قوستاناي. 18 قازان. قوستانايدا مەملەكەتتىك قىزمەتتى رەفورمالاۋ جونىندە سەمينار ءوتتى. وعان اقتوبە, اقمولا جانە سولتۇستىك قازاقستان مەن قوستاناي وبلىسىنىڭ وكىلدەرى مەن قازاقستاندا مەملەكەتتىك قىزمەتتىڭ جاڭا ۇلگىسىنىڭ جوباسىن جاساعان ەۋرووداق ساراپشىلارى قاتىستى. بۇل تۋرالى egemen.kz ءتىلشىسى حابارلادى.
جوبا 2011 جىلى قابىلدانعان مەملەكەتتىك قىزمەت تۇجىرىمداماسىنىڭ جاڭا ۇلگىسى اياسىندا جۇزەگە اسىرىلادى, ونى ەۋرووداق قارجىلاندىرادى, 2012 جىلى باستالىپ, 2016 جىلى اياقتالادى. سەميناردا ەۋرووداق جاساعان «مەملەكەتتىك قىزمەتتى رەفورمالاۋ جانە جاڭعىرتۋ» جوباسىنىڭ نەگىزگى ساراپشىسى, ماكسيميليان فەدينگەر مەملەكەتىتك قىزمەتتى رەفورمالاۋدىڭ حالىقارالىق تاجىريبەسىسمەن تانىستىردى. ەۋروپا ەلدەرىندە جۇرگىزىلىپ جاتقان جۇمىستاردىڭ ۇستانىمى – زاڭنىڭ ۇستەمدىك قۇرۋى بولىپ تابىلادى, زاڭ ۇستەمدىك قۇرعاندا اشىقتىق, ەسەپتىلىك, مولدىرلىك جانە ناتيجەلىلىكپەن تيىمدىلىك بولادى.
ەۋرووداق جوباسىنىڭ نەگىزگى ساراپشىسى ماكسيميليان فەدينگەر: «بۇل ۇستانىمدار كەز كەلگەن ەلدەگى مەملەكەتتىك قىزمەتتىڭ نەگىزى بوىپ تابىلادى. الايدا, وزگە ەلدىڭ تاجىريبەسىن سول كۇيىنشە كوشىرىپ الۋ ۇلكەن قاتەلىك بولادى. ءار ەلدىڭ ءوزىنىڭ شىنايى مازمۇنى كومەسكىلەنبەۋى ءتيىس», – دەدى.
شەتەلدىك ساراپشى سىبايلاس جەمقورلىققا ىڭعايلانعىش ەكى سەكتوردى ايىرىقشا ايتتى. ءبىرى مەملەكەتتىك ساتىپ الۋ, ەكىنشىسى قىزمەتشىلەردى قىزمەتكە الۋ, لاۋازىمىن ءوسىرۋ بولىپ تابىلادى. قىزمەتكە الۋدا, دلاۋازىمىن وسىرگەندە مولدىرلىك ساقتالسا سىبايلاس جەمقورلىققا قارسى تۇرۋعا بولاتىنىن ايتتى ساراپشى.
فەدينگەر كاسىبي اكىمشىلىكتى ساياساتتان اۋلاقتاۋ جانە مەملەكەتتىك قىزمەتتە تەك كاسىبي جەتىستىگىنە قاراپ جوعارى ءوسىرۋ كەرەكتىگىن دە سىبايلاس جەمقورلىقتىڭ الدىن الۋ ۇستانىمدارىنا قوستى.
ءنازيرا جارىمبەتوۆا.
دەرەك, سۋرەت: egemen.kz.
