قاراعاندى توي قۇشاعىندا

قاراعاندى. 29 تامىز. بيىل كەنشىلەر قاۋىمىنىڭ ءتول مەرەكەسى كونستيتۋتسيا كۇنىمەن تۇسپا-تۇس كەلدى. ياعني, قاراعاندى قوس مەرەكەگە قىزۋ دايىندىق ۇستىندە. بۇل تۋرالى egemen.kz ءتىلشىسى حابارلادى. مەرەكەگە ارنالعان كونتسەرتتەردىڭ ەڭ ۇلكەنى ورتالىق ساياباقتا وتەدى. «ءانىم ساعان, قاراعاندى!» ءان كونكۋرسى, «مولودىە گودى كاراگاندى» رەترو-كونتسەرتى ۇيىمداستىرىلادى. كەشكىسىن قاراعاندى اكادەميالىق مۋزىكا تەاترىندا قازاقستان رەسپۋبليكاسىنىڭ ەڭبەك سىڭىرگەن ونەر قايراتكەرلەرى مۋزىكالىق كومەديا تەاترىنىڭ جاس سوليستەرى ونەر كورسەتەدى. سونداي-اق, س. سەيفۋللين اتىنداعى درامتەاتردا «عاشىقتىڭ ءتىلى» كومەدياسى قويىلادى. سونىمەن قاتار, حايۋاناتتار باعىندا مادەني باعدارمالامالار, كاتپاحانالار مەن مۋزەيلەردە كورمەلەر ۇيىمداستىرىلماق. قالا تۇرعىندارى مەن قوناقتار ءۇشىن سپورتتىق شارالار دا قاراستىرىلعان. كونسيتۋتتسيا كۇنى «قاراعاندى ارەنا» مۇز ايدىنى سارايىندا تەگىن كونكي تەبۋ شاراسى وتەدى. سونداي-اق, بۇل كۇندەرى وبلىس ورتالىعىندا اۋىل شارۋاشىلىق ونىمدەرىنىڭ جارمەڭكەسى ۇيىمداستىرىلادى. مەرەكەلىك توي-دۋمان 30 تامىز كۇنى كەشكىسىن وتشاشۋلارمەن تۇيىندەلمەك. سودان كەيىن ساعات 24.00-گە دەيىن جاستارعا ارنالعان شوۋ-باعدارلاما جوسپارلانعان. قايرات ءابىلدينوۆ. دەرەك, سۋرەت: egemen.kz.