شىمكەنتتە بۇزاقىلار ءبىر ايەلدى تاسپەن اتقىلاپ ءولتىردى

استانا. 5 شىلدە. شىمكەنت قالاسىندا بۇزاقىلار ءبىر ايەلدى تاسپەن اتقىلاپ ءولتىردى. بۇل تۋرالى tvk تەلەارناسى حابارلادى. كىسى ءولتىرۋ دەرەگى شىلدەنىڭ العاشقى كۇنىندە, قالاداعى 11 شاعىن اۋدانىندا تىركەلدى. حابارلامادا قازا تاپقان ازاماتشانىڭ ۇستىندە كيىمىنىڭ بولماعانى ايتىلدى. پوليتسەيلەر مارقۇمنىڭ كيىمدەرى مەن اياق كيىمى وقيعا ورنىنا جاقىن ماڭنان تاپقان. تاياۋ ماڭداعى ۇيلەردىڭ تۇرعىندارى كۇدىك تۋعىزاتىن ەشقانداي دا دىبىستىڭ ەستىلمەگەنىن ايتادى. ولاردى تاڭعى ۋاقىتتا ءتارتىپ ساقشىلار وياتىپتى. تەلەارنا تاراتقان دەرەككە سۇيەنسەك, ءتارتىپ ساقشىلارى جاقىن ماڭدا ورنالاسقان مەكەمەلەردىڭ بەينەباقىلاۋ كامەرالارىن تەكسەرگەن. الايدا, ولاردا وقيعا قاتىستى كادرلار تابىلماعان. سونىمەن قاتار, جەدەل ۋاكىلدەر وقيعا بولعان ماڭدا ورنالاسقان ساۋنا قىزمەتكەرلەرىنەن دە جاۋاپ العان. قازا بولعان ايەلدىڭ اتى-ءجونىنىڭ انىقتالعانى تۋرالى مالىمەت جوق. ونىڭ وقيعا بولعان اۋماقتا ءومىر سۇرگەنى جايلى ايتىلادى. «ولتىرىلگەن ايەل 30-35 جاستاردا, شاشى قارا ءتۇستى. ول كوك جەيدە جانە شولاق شالبار كيگەن – گۇلدى بانتتارى بار اق بالەتكاسى بار. مۇمكىن بىرەۋلەر وسى وقيعانى كورگەن شىعار, ولاردى پوليتسياعا حابار بەرۋگە شاقىرامىز», – دەلىنگەن تەلەارنا حابارلاماسىندا. تالعات رايىمبەك. دەرەك, سۋرەت: tengrinews.kz.