ارالدا 253 ملن. تەڭگەنى قۇرايتىن 28 جوبا جۇزەگە اسۋدا

قىزىلوردا. 19 قازان. سىر وڭىرىندەگى كاسىپكەرلەر پالاتاسىنىڭ ارال اۋداندىق فيليالى جانىنداعى كاسىپكەرلىكتى قولداۋ ورتالىقتارى جۇمىسىنىڭ ناتيجەسىندە اۋداندا جالپى قۇنى 253 ملن. تەڭگە بولاتىن 28 جوبا جۇزەگە اسىرىلۋدا. بۇل تۋرالى egemen.kz ءتىلشىسى حابارلادى. جالپى, ارال اۋدانى بويىنشا 3 500-گە جۋىق كاسىپكەر بار. سولاردىڭ ءبىرى سايلاش جۇبانيازوۆا. ارالعا شەت ەلدەن قوناقتار ءجيى كەلەدى. وسى ورايدا, قوناق ءۇي بيزنەسىمەن اينالىسقان سايلاش بيىلعى جىلدىڭ ماۋسىم ايىندا اۋداندىق كاسىپكەرلەر پالاتاسىنىڭ كومەگىمەن وڭىرلىك ينۆەستيتسيالىق ورتالىقتان قارجىلاي قولداۋ الىپ, قوناق ءۇيىن قايتا جاڭعىرتۋدان وتكىزەدى. 20 ورىندىق قوناق ۇيدە كەلۋشىلەرگە بارلىق جاعداي جاسالعان. جايلى ءارى جىلى بولمەلەر, كىتاپحانا جانە اسحانا – بارلىعى تالاپقا ساي. جالپى, كاسىپكەرلەردى, ونىڭ ىشىندە اۋىل تۇرعىندارىنىڭ بارلىق قارجىلاندىرۋ تەتىكتەرىنە قاتىسۋ بەلسەندىلىگىن ارتتىرۋ ماقساتىندا قۇرىلعان «قىزىلوردا» وڭىرلىك ينۆەستيتسيالىق ورتالىعى وبلىستا ەسەپتى كەزەڭدە 249 ملن. 64 مىڭ تەنگە بولاتىن 43 جوبا قارجىلاندىرىلىپ, جۇمىس جاساۋدا. ەرجان بايتىلەس. دەرەك, سۋرەت: egemen.kz.