بۇل ماسەلەگە بەي-جاي قارامايىق

شۇكىرشىلىك ەتەيىك, ەلىمىزدە ەلباسىمىزدىڭ ساليقالى سايا­ساتىنىڭ ارقاسىندا تىنىش, بەيبىت كۇن كەشۋدەمىز. الايدا, الاڭ­داتارلىق جايتتار كوپ-اق. سولاردىڭ ءبىرى – كولدەنەڭ كوك اتتىلاردىڭ ەپتەپ كوبەيىپ بارا جاتقانى, ەرتەڭ ەداۋىر پروبلەما تۋعىزىپ جۇرمەي مە دەگەن وي دا جوق ەمەس. ۆوكزالدىڭ ماڭايىندا دا, ساۋدا ورىندارىندا دا قاپتاپ جۇرگەندەر دە سولار. وندايلاردىڭ جانىندا جۇرگەن كىپ-كىشكەنتاي پەرىشتەلەردى كور­گەندە جۇرەگىڭ ەلجىرەيدى. ءبىر جولى سوعان كۋا بولعانىم بار. استانا شاھارىنداعى حالىققا قىزمەت كورسەتۋ ورتالىعىنىڭ (حقو) ال­­دىن­دا جالاڭاياق كامەلەتكە تول­ماعان ءبىر جەتكىنشەك ءجۇر. ءوت­كەن-كەتكەننەن قايىر سۇرايدى. ءبىر كەزدە بالا تىسقارى شىعا بەرىپ ەدى, بالانىڭ اناسى اياق كيىمىن قالقالاپ كيگىزىپ جاتتى. مۇنى قالاي ءتۇ­سىنۋگە بولادى؟ اناسىنىڭ ويى, حا­لىق جالاڭاياق بالانى كورگەندە جاناشىرلىق تانىتىپ, نان-پۇلعا تيىن-تەبەن بەرەدى دەگەنى بولار, ءسىرا؟! تۋعان اناسىنىڭ بالاسىنىڭ دەنساۋلىعىن ويلاۋدىڭ ورنىنا وسىنداي جالعان ارەكەتكە ءوزى بارىپ وتىرسا, باسقادان نە ءۇمىت, نە قايىر؟ مىنا, جاڭا زاماننىڭ ادامى نەگە مۇنداي ايارلىققا با­­رىپ ءجۇر؟ ءوز وتانىمىزدىڭ ازا­ماتتارىنىڭ اراسىنان دا ارا­گىدىك ونداي كورىنىستەر كەزدەسىپ قا­لاتىنىن جوققا شىعارا الماساق كەرەك. ءيا, قازاق دەگەن ۇلى ەلىمىزدىڭ ۇرپاعى رەتىندە جاس تا بولسا, باس قالامىز استانا كەلبەتىنىڭ اشىلۋىنا ءسىز بەن ءبىز بولىپ ۇلەس قوسا بىلسەك, نۇر ۇستىنە نۇر بولارى حاق! مەملەكەت باسشىسى نۇرسۇلتان ءابىش ۇلى نازارباەۆ: «جا­ڭا استانانىڭ قالاسى دا, ادامدارىنىڭ ساناسى دا جاڭا بولسىن», – دەگەن بولاتىن. وسىعان ساي بولۋ بارىمىزگە پارىز دەپ بىلەمىن. اتام قازاق پارىزدى بىلگەن ەرتەڭگە قارىز بولمايدى, دەيدى. نۇرماحانبەت احاتاەۆ, استانا قالاسىنىڭ تۇرعىنى.