رۋمىنيا كورمەگە قاتىساتىنىن راستادى

قازاقستاننىڭ رۋمىنيادا­عى ەلشىسى ءداۋ­لەت باتىراشەۆ رۋمىنيا سىرتقى ىستەر مي­نيستر­لىگىنىڭ باس ديرەكتورى, «ەكسپو» ماسەلە­لەرى جونىندە­گى كوميسسارى دجەوردجيان گەرۆاسي­مەن كەزدەسىپ, ونىڭ نازارىنا ەكسپو-2017 كور­مە­سىنىڭ تۇساۋكەسەرىن ۇسىندى. كەزدەسۋدىڭ سو­ڭىندا رۋمىنيا استانا­دا وتەتىن ەكس­پو-2017 حالىقارالىق ماماندان­دىرىل­عان كور­مەسىنە قاتىساتىنىن رەسمي تۇردە راستادى. دج. گەرۆاسي رۋمىنيا حالىقارالىق كورمەلەر بيۋروسىنىڭ قالاۋشى-مۇشەسى رە­تىندە حالىقارالىق كورمەلەردىڭ تۇجىرىم­دا­ماسى مەن ماعىناسىن قولداپ, قازاقستاننىڭ حا­لىقارالىق كورمەلەر دامۋىنا قوساتىن زور ۇلەسىن جوعارى باعالايتىنىن اتاپ ءوتتى. ونىڭ پىكىرىنشە, استانا قالاسىندا ەكسپو-2017 كور­مەسىن ۇيىمداستىرۋ XXI عاسىر­­دىڭ نەگىزگى سىندارىنا ەڭ ۇزدىك شەشىم ىزدەۋگە باعىت­تالعان وراسان زور شارا بولىپ تابىلادى. قازاقستاندىق ديپلومات رۋمىنيانىڭ ەلىمىزدىڭ حالىقارالىق باستامالارىنا تۇراقتى قولداۋ كورسەتىپ كەلە جاتقانى ءۇشىن ريزاشىلىعىن ءبىلدىرىپ, ونىڭ ەكسپو-2017-گە قاتىسۋى كورمەنىڭ ءساتتى وتۋىنە ۇلەس قوسىپ, حالىقارالىق كورمە قوزعالىسىنا وڭ ەكپىن بەرەتىندىگىن اتاپ ءوتتى. «ەگەمەن-اقپارات».