قوستانايدا مۇگەدەكتەرگە دەمەۋ جابدىقتار جەتپەي جاتىر

قوستاناي. 1 قىركۇيەك. قوستاناي وبلىسىندا مۇگەدەكتەرگە ارنالعان دەمەۋ جابدىقتارىن ساتىپ الۋعا قارجى جەتىسپەيدى. سوعان بايلانىستى مۇگەدەكتەر پروتەزدەردى, اربالاردى, كۋرورتتىق-ساناتورلىق جولدامالاردى جىلداپ كۇتەدى. بۇل تۋرالى egemen.kz ءتىلشىسى حابارلادى. قوستاناي وبلىستىق ەڭبەك, الەۋمەتتىك قورعاۋ جانە كوشى-قوڭ جونىندەگى دەپارتامەنت ديرەكتورى مۇرات مۇراتبەكوۆ: «وبلىستا پروتەزدىك-ورتوپەديالىق جابدىقتار 541 ادامعا كەرەك, سونىڭ 215 عانا قامتاماسىز ەتىلدى, بۇل بارلىعىنىڭ تەك 40 پايىزى عانا بولىپ تابىلادى», دەدى. دەمەك وبلىستا 375 مۇگەدەك قاجەتتى جابدىقتارمپەن قامتاماسىز ەتىلمەگەن. وبلىس وڭىرىندەگى ناۋقاس ادامدارعا جىل سايىن ساناتورلىق-كۋرورتتىق ەم قابىلداۋ كەرەك, ولارعا 747 ادام ءزارۋ بولسا, سونىڭ 342 عانا ەم الىپ ۇلگەردى. قالعان 405-ءى ءالى كەزەك كۇتىپ وتىر. سۋردوجابدىقتارمەن مۇگەدەكتەردىڭ 25 پايىزى, تيفلوقۇرالدارمەن 64 پايىزى قامتاماسىز ەتىلگەن. ال مۇگەدەك ارباسىن 99 ادامنىڭ تەك 29 عانا العان. مۇراتبەكوۆتىڭ ايتۋىنشا, تەكسەرۋ كورسەتكەندەي, مۇگەدەكگە ارنالعان دەمەۋ جابدىق-قۇرالدارىن, ياعني بالداق, ورتوپەديالىق اياقكيىمدەردى, اربالاردى ءزارۋ جاندار جىلدار جىلداپ كۇۇتەدى.   مۇنداي فاكتىلەر وبىلستىڭ ءار قالاسىندا, اۋدانىندا كەزدەسەدى. مۇنىڭ بارلىعىنا, ياعني مۇگەدەكتەردى دەمەيتىن الەۋمەتتىك باعدارلامالاردىڭ ۋاقىتىسىندا ورىندالماۋىنا ونىڭ جەتكىلىكتى قارجىلاندىرىلماۋى باستى سەبەپ بولىپ وتىر. ءنازيرا جارىمبەتوۆا. دەرەك, سۋرەت: egemen.kz