اكىمنىڭ قولداۋىمەن جارىق كوردى

تالدىقورعاندا ەلباسىنىڭ «اقىل-پاراسات» كىتابىنىڭ تۇساۋكەسەر ءراسىمى بولىپ ءوتتى. اۋەلگى كەزەكتە, «الەم تانىعان ەگەمەن ەلدىڭ ەلباسى» اتتى سلايد-شوۋ مەن مەملەكەت باسشىسى تۋرالى كينوفيلم كورسەتىلدى. جازۋشى روللان سەيسەنباەۆ­تىڭ جەتەكشىلىگىمەن قۇراستى­رىل­عان بۇل كىتاپقا قازاقستان رەس­پۋب­ليكاسىنىڭ پرەزيدەنتى ­نۇر­سۇلتان نازارباەۆتىڭ وسىعان دەيىن مەرزىمدىك باسىلىمداردا جاريالانعان وي-تولعاۋلارى, ماقالالارى ەنگىزىلگەن. جەتىسۋدىڭ كىندىك قالاسى – تالدىقورعاندا زيالى قاۋىم وكىل­دەرىنىڭ باسىن قوسقان يگى شارادا كىتاپ جان-جاقتى ساراپ­تالىپ, وڭ پىكىرلەر ايتىلدى. نەگىزى, بۇل تۋىندىنى جارىق­قا شىعارعان AMANAT» كىتاپحا­نا­سىنىڭ رە­داكتسيالىق كەڭەسىنە تەك قازاق­ستاندىق قانا ەمەس, جاپونيا, انگليا, ۋكراينا, تاتار­ستان, فران­تسيا, فينليانديا ەلدەرى­نىڭ قالام ۇستاعان ازاماتتارى ەنگىزىلگەن. «استانا كۇنى مەرەكەسىنىڭ قارساڭىندا ەلباسىنىڭ «اقىل-پاراسات» اتتى كىتابى الماتى وب­لىسىنىڭ اكىمى اماندىق باتا­لوۆتىڭ قولداۋىمەن «جەتىسۋ كى­تاپحاناسى» ايدارى اياسىندا جارىققا شىعىپ, وقىرماندارىنا ۇسىنىلدى. مەملەكەتىمىز تاۋەل­سىزدىگىن العان كۇننەن باستاپ, ەلباسىنىڭ قازاقستان رەسپۋب­ليكاسى اۋماعىندا عانا ەمەس, حالىقارالىق مىنبەلەردە ايتقان كەلەلى پىكىرلەرى مەن تۇششىمدى ويلارى وسى كىتاپتا جاريالاندى. كىتاپتاعى ءتىل, ءدىن, مادەنيەت, ۇلتارالىق تاتۋلىق جانە كۇندەلىكتى ومىردە تۋىندايتىن ماسەلەلەر وسكەلەڭ ۇرپاق قاجەتتىلىگىن وتەيدى دەپ سەنىم ارتامىن», – دەدى الماتى وبلىسى اكىمىنىڭ ورىنباسارى باقتيار ونەرباەۆ. نۇربول الدىباەۆ, «ەگەمەن قازاقستان». الماتى وبلىسى.