى. وقۋلىقتارعا بيىل 12,5 ملرد. تەڭگە ءبولىنىپتى. بۇگىندە بارلىق وڭىرلەر وقۋلىقتارمەن تولىقتاي قامتاماسىز ەتىلگەن كورىنەدى. ۇلت جوسپارىنداعى 76-شى قادام اياسىندا ماتەريالدىق-تەحنيكالىق بازانى جاڭارتۋعا جانە مۇعالىمدەردى ىنتالاندىرۋعا باسا نازار اۋدارىلىپ, 96 مەكتەپكە گرانتتاردى تاعايىنداۋ جۇيەسىن جەتىلدىرۋ قاراستىرىلعان.
قازاقستاننىڭ بارلىق مەكتەپتەرىندە 2015 جىلعى 1 قىركۇيەكتە قازاقستان رەسپۋبليكاسى كونستيتۋتسياسىنىڭ 20 جىلدىعىنا, قازاق حاندىعىنىڭ 550 جىلدىعىنا ارنالعان بىرىڭعاي ءبىلىم ساباعى, 1-4-ءشى سىنىپتاردا «مەنىڭ وتانىم – قازاقستان», 5-8-ءشى سىنىپتاردا «قازاق حالقىنىڭ ەرلىكتەرى», 9-11-ءشى سىنىپتاردا «ماڭگىلىك ەل: ءبىر ەل – ءبىر تاعدىر» اتتى تاقىرىپتاردا ارنايى ساباقتار وتكىزىلگەنىن ايتا كەتسەك دەيمىز.
دارىندى بالالارعا ارنالعان № 81 جاڭا گيمنازياداعى العاشقى ءسوز:
«مەكتەپ دەگەن – ماڭگىلىكتىڭ جىر كەنى,
مەكتەپ دەگەن – عىلىمنىڭ اسقاق جەلكەنى,
مەكتەپ دەگەن – تۇعىرى بيىك اق وردا,
بالالاردىڭ قاسيەتتى مەكەنى» – دەپ باستالىپ, ءمينيستردىڭ قۇتتىقتاۋ سوزىنەن كەيىن گيمنازيا ديرەكتورى گۇلنار سادىقوۆا مەكتەپ جونىندە ماعلۇمات بەرە وتىرىپ, بۇلدىرشىندەرگە قۇتتى قادام تىلەدى. «Astana English School» № 81 گيمنازياسى 1200 ورىنعا ەسەپتەلگەن, مەكتەپتىڭ جالپى اۋدانى 11766 شارشى مەتردى قۇراپ, وندا بارلىعى 54 بولمە, ونىڭ 2 مۋلتيمەديالىق, اكت زالى, كىتاپحانا, اعاش, مەتالل جانە ماتانى وڭدەۋ شەبەرحانالارى ورنالاسىپتى. شارا بارىسىندا مينيستر اسلان ءسارىنجىپوۆ پەن استانا قالاسى اكىمىنىڭ ورىنباسارى ەرمەك امانشاەۆ العاشقى قوڭىراۋ مەرەكەسىنە ارنالعان ەلباسىمىزدىڭ «مەنىڭ وتانىم – قازاقستان» اتتى كىتابىن 1-سىنىپ بۇلدىرشىندەرىنە تابىس ەتتى. كىتاپ تۋرالى استانا قالالىق بiلiم باسقارماسىنىڭ باسشىسى ەلميرا سۋحانبەرديەۆا: «بيىل قازاقستان بويىنشا 1-سىنىپ وقۋشىلارى پرەزيدەنتتىڭ وزىنەن ۇلكەن سىي الدى. «مەنىڭ وتانىم – قازاقستان» كىتابى – بۇل مەملەكەت باسشىسىنىڭ بۇلدىرشىندەرگە جاساعان تاماشا سىيى. ەلباسى ن.نازارباەۆ كىتاپقا تۋعان جەرىمىزدىڭ تاماشا تابيعاتىن, وتاندى سۇيۋگە دەگەن پەرزەنتتىك پارىز تۋرالى ەڭ تاڭدامالى ويلارىن جازعان. «مەنىڭ وتانىم – قازاقستان» كىتابى قوسىمشا ادەبيەت. ارينە, قازاقستاننىڭ بۇكىل قازبا بايلىعى مەن تاريحىن ءبىر كىتاپقا سىيدىرۋ مۇمكىن ەمەس. سوندىقتان, ەلباسى ءوزى تاڭداپ كىتاپقا تۋعان جەرىمىزدىڭ تاماشا تابيعاتىن, وتانعا دەگەن پەرزەنتتىك پارىز تۋرالى ەڭ تاڭدامالى ويلارىن جازعان. ەندى بۇل كىتاپ جىل سايىن تاراتىلىپ وتىرادى. ايتا كەتەيىك, بۇگىن استانا قالاسى بويىنشا قاتارىنان ءۇش جاڭا مەكتەپ اشىلدى. ال, جىل سوڭىنا دەيىن ەلوردا وقۋشىلارى ءۇشىن تاعى ەكى مەكتەپ اشىلماق. ءبىر مەكتەپ تازا قازاق تىلىندە ساباق بەرەدى, ەكىنشى مەكتەپ ارالاس مەكتەپ جانە بۇگىن اشىلعان مەكتەپ – قازاق ءتىلى مەن اعىلشىن تىلىنەن قاتار ساباق بەرەدى. قالا باسشىلىعى كوشى-قون لەگى مەن بالا تۋ كورسەتكىشىن ەسەپكە الا وتىرىپ, شاھاردىڭ قاي اۋدانىندا قانشا مەكتەپ سالۋ كەرەكتىگىن جوسپارلاپ وتىرادى», – دەدى.
مينيستر ءوز سوزىندە ۇستازدار قاۋىمىنا الداعى ۋاقىتتاردا جالاقىلارىنىڭ 50 پايىزعا دەيىن وسەتىنىن ايتىپ ءسۇيىنشى سۇرادى.
سودان سوڭ ارنايى شاقىرىلعان قوناقتار جاڭا گيمنازيا عيماراتىمەن تانىسىپ, 5-سىنىپ وقۋشىلارىنىڭ اعىلشىن تىلىندە وتكەن ينتەراكتيۆتى ساباعىنا, 7-سىنىپقا ارنالعان اعىلشىن تىلىندە وتكەن «قازاقستان جولى: 5 رەفورما جانە 100 قادام» تاقىرىبىنداعى سىنىپ ساعاتىنا, 6-سىنىپقا ارنالعان بيولوگيا ساباعىنا جانە «ەكسپو-2017 – بولاشاققا سەنىمدى قادام» تاقىرىبىنداعى اعىلشىن ءتىلى ساباعىنا قاتىستى.
سونداي-اق, كەشە «100 مەكتەپ – 100 اۋرۋحانا» مەملەكەتتىك باعدارلاماسى اياسىندا 2007 جىلى پايدالانۋعا بەرىلگەن استاناداعى № 58 ورتا مەكتەپتىڭ دە العاشقى قوڭىراۋىندا بولىپ, ەلباسىنىڭ «مەنىڭ وتانىم – قازاقستان» اتتى كىتابىن 1-سىنىپ بۇلدىرشىندەرىنە تابىس ەتۋ شاراسىنىڭ كۋاسى بولدىق.
بەرىك سادىر,
«ەگەمەن قازاقستان».
سۋرەتتى تۇسىرگەن
ورىنباي بالمۇرات.
