استانا كۇنى قارساڭىندا ەلوردادا 30 جۇپ نەكەسىن قيدى

استانا. 5 شىلدە. بۇگىن ەلوردادا 30 جۇپ شاڭىراق كوتەردى. استانا كۇنى قارساڭىندا بولعان نەكە قيۋ ءراسىمى «اتامەكەن» كەشەنىندە ءوتتى. بۇل تۋرالى astana.gov.kz حابارلادى. سالتاناتتى راسىمگە دەيىن جاس جۇپتاردىڭ اتا-انالارى مەن تۋىستارى اق تىلەكتەرىن ارناپ, اقىل-كەڭەستەرىن ايتتى. الاڭدا ورناتىلعان ساحنادا جاس جۇبايلارعا رەسمي تۇردە نەكە كۋالىگى تابىستالىپ, ءداستۇر بويىنشا ومىردەگى ەڭ ماڭىزدى كۇننەن بەلگى رەتىندە ەستەلىك سۋرەتكە ءتۇستى. سونىمەن قاتار, بارلىق جۇپ قازاقستاننىڭ ەڭ بيىك تۋىنىڭ تۇعىرىنا شىعىپ, 111 مەترلىك جەردەن جۇرەك ءپىشىندى شارلار ۇشىردى. ودان بولەك, جاس جۇبايلار مەرەكەلىك فلەشموب تاماشالادى. شارا كەزىندە 15-كە جۋىق ادام مۋزىكا اۋەنىمەن جۇرەك فورماسىندا ساپ تۇزەدى. ءداستۇر بويىنشا جاس جۇبايلار مەرەكەلىك تورت كەسىپ, قۋانىشتارىن جاقىندارىمەن ءبولىستى. شارا سوڭىندا جۇپتارعا ەستەلىك سىيلىقتار تابىستالدى. ەلامان قوڭىر. دەرەك, سۋرەت: astana.gov.kz.