ءبىر مەزەتتە 3 000 الما جەگەن

3 500 وقۋشى قازاقستاندىق رەكوردتار كىتابىنا تىركەلدى قازاقستاندىق وقۋشى­لار­دىڭ بۇل رەكوردى ەلباسى – قازاقستان رەسپۋبليكاسىنىڭ تۇڭعىش پرە­زيدەنتى قورى ار­قىلى ۇيىم­­داستىرىلعان «امان كەلەشەك» بالالارعا ارنالعان II ينكليۋزيۆتى ءما­دەني-سپورتتىق فەستيۆالى اياسىندا ءوتتى. اتالمىش شاراعا با­لا­لار ۇيلەرىنىڭ, تۇرمىسى ءتو­مەن وتباسىلارىنىڭ, باسقا وڭىرلەردەن كەلگەن مەكتەپ-ين­تەرناتتاردىڭ وقۋشىلارى مەن الماتى قالا­سىنداعى جالپى ءبىلىم بەرەتىن مەكتەپتەردەن 3 500 وقۋشى قاتىسىپ, تالانتتارىن تانىتىپ, ءتۇرلى سپورتتىق ەستافەتالار بويىنشا سايىستى. پرەزيدەنت قورىنىڭ اتقا­رۋشى ديرەكتورى ساعىندىق نۇراحانوۆ وسىناۋ شارا بالالار ءۇشىن تۇتاس مۇمكىندىكتەر الەمىن اشاتىندىعىن ايتىپ وتىر. سونىمەن, بيىل ەكىنشى رەت قازاقستان رەسپۋبليكاسى تۇڭعىش پرەزيدەنتىنىڭ سپورت­تىق-جات­تىق­تىرۋ كەشەنى بازاسىندا وتكىزىلىپ وتىرعان فەس­تيۆالگە وليمپيادا چەمپيونى, ايگىلى بوكسشى ەرماحان ىبىرايىموۆ قاتىسىپ: «قازىرگى گادجەتتەر مەن كومپيۋتەرلىك ويىندار زامانىندا بالالار دالاعا شىق­پايدى, قيمىل-قوزعالىسى از. سوندىقتان «امان كەلەشەك» فەستيۆالىنىڭ ماڭىزى زور. بۇگىن بالالار كوپ نارسە ۇيرەنىپ قانا قوي­ماي, باسقا قالالاردان كەلگەن قۇرداستارىمەن تانىستى. ءبىز ولارعا باسقا دا قىزىقتى الەم مەن ارماندار بار ەكەنىن كورسەتىپ, بويىنداعى دارىندارىن كورسەتۋگە سەپتەسەتىنىمىزگە سەنىمدىمىن», دەدى. ايناش ەسالي, «ەگەمەن قازاقستان». الماتى.