قوستاناي وبلىسىندا 3 جەل ەلەكتر ستانساسى سالىناتىن بولادى

قوستاناي. 22 مامىر. قوستاناي وبلىسىندا ەنەرگەتيكانى بالامالى تۇردە ءوندىرۋدى جانە جاڭعىرتۋدى دامىتۋ جونىندەگى 2015-2020 جىلدار ارلىعىنا ارنالعان شارالار جوسپارى وبلىستىق ءماليحاتىندا بەكىتىلدى. بۇل تۋرالى egemen.kz ءتىلشىسى حابارلادى. جوسپار قازاقستان ۇكىمەتىنىڭ ەلەكتر ەنەرگياسى كوزدەرىن جاڭعىرتۋ جونىندەگى 106 جوبا ەنگىزىلگەن قاۋلىسى بويىنشا جاسالعان. وندا 2 جوبا قوستاناي وبلىسى وڭىرىندە جەلمەن وندىرىلەتىن ەلەكتر ستانساسىن سالۋعا ارنالعان. بۇل ەلەكتر سستانسالارى ارقالىق قالاسى ماڭى مەن مەڭدىقارا اۋداندارىندا سالىناتىن بولادى. وبلىستىق ەنەرگەتيكا جانە كوممۋنالدىق شارۋاشىلىق باسقارماسى باستىعىنىڭ مىندەتىن اتقارۋشى حايدار قامباروۆ: «ارقالىق ماڭىنداعى 48 مۆت قۋاتتىلىعى بار جەل ەلەكترستانساسىنىڭ قۇرىلىسىن «KazWindEnergy» جاۋاپكەرشىلىگى شەكتەۋلى سەرىكتەستىگى جۇرگىزەدى. ول اۋماقتىق يندۋستريالاندىرۋ كارتاسىنا كىرەدى. ال مەڭدىعارا اۋدانىندا ورنالاساتىن 30 مۆت قۋاتتاعى ستانسانى وبلىس اكىمدىگىمەن ىنتىماقتاستىق توۋرالى كەلىسىمى بار «EcoWind Ltd» جاۋاپكەرشىلىگى شەكتەۋلى سەرىكتەستىگى سالاتىن بولادى», دەدى. بۇلاردىڭ سىرتىندا قوستاناي وبلىسىندا ءبىر جەلەلەكترستانساسىنىڭ قۇرىلىسى تۇسپەك. ول سارىسۋ اۋدانىندا بولادى. ساعاتىنا 1,5 مۆت قۋاتتا جۇمىس ىستەيتىن ستانسا مەملەكەتتىك باعدارلاماعا كىرمەيدى. ويتكەنى ۇكىمەت قاۋلىسىمەن بەكىتىلگەن جوعارىداعى جوسپاردا تەك 5 مۆت قۋاتتىلىعى بار جەلەلەكترستانسالارى عانا قامتىلعان. حايدار قامباروۆتىڭ ايتۋىنشا, ەلەكتر ەنەرگياسىنىڭ تاپشىلىعى بىلىنەتىن قوستاناي وبلىسىندا بۇل جەلمەن وندىرىلەتىن ەلەكتر ستانسالارى سىرتتان ەلەكتر ەنەرگياسىن تاسىمالداۋدى ازايتۋعا سەپتىگىن تيگىزەتىن بولادى. ءنازيرا جارىمبەتوۆا. دەرەك, سۋرەت: egemen.kz