قاراعاندىدا كەنشىلەر قۇرمەت بەلگىسىمەن ماراپاتتالدى

قاراعاندى. 1 قىركۇيەك. كەنشىلەردىڭ كاسىبي مەرەكەسى قارساڭىندا «ارسەلورميتتال تەمىرتاۋ» اكتسيونەرلىك قوعامىنىڭ كومىر دەپارتامەنتى شاحتالارىنىڭ 14 قىزمەتكەرى ءى دارەجەلى «شاحتەر داڭقى» قۇرمەت بەلگىسىمەن ماراپاتتالدى. بۇل تۋرالى egemen.kz ءتىلشىسى حابارلادى. سوىنمەن قاتار, الپاۋىت كومپانياعا قاراستى كومىر دەپارتامەنتى شاحتالارىنىڭ جانە كاسىپورىندارىنىڭ 1,5 مىڭنان استام قىزمەتكەرى ءتۇرلى ناگرادالارعا يە بولدى. سالتاناتتى جيىننان كەيىنگى مەرەكەلىك كونتسەرتتە كەنشىلەر قاۋىمىنىڭ الدىندا جەرگىلىكتى جانە قازاقستاندىق ارتىستەر ونەر كورسەتتى. سونداي-اق, 80-ءشى جىلدارداعى بەلگىلى نەمىس توبى «شىڭعىسحان» (Dschinghis Khan) دا ءان شىرقادى. شاحتەرلەر مەرەكەسى ءوڭىردىڭ ساتباەۆ, جەزقازعان جانە بالقاش قالالارىندا دا ءوز دەڭگەيىندە تويلاندى. كومپانيانىڭ ەڭبەكتەگى وزات  قىزمەتكەرلەرى ماراپاتتالىپ, جۇمىس بابىندا قازا تاپقان كەنشىلەردىڭ وتباسىلارى مەن قىزمەتى سالدارىنان مۇگەدەك بولىپ قالعان جۇمىسسىزدارعا ماتەريالدىق كومەك كورسەتىلدى. كەنىلەر كۇنى مەرەكەسى جىل سايىن تامىز ايىنىڭ سوڭعى جەكسەنبىسىندە تويلانادى. قايرات ءابىلدينوۆ. سۋرەت, دەرەك: egemen.kz.