• 17 قازان, 2015

«قايرات» ۇپاي جوعالتتى, ال «استانا» كوشباسشىعا جاقىنداي ءتۇستى

1 مين

وقۋ ءۇشىن

Egemen Qazaqstan

استانا. 17 قازان. بۇگىن فۋتبولدان قازاقستان پرەمەر-ليگاسىنىڭ 19-تۋرى شەڭبەرىندە ءۇش ويىن وينالدى. چەمپيوندىقتان باستى ۇمىتكەر «قايرات» ءوز الاڭىندا «اتىراۋمەن» ۇپاي بولىسسە, الماتىلىقتاردىڭ نەگىزگى باسەكەلەسى «استانا» شىمكەنتتىڭ «ورداباسىن» قابىلداپ, 2:1 ەسەبىمەن جەڭىسكە جەتتى. بۇل تۋرالى egemen.kz حابارلادى. سونىمەن قاتار, «اقتوبە» ۇيدە «ەرتىسپەن» ويناپ, 3:2 ەسەبىمەن باسىم ءتۇستى. ازىرگە تۋرنير كەستەسىندە 39 ۇپايمەن «قايرات» كوش باستاپ كەلەدى. ال 34 ۇپايى بار «استانا» ەكىنشى ورىندا تۇر. وسى رەتتە, ەلوردالىقتاردىڭ ءبىر ويىنى كەم ەكەنىن ەسكەرتە كەتەيىك. تۋر بارىسىنداعى قالعان ويىندار ەرتەڭ وينالادى. «اقتوبە» (اقتوبە) – «ەرتىس» (پاۆلودار) 3:2 (0:0) گولدار: ماركوس پيززەلي 49, دانيلو 59, 90+3 – سامات سماقوۆ 65 (پەنالتي), كونستانتين دۋدچەنكو 69. «استانا» (استانا) – «ورداباسى» (شىمكەنت) 2:1 (1:0) گولدار: روحەر كانياس 58 – سەرگەي مالىي 19 (اۆتوگول), ەركەبۇلان تۇڭعىشباەۆ 71. «قايرات» (الماتى) – «اتىراۋ» (اتىراۋ) 0:0 ەلامان قوڭىر. دەرەك: egemen.kz. سۋرەت: vk.com.