قازاقستان جاستار وداعى جانە حالىقارالىق ادەبي «الاش» سىيلىقتارىنىڭ لاۋرەاتى اقىن, جازۋشى ادىلبەك ىبىرايىم ۇلىنىڭ «ءسوز كيەسى» اتتى ادەبي-ليريكالى شىعارماشىلىق كەشى وتكەن جۇمادا تالدىقورعاندىقتاردى اسەرلى الەمگە ەنگىزە ءبىلدى. الماتى وبلىسىنىڭ ورتالىق مادەنيەت سارايىنىڭ كىرەبەرىسىندەگى كورمەدە تىزىلگەن 12 كىتاپ اتاۋىنىڭ تىڭ دا توسىندىعى, ساحنا تورىندە اۆتور تۋىندىلارىنان سىر شەرتكەن بەينەجازبا – ءبارى دە جاراسىمدى شىققان.
ادىلبەك ىبىرايىم ۇلى ءدۇيىم جۇرتتىڭ الدىنا شىعىپ, پاراساتتى ويىن قارا سوزبەن ءبىر قايىرىپ, سەزىمگە تۇنىپ تۇرعان ولەڭدەرىن وقىعاندا, حالىق ىزگى ءىلتيپاتىن تولاسسىز قول سوعۋمەن ءبىلدىردى. بەس بەلەستىڭ بيىگىنە كوتەرىلىپ, تۋعان جەرىنە كەلىپ شىعارماشىلىق ەسەپ بەرە بىلگەن استانالىق ازاماتتى الماتى وبلىسى اكىمىنىڭ ورىنباسارى باقتيار ونەرباەۆ قۇتتىقتاپ, ءوڭىر باسشىسىنىڭ جانە رەسمي تۇلعالاردىڭ ارنايى جولداعان حاتتارىن وقىپ بەردى.
