قوستاناي. 1 قىركۇيەك. ەلىمىز كونستيتۋتسياسىنىڭ 20 جىلدىق مەرەكەسى قارساڭىندا قالا تۇرعىندارى باسپانالى بولدى. بۇل تۋرالى egemen.kz ءتىلشىسى حابارلادى.
ەلىمىز كونستيتۋتسياسىنىڭ 20 جىلدىق مەرەكەسىنە وراي وبلىس اكىمى نۇرالى سادۋاقاسوۆ قالانىڭ 20 تۇرعىنىنا پاتەر كىلتىن تاپسىردى. وبلىس اكىمى نۇرالى سادۋاقاسوۆ: «بۇگىنگى داعدارىسقا قاراماستان قازاقستان ەكونوميكالىق جاعىنان دامىپ كەلەدى. كوپتەگەن كاسىپورىندار اشىلىپ, جۇمىس ورىندارى قۇرىلىپ جاتىر.
ەلىمىزدە «قول جەتىمدى باسپانا» باعدارلاماسىنىڭ جۇزەگە اسىپ جاتقانىنا ءبىرشاما ۋاقىت بولدى. ونى جۇزەگە اسىرۋدى قازاقستاننىڭ يپوتەكالىق كومپانياسى قولعا العان بولاتىن. ءۇيدىڭ قۇرىلىسىن جۇرگىزگەن «بك ستروي» قۇرىلىس كومپانياسىنىڭ تىندىرىمدى جۇمىس ارىنىڭ ارقاسىندا دارىگەرلەر, مۇعالىمدەر, باسقا دا الەۋمەتتىك از قورعالعان تۇرعىندار باسپانالى بولىپ وتىر. قوستانايدا بيىل 91 ادام باس پانا الاتىن بولادى», دەدى. وبلىس اكىمىنىڭ قولىنان كىلت العان مۇعالىم گۇلجاۋھار نوكتىڭ دا قۋانىشىندا شەك بولمادى.
گۇلجاۋھار نوك: «مەن قالادا ون جىلدان بەرى پاتەر كەزەگىندە تۇردىم. وسى جىلدار ىشىندە پاتەر جالدادىق. بالا وقىتتىم, قيىندىقتى كوردىك. ەندى مىنە وزىمە پاتەر الدىم, وسى الەۋمەتتىك باعدارلامانى جاساعان ەلباسىنا, مەملەكەتىمىزدىڭ ساياساتىنا راحمەت ايتامىن», دەدى. ونىمەن بىرگە پاتەر كىلتىن العانداردىڭ ىشىندە ەكى جەتىم بالا, اسكەري قىزمەتكەرلەر, بيۋدجەتتىك مەكەمەلەر قىزمەتكەرلەرى, تولىق ەمەس وتباسىلار دا بولدى.
سول كۇنى قوستاناي قالاسىنىڭ اك ءىمى احمەتجان احمەتبەكوۆ ارمان تۇرعىن ءۇي كەشەنىندەگى 211-ءشى ۇيدەن تاعى دا 40 قوچستانايلىققا پاتەر كىلتىن تاپسىردى. جىلدىڭ اياعىنا دەيىن بارلىعى 91 قوستانايلىق پاتەرگە يە بولادى.
ءنازيرا جارىمبەتوۆا.
دەرەك, سۋرەت: egemen.kz
