* 1 قىركۇيەك – ءبىلىم كۇنى
كوكشەتاۋ قالاسىندا «مەكتەپكە جول» اكتسياسى ادەتتەگىدەي جوعارى بەلسەندىلىك سيپات الدى. ءداستۇرلى شارادان ءاربىر بالا شەت قالماۋى قاتاڭ قاداعالاندى.
– بۇل ورايدا, ارنايى جۇمىس جوسپارى جاسالىپ, 354 مۇعالىمنىڭ كۇشىمەن 7440 جەكە ءۇي مەن پاتەرلەر تۇرعىندارىمەن اڭگىمە وتكىزىلدى, – دەيدى ءبىزدىڭ سۇراۋ سالۋىمىزعا وراي قالا اكىمىنىڭ ورىنباسارى التىناي بايقاداموۆا. – سونداي-اق, 141 رەيد شاراسىندا بالالاردىڭ تۇرمىس جاعدايى, اتا-انالارىنىڭ جۇمىسپەن قامتىلۋى مەن وتباسىلىق كىرىس كولەمى زەرتتەلدى. ءبىلىم بولىمىندە اكتسياعا قاتىستى ءتىزىم جاسالىندى. مۇقتاج بالالاردىڭ بارلىعى جەرگىلىكتى اتقارۋشى ورگاندار, مەملەكەتتىك قىزمەتكەرلەر, دەپۋتاتتار, ەڭبەك ۇجىمدارى مەن بيزنەس قۇرىلىمدارىنا بەكىتىلىپ بەرىلدى.
العاشقى كۇننەن-اق يگى ىسكە جۇمىلا كىرىسكەن ءماسليحات دەپۋتاتتارى, مەكەمە باسشىلارى, ىشكى ىستەر باسقارماسى مەن بانك قىزمەتكەرلەرى ءبىرىنشى سىنىپقا باراتىن 152 بالانى مەكتەپ جابدىقتارىمەن قامتاماسىز ەتتى.
سونداي-اق, كوكشەتاۋ قالالىق ءبىلىم ءبولىمى مىندەتتى وقىتۋ قورىنان 4280980 تەڭگە قارجى ءبولىپ, 934 بالاعا ادرەستى كومەك كورسەتتى. قالالىق تۇرعىنداردى جۇمىسپەن قامتۋ جانە الەۋمەتتىك باعدارلامالار ءبولىمى دە 4 ميلليون تەڭگە ءبولۋ ارقىلى تۇرمىسى ناشار وتباسىلاردىڭ 200 بالاسىن جاڭا وقۋ قۇرالدارىمەن قۋانتتى.
جىلدا وتكىزىلەتىن «مەكتەپكە جول» جارمەڭكەسى بيىل «بالالارعا بارلىعىمىز كومەكتەسەيىك!» ۇرانىمەن وتكىزىلدى. قالالىقتار ءوز بالالارىنا عانا ەمەس, وزگە وقۋشىلارعا دا وقۋ قۇرالدارىن ساتىپ الىپ جاتتى. بۇعان قوسا, مەكتەپ قۇرال-جابدىقتارىن, كيىم-كەشەكتەردى قابىلداۋ ورنى اشىلىپ, ءبىر مەزەتتە تولىق قۇرامداعى 21 وقۋ قۇرالدارى جيىنتىعى, كوپتەگەن كيىم جانە 22335 تەڭگە اقشالاي قاراجات جينالدى. وسى رەتتە, قالاداعى مەكتەپتەردىڭ بارلىعى دا بيىل وقۋلىقتارمەن جەتكىلىكتى دەڭگەيدە جابدىقتالعانىن اتاي كەتكىمىز كەلەدى.
باقبەرگەن امالبەك,
«ەگەمەن قازاقستان».
كوكشەتاۋ.
كوكشەتاۋ قالاسىندا «مەكتەپكە جول» اكتسياسى ادەتتەگىدەي جوعارى بەلسەندىلىك سيپات الدى. ءداستۇرلى شارادان ءاربىر بالا شەت قالماۋى قاتاڭ قاداعالاندى.
– بۇل ورايدا, ارنايى جۇمىس جوسپارى جاسالىپ, 354 مۇعالىمنىڭ كۇشىمەن 7440 جەكە ءۇي مەن پاتەرلەر تۇرعىندارىمەن اڭگىمە وتكىزىلدى, – دەيدى ءبىزدىڭ سۇراۋ سالۋىمىزعا وراي قالا اكىمىنىڭ ورىنباسارى التىناي بايقاداموۆا. – سونداي-اق, 141 رەيد شاراسىندا بالالاردىڭ تۇرمىس جاعدايى, اتا-انالارىنىڭ جۇمىسپەن قامتىلۋى مەن وتباسىلىق كىرىس كولەمى زەرتتەلدى. ءبىلىم بولىمىندە اكتسياعا قاتىستى ءتىزىم جاسالىندى. مۇقتاج بالالاردىڭ بارلىعى جەرگىلىكتى اتقارۋشى ورگاندار, مەملەكەتتىك قىزمەتكەرلەر, دەپۋتاتتار, ەڭبەك ۇجىمدارى مەن بيزنەس قۇرىلىمدارىنا بەكىتىلىپ بەرىلدى.
العاشقى كۇننەن-اق يگى ىسكە جۇمىلا كىرىسكەن ءماسليحات دەپۋتاتتارى, مەكەمە باسشىلارى, ىشكى ىستەر باسقارماسى مەن بانك قىزمەتكەرلەرى ءبىرىنشى سىنىپقا باراتىن 152 بالانى مەكتەپ جابدىقتارىمەن قامتاماسىز ەتتى.
سونداي-اق, كوكشەتاۋ قالالىق ءبىلىم ءبولىمى مىندەتتى وقىتۋ قورىنان 4280980 تەڭگە قارجى ءبولىپ, 934 بالاعا ادرەستى كومەك كورسەتتى. قالالىق تۇرعىنداردى جۇمىسپەن قامتۋ جانە الەۋمەتتىك باعدارلامالار ءبولىمى دە 4 ميلليون تەڭگە ءبولۋ ارقىلى تۇرمىسى ناشار وتباسىلاردىڭ 200 بالاسىن جاڭا وقۋ قۇرالدارىمەن قۋانتتى.
جىلدا وتكىزىلەتىن «مەكتەپكە جول» جارمەڭكەسى بيىل «بالالارعا بارلىعىمىز كومەكتەسەيىك!» ۇرانىمەن وتكىزىلدى. قالالىقتار ءوز بالالارىنا عانا ەمەس, وزگە وقۋشىلارعا دا وقۋ قۇرالدارىن ساتىپ الىپ جاتتى. بۇعان قوسا, مەكتەپ قۇرال-جابدىقتارىن, كيىم-كەشەكتەردى قابىلداۋ ورنى اشىلىپ, ءبىر مەزەتتە تولىق قۇرامداعى 21 وقۋ قۇرالدارى جيىنتىعى, كوپتەگەن كيىم جانە 22335 تەڭگە اقشالاي قاراجات جينالدى. وسى رەتتە, قالاداعى مەكتەپتەردىڭ بارلىعى دا بيىل وقۋلىقتارمەن جەتكىلىكتى دەڭگەيدە جابدىقتالعانىن اتاي كەتكىمىز كەلەدى.
باقبەرگەن امالبەك,
«ەگەمەن قازاقستان».
كوكشەتاۋ.
