تولەگەنوۆتەر وتباسىنا قانداي سىيلىق تا لايىق

تولەگەنوۆتەر وتباسىن تەك وب­لىس جۇرتشىلىعى عانا ەمەس, بۇكىل ەلىمىز تا­نىپ قالدى. ولار كۇزدە «مەرەيلى وتباسى» باي­قاۋىنىڭ وبلىستىق سا­تىسىنان جەڭىمپاز اتانىپ, رەس­پۋب­ليكالىق بايقاۋعا دا قاتىستى. وندا جەڭىمپاز اتانباعانىمەن سەگىز بالانى قامقورلىققا الىپ, تاربيەلەپ ءوسىرىپ وتىرعان نۇرلان مەن گۇلجاۋھار ءوز­دە­رىنىڭ مەيرىمىمەن, ەڭبەگىمەن تالايدى تام­ساندىرىپ, العىسقا بولەنىپ قايتقان ەدى. تولەگەنوۆتەر وتباسى ەلىمىزدە ءبىرىنشى بولىپ وتباسىلىق با­لا­لار ءۇيىن قۇرعالى وتىر. جاقىندا نۇرلان جۇرگىزۋشى بولىپ ىستەيتىن «KMF» شاعىن نەسيە ۇيىمى بۇل وتباسىنا شاعىن اۆتوبۋس سىيعا تارتتى. – تولەگەنوۆتەر استاناعا بارىپ, رەسپۋبليكالىق بايقاۋعا قاتىسقاندا ءبىز بۇكىل ۇجىم بولىپ, ولارعا داۋىس بەردىك. ارينە, ولاردىڭ جەڭىسىن تىلەدىك. اڭگىمە جەڭۋدە عانا ەمەس. ءوزىنىڭ ءبىر بالاسىمەن قوسا سەگىز بالانى اسىراپ الىپ, باقىتتى ەتۋ تولە­گەنوۆتەر وتباسىنىڭ باستى جەڭىسى ەكەنىن بارلىعى دا مويىندايدى. ءبىز ولارعا ون ورىندىق شاعىن اۆتوبۋس­تى سىيعا تارتۋدى ويلادىق, مۇنى بيزنەستىڭ الەۋمەتتىك جاۋ­اپ­­­كەرشىلىگى دەپ تۇسىنەمىز, – دەدى «KMF» شاعىن نەسيە ۇيى­مى جۇرت­شى­لىقپەن بايلانىس ءجو­نىندەگى باسقارما توراعاسىنىڭ كەڭەسشىسى راۋزا يبراگيموۆا. – ەندى بالالارمەن دە­م­الۋعا ءبارىمىز بىرگە شىعاتىن بولدىق. ءبىز­­دىڭ وتباسى ۇلكەن بولعاندىقتان, تا­بيعات اياسىنا شىققاندا پاپاسى بار­لىعىمىزدى بىرنەشە رەت تاسيتىن, ەندى اۆتوبۋسقا بارلىعىمىز دا سىيامىز! – دەيدى قۋانعان گۇل­جاۋھار. بەرەكەلى وتباسىنا سىيعا تارتقان كولىكتىڭ قۇنى 10 ميلليون تەڭگە تۇرادى. ونىڭ سىرتىندا «KMF» ۇيىمىنىڭ بارلىق وبلىستارداعى 18 فيليا­لىنىڭ قىزمەتكەرلەرى 2 ميلليون 300 مىڭ تەڭگە قارجى جيىپ بەردى. ونى نۇرلان وزدەرىنە ارناپ سالىنىپ جاتقان ۇيگە جاراتپاق. – بىزدە نۇرلان ءۇش جىل جۇمىس ىستەيدى. ونىڭ جاساپ وتىرعان ساۋاپتى ءىسى ءبىزدىڭ ۇيىمشىل ۇجىمىمىز ءۇشىن ماقتانىش, ۇلگى الارلىق ازامات, – دەدى «KMF» شاعىن نەسيە ۇيىمى قوستاناي فيليالىنىڭ ديرەكتورى ناعاشىباي كۇركەنوۆ. قاراۋسىز قالعان بىرنەشە ۇلتتىڭ بالالارىن اتا-انالىق مەيىرىمگە شومىلدىرىپ, باقىتتى ەتىپ وتىر­­عان نۇرلان مەن گۇلجاۋھار ءتو­لە­گەنوۆتەردىڭ وتباسىنا قانداي سىي­لىق تا لايىق. ءنازيرا جارىمبەتوۆا, «ەگەمەن قازاقستان». قوستاناي.