ەلوردا: ساياباقتار فەستيۆالى

كوشە فەستيۆالدارى وتباسىلىق دەمالىستىڭ زاماناۋي قولجەتىمدى پىشىمىنە اينالدى. قالا كۇنى مەرەكەسى اياسىندا باستاۋ العان وسىنداي يگىلىكتى شارانىڭ ءبىرى – «استانا-Park Land» قالالىق ساياباقتار فەستيۆالى بولدى. ەلورداداعى «ستۋدەنتتىك», «اراي», «استانالىق» جانە «عاشىقتار» ساياباقتارىنىڭ ارقايسىسىنىڭ ءوز تاقىرىبى بار. مەرەكە كۇندەرى ولار ەتنوساياباق, تاريحي ساياباق, ديسكو ساياباق جانە ارت-ساياباققا اينالدى. مەرەكە كۇندەرى استانالىقتار مەن قالا قوناقتارى ءۇشىن ۋا­قىت­تى قىزىقتى دا مازمۇندى وتكىزۋ­دىڭ بارلىق مۇمكىندىكتەرى قا­راس­تىرىلعان. اسەم بەزەندىرىلگەن كو­شەلەر مەن الاڭدار ناعىز ­تەاتر ­ساحنالارىنا, كونتسەرتتىك ورتا­لىق­­تارعا اينالعان. شاتتىق قۇ­شاعىندا­عى ەلوردانىڭ قاي اۋدا­نى­نا بارسا­ڭىز دا مەرەكەلىك شات­تىققا بولەنە­سىز. بۇل ءۇردىس قالا­لىق­ ساياباقتاردا دا كەڭ كورىنىس تابۋدا. فەستيۆال شەڭبەرىندە ەتنو­­پاركتە ۇلى جىبەك جولى ءجار­مەڭ­كەسى داستۇرلەرى ساقتالىپ, شىعىس بازا­رىنىڭ ۇلگىسى قويىل­عان. تاريحي ساياباقتىڭ ينتەراك­تيۆتى ەكسپوزيتسياسىندا رەكونس­ترۋكتسيالىق الاڭدار ۇسىنىلعان. ديسكو ساياباقتا وسى زاماننىڭ اتموسفەراسى ساقتالعان. ارت-ساياباق اۋماعى ينتەراكتيۆتى ارباتقا ۇقساس. 2015 جىلدىڭ اتاۋلى وقي­عا­لارى – قازاق حاندىعىنىڭ 550 جىل­دىعى, جەڭىستىڭ 70 جىلدىعى, قا­زاقستان حالقى اسسامبلەياسىنىڭ 20 جىلدىعى دا فەستيۆالدىڭ بەزەن­دىرىلۋى مەن تاقىرىپتىق باعدار­لا­ماسىندا كورىنىس تاپقان. سايا­باق­تاردا وتەتىن وتباسىنا ارنال­عان كوپتەگەن شەبەرلىك ساعات­تارى مەن ينتەراكتيۆتى ويىن-ساۋىق­تار مەرەكەنى جارقىن ءارى ۇمى­تىل­ماستاي ەتە تۇسەدى. جاراس سادۋاقاسوۆ.