بەكزات بولمىستى تۇلعا

اتىراۋدا جۇرتشىلىق وكىلدەرى كورنەكتى مەملەكەت جانە قوعام قايراتكەرى نۇرلان بالعىمباەۆتى سوڭعى ساپارعا شىعارىپ سالدى كەشە قازاقستان جۇرتشىلىعى كورنەكتى مەملەكەت جانە قوعام قايراتكەرى نۇرلان بالعىمباەۆتى سوڭعى ساپارعا شىعارىپ سالدى. قايراتكەرمەن قوشتاسۋ ءراسىمى اتىراۋداعى د.نۇرپەيىسوۆا اتىنداعى مادەنيەت ۇيىندە ءوتتى. قارالى ميتينگىدە پرەمەر-مينيستر كارىم ءماسىموۆ ەلباسىنىڭ كوڭىل ايتۋ جەدەلحاتىن وقىپ بەردى. مارقۇمنىڭ وتباسىنا ۇكىمەتتىڭ اتىنان كوڭىل ايتتى. قارالى ميتينگىگە ۇكىمەت مۇشەلەرى, سەنات پەن ءماجىلىس دەپۋتاتتارى, ءىرى كومپانيالار باسشىلارى مەن بيزنەستىڭ وكىلدەرى قاتىستى. نۇرلان بالعىمباەۆ كەڭ تانىمال تۇلعا ەدى. ارينە, اۋەلى ەل ىشىنە بالعىمباي قاريادان تاراعان قويشىعارا مەن وتەپ, ءوتالى مەن سالتانات, ماقاش مۇناي­شى­لىعىمەن تانىلدى. اكەسى وتەپ پەن ونىڭ باۋىرلارىنىڭ وتانعا ادال قىزمەت ەتۋ ۇلگىسىنەن ءتالىم العان نۇر­لان دا اۋلەتتىڭ مۇنايشىلىق كاسى­بىن جالعاستىرۋدى قالادى. جوعا­رى ءبىلىم الدى, قاراپايىم مو­تو­ريستىڭ كومەكشىسى بولىپ ەڭ­بەك جولىن باستادى. مۇنايلى ءوڭىر­­لەردىڭ «قارا التىنىن» ەل يگى­لى­گىنە جاراتۋ ءۇشىن ايانباي ەڭبەك ەتتى. مۇنايشىلىقتى قالاسا دا دانا ابايدىڭ «تالاپ, ەڭبەك, تەرەڭ وي» قاعيداتىن تەمىرقازىقتاي ۇس­تان­عانىن ونىمەن جۇمىستاس, ارىپتەس بولعاندار ايتادى. قانداي جاۋاپ­تى جۇمىستاردى اتقارسا دا تالاپ­شىل بولۋدان, ادالدىقتى ارداق تۇتۋدان اينىماپتى. مىنەز­دى ەدى, ايتقان ۋادەسىنەن تايماۋشى ەدى, دەيدى نۇرلان وتەپ ۇلىن جاقسى بىلەتىندەر. ونىڭ كسرو مۇناي جانە گاز ونەركاسىبى مي­نيستر­لىگىنىڭ مۇناي وڭدەۋ جونىندەگى باس باسقارماسىنا جۇمىسقا شاقى­رىلۋىنا زەرەكتىگى مەن ءبىلىم­دى­لىگى, تۋرا جولدان تايمايتىن تالاپ­شىلدىعى سەبەپ بولعانى داۋسىز. نۇرلان وتەپ ۇلىنىڭ ەسىمى بۇ­رىنعى وداق قۇرامىنداعى ەلدەر­گە عانا ەمەس, قازاقستانمەن ىسكەر­لىك, ەكونوميكالىق بايلانىس ورناتقان ەلدەردىڭ بارشاسى­نا كەڭىنەن تانىس. ويتكەنى, تاۋەلسىز قازاقستاننىڭ مۇناي-گاز ونەركاسىبىن وركەندەتۋدىڭ باستاۋىندا تۇردى. تاۋەلسىزدىكتىڭ ەلەڭ-الاڭىندا مۇناي جانە گاز مينيسترلىگىن, كەيىن وسى سالاداعى ۇلتتىق كومپانيانى باسقارىپ, ەل ەكونوميكاسىنىڭ جەتەكشى بۋىنىنا اينالعان سالانى قارقىندى وركەندەتۋگە ولشەۋسىز ەڭبەگىن ءسىڭىردى. ءبىر عاسىردان استام مۇناي مەن گاز وندىرىلگەن اتىراۋداعى مۇنايشىلاردىڭ الەۋمەتتىك تۇر­مىسىن وڭالتۋدى كوزدەپ, ەكولو­گيالىق احۋالى ناشارلاعان ەلدى مەكەندەردى جاڭا قونىسقا كوشىرۋدە دە كوشەلى ءىس اتقاردى. تاۋەلسىزدىكتىڭ العاشقى كۇن­دەرىنەن ەلباسى نۇرسۇلتان نازارباەۆتىڭ وتاندىق ەكونومي­كانى وركەندەتۋ ساياساتىن قولداپ, سەنىمدى سەرىگىنە اينالدى. ونىڭ نارىقتىق ەكونوميكانى باسقارا بىلەتىن مەنەدجەرلىگى, ۇيىم­داس­تىرۋشىلىق قابىلەتى پرە­مەر-مينيستر لاۋا­زىمىندا جار­قىراي كورىندى. ەلباسى كورنەك­تى مەملەكەت جانە قوعام قايرات­كەرى ن.بالعىمباەۆتىڭ تۋعان-تۋىس­تارىنا, جاقىندارىنا جولداعان كوڭىل ايتۋ جەدەلحاتىندا «ءوز وتانى مەن حالقىن قالتقىسىز سۇيگەن ن.بالعىمباەۆتىڭ بول­مىسى­نا قاراپايىمدىق پەن زيالى­لىق, ناعىز بەكزاتتىق ءتان ەدى. حال­قى­مىز ونىڭ ەسىمى مەن ەڭبەگىن ۇمىت­پاي, ءاردايىم قاستەر تۇتاتىن بولا­دى», دەپ كورنەكتى تۇلعانىڭ ادام­گەرشىلىك قاسيەتتەرىن ورىندى اتاپ ءوتتى. قارالى ميتينگىدە نۇرلان بال­عىم­باەۆتىڭ قاراپايىم مۇناي­شىدان كورنەكتى مەملەكەت جانە قو­عام قايراتكەرىنە دەيىنگى ءومىر جو­لىنداعى ادامگەرشىلىك قاسيەتتەرى, وتانى مەن حالقىنا دەگەن پاتريوت­تىق سەزىمى كەڭىنەن ايتىلدى. كور­نەكتى تۇلعا اتىراۋداعى زيراتقا جەرلەندى. جولداسبەك شوپەعۇل, «ەگەمەن قازاقستان». اتىراۋ.