ءدىني ساۋاتتىلىق ساباعى

مارات وسپانوۆ اتىنداعى باتىس قازاقستان مەملەكەتتىك مەديتسينالىق ۋنيۆەرسيتەتىندە جاستاردىڭ ءدىني ەكسترەميستىك توپتارعا تارتىلۋىنا جول بەرمەۋ ماقساتىندا ستۋدەنتتەر اراسىندا ونىڭ الدىن الۋعا بايلانىستى جۇيەلى جۇمىستار ءجۇر­گىزىلۋدە. جاقىندا مۇندا «اڭسار» اقپاراتتىق-ناسيحاتتىق توبى­نىڭ ماماندارىمەن ەكسترەميزم مەن تەرروريزمنىڭ الدىن الۋ ماسەلەلەرى بويىنشا 1-كۋرس ستۋ­دەنتتەرىمەن كەزدەسۋ ءوت­كى­­زىلدى. بەلگىلى بولىپ وتىرعانىنداي, قازىرگى تاڭدا ءدىني ەكسترەميزم مەن تەرروريزم ەڭ وزەكتى ماسەلەگە اي­نالدى. وعان ناقتى مىسال ءتۇر­كيا مەن سيريا, ليۆيا مەن پاكىس­تانداعى جاعدايلار بولىپ تابىلادى. ءوز ەلىمىزدەگى تاراز, ال­ما­تى قالالارىنداعى, باتىس ءوڭى­رىن­دەگى وقيعالار دا الاڭداۋشىلىق تۋ­عىزۋعا نەگىز بولىپ وتىر. كوبىنە ءدىني فاناتتاردىڭ ارباۋىنا جاستار ءتۇ­سىپ قالىپ جاتادى, ولاردى ينتەرنەت ارقىلى قاتارلارىنا تارتاتىنى دا جاسىرىن ەمەس. وسى جانە باسقا دىنگە قاتىستى ماسەلەلەر توڭىرەگىندە ستۋدەنتتەرمەن كەلەلى اڭگىمە وتكىزىلگەن شارا تەرروريزم تۋرالى الەۋمەتتىك بەينەبايان كورسەتۋمەن باستالدى. سودان كەيىن «اڭسار» اقپاراتتىق-ناسيحاتتىق توبى باسشىسىنىڭ ورىنباسارى اسلانبەك تىنىشتىق ەكسترەميزم جانە تەرروريزم تۋرالى تەرەڭ تۇسىنىك بەردى, ەكسترەميستىك توپتار مەن ءدىني فاناتتاردىڭ سول توپتارعا تارتۋ ادىستەرى تۋرالى اڭگىمەلەدى. ستۋدەنت جاستار كوتەرىلىپ وتىر­عان ماسەلەگە قىزىعۋشىلىق تانىتىپ, جيحاد دەگەن نە, راديكالدىق توپتاردىڭ قاتارىنا تارتۋعا قالاي ءتۇسىپ قالماۋ كەرەك, ەكسترەميستىك توپتاردى قالاي اجىراتۋعا بولادى دەگەن سياقتى كوپتەگەن ساۋالدار بەرىپ, تولىق جاۋاپ الدى. شارادا زاڭسىز ءدىني ارە­كەتتەردىڭ قىلمىس بولىپ تابىلاتى­نىنا ناقتى مىسالدار كەلتىرىلدى, ودان جاستاردىڭ بويىن اۋلاق ۇستاۋى قاجەتتىگى ايتىلدى. ستۋدەنت جاستار سا­نالارىنا ساۋلە تۇسكەندەي اسەر الدى. ساتىبالدى ءساۋىرباي, «ەگەمەن قازاقستان». اقتوبە.