پاۆلوداردا بەلارۋس تاۋارلارىنىڭ جارمەڭكەسى وتەدى

پاۆلودار. 1 قىركۇيەك.        پاۆلوداردا بەلارۋس تاۋارلارىنىڭ جارمەڭكەسى وتەدى. بۇل تۋرالى egemen.kz ءتىلشىسى حابارلادى. وبلىس اكىمى قانات بوزىمباەۆ پەن بەلارۋستىڭ ەلىمىزدەگى توتەنشە جانە وكىلەتتى ەلشىسى اناتولي نيچكاسوۆتىڭ وبلىستىق اكىمدىكتە وتكەن كەزدەسۋىندە جارمەڭكەنىڭ ماڭىزدىلىعى ايتىلدى. ەكى ەل اراسىنداعى تاۋار اينالىمى سوڭعى جىلدارى 40 ميلليون اقش دوللارى كولەمىنە جەتىپتى. وتكەن جىلى پاۆلوداردان بەلارۋس ەلىنە 6 مىڭ توننا اليۋميني جىبەرىلگەن. ال, بىزگە ولاردان ماشينا, ازىق-ت ۇلىك, تەحنيكالىق جابدىقتار جەتكىزىلەدى. مىسالى,, جەرگىلىكتى «ەرتىس-ليفت» جشس-ءى «موگيلەۆماشليفت» كاسىپورنىمەن بىرلەسىپ, 200 ليفت قۇراستىرسا, 42 ليفت قۇرال-جابدىقتارى ساتىپ الىنعان. ەلدەر اراسىنداعى ساۋدا-ەكونوميكالىق ىنتىماقتاستىقتى نىعايتۋ ماڭىزدى. «ءبىز سىزدەردەن قارا جانە ءتۇستى مەتاللۋرگيا ونىمدەرىن ساتىپ الامىز. سونداي-اق,باسقا دا جوبالار الداعى جوسپارلاردا بار. ەلدەر اراسىنداعى نارىق شەڭبەرى كەڭ» , دەيدى اناتولي نيچكاسوۆ. كەزدەسۋدەن سوڭ قانات بوزىمباەۆ پەن بەلارۋس ەلشىسى ىنتىماقتاستىق جونىندەگى مەموراندۋمعا قول قويدى. ەلشى وبلىسقا جاساعان جۇمىس ساپارى بارىسىندا كاسىپكەرلەرمەن كەزدەستى, سونداي-اق «بەلارۋس مادەني ورتالىعى» قوعامدىق بىرلەستىگىندە بولدى. فاريدا بىقاي. دەرەك: egemen.kz سۋرەت: ۆالەري بۋگاەۆ.