ارداگەرلەرگە تەگىن باسىلىم

ەۋرازيالىق توپتىڭ قۇرامىنا كىرەتىن «قازحروم» تۇك» اق فيليالى – اقتوبە فەرروقورىتپا زاۋىتى ارداگەرلەر كەڭەسىنىڭ ۇيىتقى بولۋىمەن, زاۋىت اكىمشىلىگىنىڭ قولداۋىمەن 700 ەڭبەك ارداگەرى وزدەرىنىڭ قالاۋلارى بويىنشا سۇيىكتى رەسپۋبليكالىق, وبلىستىق باسىلىمدارعا 2016 جىلعا تەگىن جازىلۋدا. بۇل ماقساتقا زاۋىت اكىمشىلىگىنەن 2340 مىڭ تەڭگە كولەمىندە قاراجات ءبولىندى. قارتتارىن اسىل قازىناسىنداي سىيلايتىن بۇل كاسىپورىن جىل سايىن ءوز ارداگەرلەرىنە تەگىن با­سىلىمعا جازىلۋدى داستۇرگە اينال­دىرىپ كەلەدى. بۇل يگى ءىس-شارا بيىل دا ءوز جالعاسىن تاپتى. الداعى جى­لى زەينەتكەرلەر وزدەرىنىڭ قا­لاۋىمەن رەس­پۋب­ليكالىق «ەگەمەن قا­زاقستان», «كا­زاحستانسكايا پراۆدا» گا­زەت­تەرى­مەن قايتا قاۋىشا الادى. بۇل قازىرگىدەي قارجىلىق داع­دارىس ەتەكتەن تارتقان كەزدە ەڭبەك ارداگەرلەرى ءۇشىن ۇلكەن كومەك. ەڭ باستىسى, مۇنى گازەت وقۋعا داع­دىلانعان اعا ۇر­پاق وكىلدەرىنىڭ ءوز ءۇيى, ولەڭ توسە­گىندە وتىرىپ, الەمدە, ەلدە جانە وڭىردە بولىپ جاتقان جاڭا­لىقتارمەن, وقيعالارمەن تانىسۋىنا تۋعىزىلعان تاعىلىمدىق ءىس دەۋ ورىندى. بۇل قارجى جوق دەپ قارتتارىنا دا قاراسپاي, قاپەردەن شىعارىپ الاتىن وزگە كاسىپورىندارعا ۇلگى بولاتىن-اق ءۇردىس. ساتىبالدى ءساۋىرباي, «ەگەمەن قازاقستان». اقتوبە وبلىسى.