قازاقستان رەسپۋبليكاسى پرەزيدەنتىنىڭ جارلىعى

«عىلىم جونىندەگى جىل سايىنعى ۇلتتىق باياندامانى دايىنداۋ قاعيدالارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2012 جىلعى 21 تامىزداعى № 369 جارلىعىنا وزگەرىستەر ەنگىزۋ تۋرالى قاۋلى ەتەمىن: 1. «عىلىم جونىندەگى جىل سايىنعى ۇلتتىق باياندامانى دايىنداۋ قاعيدالارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2012 جىلعى 21 تامىزداعى № 369 جارلىعىنا (قازاقستان رەسپۋبليكاسىنىڭ ءپۇاج-ى, 2012 ج., № 67, 952-قۇجات) مىناداي وزگەرىستەر ەنگىزىلسىن: جوعارىدا اتالعان جارلىقپەن بەكىتىلگەن عىلىم جونىندەگى جىل سايىنعى ۇلتتىق باياندامانى دايىنداۋ قاعيدالارىندا: 3 جانە 4-تارماقتار مىناداي رەداكتسيادا جازىلسىن: «3. ۇلتتىق بايانداما قۇرىلىمىنا قويىلاتىن تالاپتار تىزبەسى: 1) كىرىسپە – ۇلتتىق باياندامانىڭ ماقساتى; 2) قازاقستاندىق عىلىمنىڭ سوڭعى 3 جىلداعى عىلىمي-مەتريكالىق تالداۋى ۇسىنىلعان جالپى سيپاتتاماسى, قازاقستاندىق عىلىمنىڭ جەتىستىكتەرىن (عىلىمي جانە (نەمەسە) عىلىمي-تەحنيكالىق قىزمەتتىڭ نەعۇرلىم ماڭىزدى ناتيجەلەرى, ەنگىزىلگەن ازىرلەمەلەر) تالداۋ, عالىمداردىڭ زەرتتەۋ بەلسەندىلىگىنىڭ كورسەتكىشتەرى (جاريالانىمدار سانى, دايەكسوزگە الىنۋ يندەكسى, جۋرنالداردىڭ يمپاكت-فاكتورى, پاتەنتتىك بەلسەندىلىك); 3) قازاقستان رەسپۋبليكاسى ۇكىمەتىنىڭ جانىنداعى جوعارى عىلىمي-تەحنيكالىق كوميسسيا ايقىنداعان, عىلىمنىڭ باعىتتارى بويىنشا ىرگەلى جانە قولدانبالى باسىم زەرتتەۋلەردى نەگىزدەۋ جانە ولاردىڭ ىسكە اسىرىلۋىن تالداۋ; 4) عىلىمي ۇيىمداردىڭ جانە جوعارى وقۋ ورىندارىنىڭ, عىلىممەن اينالىساتىن دەربەس ءبىلىم بەرۋ ۇيىمدارىنىڭ عىلىمي الەۋەتىنىڭ, ساپالىق قۇرامىنىڭ جاي-كۇيىن, وتاندىق عىلىمي كادر­لاردى دايارلاۋ ساپاسىن, شەتەلدىك عالىمداردى تارتۋدى, عىلىمي زەرتتەۋلەردى جۇرگىزۋ ءۇشىن عىلىمي زەرتحانالاردىڭ قازىرگى زامانعى جابدىقتارمەن جاراقتاندىرىلۋىن تالداۋ; 5) مەملەكەتتىك بيۋدجەت قاراجاتىنان جۇزەگە اسىرىلاتىن عىلىمي زەرتتەۋلەر مەن ازىرلەمەلەردىڭ قارجىلاندىرىلۋىن, عىلىمعا جەكەشە سەكتوردان قارجى قاراجاتىنىڭ تارتىلۋىن تالداۋ; 6) عىلىم دامۋىنداعى الەمدىك ۇردىستەردى, شەتەلدىك جانە حالىقارالىق عىلىمي ۇيىمدارمەن عىلىمي تەحنيكالىق كەلىسىمدەردى ىسكە اسىرۋ ناتيجەسىندە الىنعان قازاقستاندىق عىلىمنىڭ جاڭالىقتارى مەن جەتىستىكتەرىن تالداۋ; 7) تەحنولوگيالار مەن عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ تەتىكتەرى ارقىلى ۇلتتىق يننوۆاتسيالىق جۇيەنىڭ دامۋىن, عىلىمنىڭ, ونەركاسىپ پەن بيزنەس-قاۋىمداستىقتىڭ ىقپالداسۋىن تالداۋ, عىلىمنىڭ ەل ەكونوميكاسىن دامىتۋعا قوسقان ۇلەسى مەن عىلىمي جانە (نەمەسە) عىلىمي-تەحنيكالىق قىزمەت ناتيجەلەرىنىڭ جالپى ىشكى ءونىمنىڭ وسۋىنە اسەرىن باعالاۋ; 8) سالالىق ۋاكىلەتتى ورگانداردىڭ عىلىمدى جانە عىلىمي-تەحنيكالىق قىزمەتتى باسقارۋ جونىندەگى قىزمەتىن تالداۋ; 9) ۇلتتىق عىلىمي جۇيەنى ودان ءارى دامىتۋ جونىندەگى قورىتىندىلار مەن ۇسىنىستار; 10) ادەبيەت; 11) گلوسساري. 4. عىلىم سالاسىنداعى ۋاكىلەتتى ورگان ۇلتتىق باياندامانى دايىنداۋ ءۇشىن مەملەكەتتىك ورگاندار مەن ۇيىمداردان اقپارات سۇراتا الادى. ۇلتتىق باياندامانى دايىنداۋ ءۇشىن ۋاكىلەتتى ورگاننىڭ سۇراتۋى بويىنشا مەملەكەتتىك ورگاندار مەن ۇيىمدار جىل سايىن 15 اقپاننان كەشىكتىرمەي اقپارات ۇسىنادى. ۇلتتىق بايانداما ءۇشىن ماتەريالدار دايىنداۋ كەزىندە عىلىم سالاسىنداعى ۋاكىلەتتى ورگان عىلىمي ۇيىمدار, جوعارى وقۋ ورىندارى مەن دەربەس ءبىلىم بەرۋ ۇيىمدارىنىڭ ۇسىنىستارى نەگىزىندە ساراپشىلىق توپ قۇرادى. الەمدەگى جانە قازاقستانداعى عىلىمنىڭ دامۋ ۇردىستەرىن تالداۋ­دى جانە ايقىنداۋدى قامتيتىن ماتەريالدار ۇلتتىق بايان­دا­مانىڭ بۇكىل كولەمىنىڭ كەمىندە 2/3-ءسىن (پاراقپەن) قۇراۋعا ءتيىس. قازاقستان رەسپۋبليكاسىنىڭ ۇلتتىق عىلىم اكادەمياسى ۇلتتىق باياندامانى دايىنداۋدى جانە باسىپ شىعارۋدى ۇيلەستىرەدى.». 2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2015 جىلعى 21 مامىر. № 27