قۇتقارۋشىنىڭ قالتقىسىز قىزمەتى

قانداي دا ءبىر توتەنشە جاعداي ورىن العاندا قۇتقارۋشىلار قىزمەتىنە جۇگىنەرىمىز انىق. سالا باسشىلىعى مەن قىزمەتكەرلەرىنىڭ سىنالاتىن دا, سەنىم ارتىلاتىن دا كەزى سول ساتتە كورىنەدى. دەسەك تە, ءسابيت بيتاەۆ باسقاراتىن جەتىسۋلىق قۇتقارۋشىلاردىڭ ەسەلى ەڭبەگى اتالعان قىزمەتتىڭ قۇرىلعانىنا 20 جىل تولۋىنا ارنالعان شارادا انىق كورىندى. سونىمەن, سالتاناتتى جيىندا الماتى وبلىسى اكىمىنىڭ ورىنباسارى عالىمجان ءابدىرايىموۆ بايان­داما جاساپ سالا قىزمەتكەرلەرىن ىشكى ىستەر مينيسترلىگى توتەنشە جاعدايلار كوميتەتىنىڭ مەرەكەلىك توسبەلگىسىمەن جانە الماتى وبلىسى اكىمىنىڭ العىس حاتىمەن ماراپاتتادى. «ەلباسىنىڭ ارناۋلى جار­لىعىمەن قازاقستان رەسپۋبليكاسى ىشكى ىستەر مينيسترلىگىنىڭ توتەنشە جاعدايلار كوميتەتى قۇرىلعانى ءمالىم. بۇگىنگى تاڭدا الماتى وب­لىسى توتەنشە جاعدايلار دەپار­تامەنتى قىزمەتكەرلەرى ءتول مىندەتىن ءمىنسىز اتقارۋدا. مەملەكەتتىك سايا­ساتقا ساي جەرگىلىكتى بيۋدجەت­تەن بولىنگەن قاراجاتقا جىل باسىندا 34 ارنايى جانە قوسالقى باعىتتاعى قۇتقارۋ تەحنيكالارى, 4 جول تالعامايتىن, 7 قاردا جۇرەتىن, 31 ءجۇزۋ قۇرالدارى ساتىلىپ الىنىپ, تاراتىلدى. سونداي-اق, 2 مو­دۋلدى قۇرىلعى سۋدان قۇتقارۋ ستانتسيالارىندا ورناتىلدى. قۇت­قارۋشىلاردى دايىنداۋ جانە جاتتىقتىرۋ ءۇشىن ءبىر جۇكساۋىت تۇرىندەگى جىلۋ ءتۇتىن كامەراسى جانە 10 جينالمالى مۇنارا الىندى. ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ بولىمشەلەرى جىل سايىن 20 مىڭنان استام توتەنشە جاعدايلار ورنىنا بارادى. ءسويتىپ 1,5 مىڭنان استام ادامدى قۇتقارىپ قاۋىپسىز جەرگە شىعاردى. سونداي-اق, سۋ ايدىندارىندا قاۋىپسىزدىكتى قامتاماسىز ەتۋ ءۇشىن جەدەل-قۇتقارۋ جاساعىندا «ترەكول» بازاسىنداعى باتپاقتى جولدا توقتامايتىن كولىك, جۇردەك قۇتقارۋ اۆتوموبيلدەرى, ۇشقىر ءجۇزۋ قۇرالدارى مەن شاڭعى, قار­لى بوراننان قۇتقارۋعا ار­نالعان اۆتوكولىكتەر بار. ال جا­ساق جاۋىنگەرلەرى كەز كەلگەن ادام­عا ونىڭ تۇرعان ورنىنا قارا­ماستان, كومەككە بارۋعا دايىن تۇر. جاقىندا عانا الاكولدىڭ جاعالاۋى مەن قاپشاعاي سۋ قوي­ماسىندا زاماناۋي تەحنيكالىق جانە سانيتارلىق تالاپتارعا ساي كاسىپتىك قىزمەت ءۇشىن تەڭدەسى جوق ەكى ءمودۋلدى سۋدا قۇتقارۋ ستانتسياسى سالىندى. بۇل قۇتقارۋ جۇيەسى جىل سايىن جۇزدەگەن ادام­داردى قۇتقارۋعا مۇمكىندىك بەرەدى. «سالاماتتى قازاقستان» مەم­لە­كەتتىك باعدارلاماسى اياسىندا وبلىس اۋماعىنداعى كۇرەجولداردا مەديتسينالىق-قۇتقارۋ بەكەتتەرى ورناتىلىپ, كەزەكشىلەر توتەنشە جاعدايلار كەزىندە 2 مىڭنان استام مەديتسينالىق كومەك كورسەتتى. جىل سايىن ارداگەرلەردىڭ قا­جەتتىلىگىنە جاراتۋ ءۇشىن دەپار­تامەنت قىزمەتكەرلەرى ءبىر كۇندىك جالاقىلارىن بولەدى. سول سياق­تى تالدىقورعان قالاسىندا ور­نالاسقان «اينالايىن» بالالار ءۇيى «بوبەك» توبىنىڭ بالالارىنا كومەك كورسەتىپ, مەرەكەلەرىنە شاقىرىپ ويىنشىقتارمەن, جيhاز جانە وقۋ قۇرالدارىمەن قام­تاماسىز ەتۋدى دە داستۇرگە اينالدىرعان. ازاماتتىق قورعانىس بويىنشا اعىمداعى جىلدىڭ توعىز ايىندا 1183 تابيعي جانە تەحنوگەندىك سيپاتتاعى توتەنشە جاعدايلار مەن وقيعالار تىركەلدى. وسى جىلدىڭ ەسەپتىك كەزەڭىندە 3 مىڭ 330-دان استام جەدەل قۇت­قارۋ جۇرگىزىلدى», دەدى الماتى وب­لىسى توتەنشە جاعدايلار دەپار­تامەنتىنىڭ باستىعى ءسابيت بيتاەۆ. تۇيىندەپ ايتقاندا, قۇتقا­رۋ­شىلار جيىنىندا ءوڭىر ونەر­پاز­دارى ارنايى دايىنداعان مە­رە­­كەلىك كونتسەرت تاماشالانىپ, كو­ڭىلدەرگە قۋانىش نۇرىن سىيلادى. نۇربول الدىباەۆ, «ەگەمەن قازاقستان». تالدىقورعان.