قوستاناي. 1 قىركۇيەك. سىبايلاس جەمقورلىقتىڭ الدىن الۋ ءۇشىن مەملەكەتتىك قىزمەت ىستەرى جانە سىبايلاس جەمقورلىققا قارسى ىس-قيمىل اگەنتتىگى وبلىستىق دەپارتامەنتى مەن «قازپوشتا» اكتسيونەرلىك قوعامى وبىلستىق فيليالىنىڭ باسشىلىعى كەلىسىپ, سىبايلاس جەمقورلىققا قارسى تۇرعىنداردار اراسىندا اعارتۋ شارالارىن ويلاستىردى. بۇل تۋرالى egemen.kz ءتىلشىسى حابارلادى.
بەس ينستيتۋتسيونالدى رەفورمانى جۇزەگە اسىرۋ جولىنداعى «100 ناقتى قادامدا» سىبايلاس جەمقورلىققا قارسى جۇمىستى كۇشەيتۋ تۋرالى ايتىلعان بولاتىن. بۇل قوعام دەرتىنە كۇرەستىڭ ەڭ ءتيىمدى ءتۇرىنىڭ ءبىرى ونىڭ الدىن الۋ, زاڭنامالىق اعارتۋ جۇمىستارى بولىپ تابىلادى. بۇل ورايدا قوستاناي وبلىستىق قىزمەت ىستەرى جانە سىبايلاس جەمقورلىققا قارسى ىس-قيمىل دەپارتامەنتى قىزۋ ىسكە كىرىستى.
دەپارتامەنت پەن «قازپوشتا» اراسىنداعى كەلىسىم اياسىندا سىبايلاستىققا قارسى بىرنەشە شارالار ۇيىمداستىرىلاتىن بولدى. جەرگىلىكتى جەردەردەگى ازاماتتاردىڭ قۇقى مەن زاڭدىق مۇددەلەرى تاپتالماۋ ءۇشىن «قازپوشتا» اكتسيونەرلىك قوعامى مەرزىمدى باسىلىمداردىڭ اراسىنا مەملەكەتتىك قىزمەت ىستەرى جانە سىبايلاس جەمقورلىققا قارسى ىس-قيمىل دەپارتامەنتىنىڭ مەكەن جايى, تەلەفوندارى (Call-center – 1494, ينفورماتسيوننىي پورتال - 1494.kz, سايت -www.anticorruptionkst.kz, تەل.8-7142-914-222, WhatsApp: +7-707-122-1494, Skype -DADGSPK1494) كورسەتىلگەن پاراقشالار قوسىپ سالاتىن بولدى. ول وبلىستاعى 226 پوشتا بولىمشەلەرىنىڭ بارلىعىنا تاراتىلادى.
«قازپوشتا» اكتسيونەرلك قوعامى وبلىستىق فيليالى باسشىسىنىڭ مىندەتىن اتقارۋشى شىنداۋلەت مولداحمەتوۆ: «مۇنداي پاراقشالاردىڭ تاراتىلۋى تۇرعىنداردىڭ قۇقىقتىق ساۋاتىن كوتەرۋگە ىقپال ەتەدى جانە ول الداعى ۋاقىتتا ىرعاقتى جۇرگىزىلەتىن بولادى», دەدى.
ءنازيرا جارىمبەتوۆا.
دەرەك, سۋرەت: egemen.kz
