استانا ايشىعى ايرىقشا

ەلباسى نۇرسۇلتان نازارباەۆ قازىرگى زامانعى ونەر مەن تەحنولوگيالاردىڭ Astana Art Fest ءى فەستيۆالىن جانە «نۇرلى ەسىل» مۋلتيمەديالىق لازەرلى-پيروتەحنيكالىق شوۋ­دى تاماشالادى, دەپ حابارلادى پرەزي­دەنتتىڭ ءباسپاسوز قىزمەتى. مەملەكەت باسشىسى ەلوردانىڭ سۋلى-جاسىل جەلەكتى بۋلۆارىندا Astana Art Fest فەستيۆالىنىڭ ال­داعى ەكسپو-2017 كورمەسىنىڭ يدەيا­سىن ايشىقتايتىن «وت ەنەرگيا­سى», «سۋ ەنەرگياسى» جانە «اۋا ەنەرگياسى» تاقىرىپتىق ايماق­تارىن ارالاپ كوردى. فەستيۆال الاڭىندا فران­تسيا, گەرمانيا, نيدەرلاند, يتا­ليا, يسپانيا, اقش, رەسەي جانە قازاقستان سۋرەت­شىلەرىنىڭ جۇ­مىس­تارى مەن يننوۆاتسيالىق ينستال­لياتسيالار قويىلدى. سونىمەن قاتار, بالالارعا ارنالعان شىعار­ماشىلىق شەبەرلىك سىنىپتارى, تەاترلاندىرىلعان كو­شە قويى­لىم­دارى جانە بولاشاقتىڭ ەنەرگياسى تۋرالى قىزىقتى ءارى ينتەراكتيۆتى فورمادا اڭگى­مەلەيتىن وقۋ سە­مينارلارى ۇيىم­داس­تىرىلدى. *** نۇرسۇلتان نازارباەۆ, سونداي-اق, قىرعىزستان پرەزيدەنتى ال­مازبەك اتامباەۆ جانە تۇركيانىڭ بۇرىنعى پرەزيدەنتى ابدۋللا گۇل­مەن بىرگە لازەرلى-پيروتەحنيكالىق شوۋدى تاماشالادى. ەسىل وزەنىندە ورناتىلعان ساح­نالىق الاڭدا حورەو­گرافيالىق قويى­لىمدار ءوتتى, سونداي-اق, سيمفو­نيالىق وركەستر قازاق حالىق مۋزىكاسى شىعارمالارى مەن كلاس­سيكالىق كومپوزيتسيالاردى قازىرگى زامانعى مانەردە ورىندادى. شوۋ بارىسىندا سۋدان جاسالعان ەكراندا ءتۇرلى ەلدەردىڭ تىلىندە قالا كۇنىنە ار­نالعان قۇتتىقتاۋلار كورسەتىلدى, ال سۋ دوعاسى مەن سۋبۇرقاقتاردا زاما­ناۋي جارىقتى-لازەرلىك تەحنو­لوگيانى قولدانۋ ارقىلى استا­نانىڭ كەسكىنى جاسالدى. سۋرەتتەردى تۇسىرگەندەر س.بوندارەنكو, ب.وتارباەۆ.