قوستاناي. 1 قىركۇيەك. قوستانايدا «قازاقستاننىڭ ۇزدىك تاۋارلارى» بايقاۋ-كورمەسىنىڭ وبلىستىق ساتىسىنىڭ قورىتىندىسى شىعارىلدى. بۇل تۋرالى egemen.kz ءتىلشىسى حابارلادى.
وتاندىق ونىمدەردىڭ ساپاسىن كوتەرۋ ماقساتىندا وتكىزىلگەن بايقاۋ-كورمەنى وبلىس اكىمدىگى مەن رەسپۋبليكالىق كاسىپكەرلەردىڭ «اتامەكەن» ۇلتتىق پالاتاسىنىڭ وبلىستىق بولىمشەسى -- كاسىپكەرلەردىڭ وبلىستىق پالاتاسى ۇيىمداستىردى.
كورمەگە ءوز تاۋارىنىڭ ساپاسىنا سەنگەن 13 كاسىپورىن قاتىسۋعا ۇسىنىس ءبىلدىردى. سونىڭ ىشىندە 8 كاسىپورىن بيىل ءبىرىنشى رەت باعىن سىنادى. ەكى كاسىپورىن رەسپۋبليكالىق «التىن ساپا» بايقاۋىنا قاتىسۋعا نيەت ءبىلدىرىپ وتىر. مىسالى, «ەۋراز كاسپيان ستال» جاۋاپكەرشىلىگى شەكتەۋلى سەرىكتەستىگى وتكەن جىلى عانا جۇمىسىن باستاعان بولاتىن. ونىڭ وندىرگەن مەتالليلەكتەرىن وبلىستان سىرت جەرلەر, شەت ەلدەر الىپ جاتىر. اۋىل شارۋاشىلىعىندا «كامەنسك-ۋرالسك» جاۋپاكەرشىلىگى شەكتەۋلى سەرىكتەستىگى قىمىز وندىرىسىمەن اينالىسادى. كۇنىنە 150 ليتر قىمىز ءوندىرىپ, قالاداعى بىرنەشە ساۋدا ورىندارىن قامتاماسىز ەتەدى.
بايقاۋ-كورمەنىڭ اياسىندا عىلىمي-تەوريالىق كونفەرەنتسيا ءوتىپ, وندا كاسىپكەرلەرگە بايقاۋعا قاتىسۋعا قۇجات دايىنداۋ ماسەلەلسى, كاسىپورىندار ءوندىرىسىن دامىتۋ ماسەلەلەرى قارالدى. سوڭىندا بايقاۋ قورىتىندىسى شىعارىلدى. وندا ءۇش اتالىم بويىنشا كاسىپورىندار اراسىنداعى جەڭىمپازدار انىقتالىپ, ولارعا سەرتيفيكاتتار مەن سىيلىقتار تابىس ەتىلدى. «ۇزدىك وندىرىستىك تاۋارلار» اتالىمى بويىنشا ءبىرىنىش ورىندى «ەۆراز كاسپيان ستال» جشس, «ۇزدىك ازىق-ت ۇلىكتىك تاۋارلار» اتالىمى بويىنشا ءبىرىنشى ورىندى «ايان-وزات» جشس, «حالىق تۇتىناتىن ۇزدىك تاۋارلار» اتالىمىنىڭ ۇزدىگى «سارىارقااۆتو پروم» جشس دەپ تانىلدى.
ءنازيرا جارىمبەتوۆا.
دەرەك, سۋرەت: egemen.kz
