ءبىلىم بەرۋ بيىگىنەن كورىنگەندەر

حالىقارالىق مەدالمەن ماراپاتتالدى كوكشەتاۋ قالاسىنداعى «ال­تىن بالا» بالاباقشاسىنىڭ مەڭ­گەرۋشىسى گۇلجان ەرجانوۆا سوچيدە وتكەن حالىقارالىق پەداگوگتار سلەتىنەن ەلىمىزدىڭ ابىرويىن كوتەرىپ ورالدى. ۇستازداردىڭ ءVى حالىقارالىق سلەتى مەن مەكتەپكە دەيىنگى ءبىلىم بەرۋ ۇيىمدارى پەداگوگتارىنىڭ ءىى حالىقارالىق سلەتىنە قاتىسقان جەرلەسىمىز سالانى دامىتۋداعى ۇزدىك كورسەتكىشتەرى مەن وزات تاجىريبەلەرى جانە بالا تاربيەسىندەگى تىڭ ادىستەمەلەرى ءۇشىن ارنايى ديپلوممەن, العىس حاتپەن, لاۋرەات كۋبوگى جانە حا­لىق­ارالىق ءبىلىمدى دامىتۋ اكا­دەمياسىنىڭ مەدالىمەن ماراپاتتالدى. «ماسكەۋلىك كاسىپكەرلەر اسسو­تسيا­تسياسىنىڭ», حالىقارالىق ءبىلىمدى دامىتۋ اكادەمياسىنىڭ, قوعامدىق عىلىمدار اكادەميا­سىنىڭ باستاماسىمەن شاقى­رىلعان حالىقارالىق جيىنداردىڭ ماقساتى ءبىلىم بەرۋ مەكەمەلەرىنىڭ دەڭگەيىن كوتەرۋ, تمد اۋما­عىنداعى بىلىكتى ۇستازداردىڭ كا­سىبي شەبەرلىكتەرىن ۇشتاۋ مەن تاجىريبەلەرىن ناسيحاتتاۋدى كوز­دەيدى. سلەت قاتىسۋشىسى گۇل­جان شاحمانقىزىن قۇتتىقتاعا­نى­مىزدا, ول: «بالالار – ەلىمىزدىڭ بولاشاعى. سابيلەر جۇرەگىنە كىشكەنتايىنان جاقسىلىقتى, ەلگە, جەرگە دەگەن سۇيىسپەنشىلىكتى ۇيا­لاتىپ, ۇيرەتۋ پارىزىمىز. ءبىزدىڭ ۇجىم ەڭ مىقتى دەگەن تاجىريبيەلى ۇستازداردان تۇرادى, سونداي-اق, بالاباقشادا ادىسكەر-تاربيەشىلەر, مۋزىكالىق جەتەكشى, مەيىربيكە, پەداگوگ-پسيحولوگ, دەنە تاربيەسىنىڭ نۇسقاۋشىلارى جۇمىس ىستەيدى», دەدى. بالاباقشا تاربيەلەنۋشىلەرى قازاق, ورىس, اعىلشىن تىلدەرىندە ءبىلىم الادى. مۇندا بالالار ءۇشىن بارلىق قولايلى جاعدايلار جاسالعان. №10 «التىن بالا» بالاباقشاسى الداعى ۋاقىتتا وبلىستىق دەڭگەيدە پەداگوگيكالىق تىڭ جوبالاردى ەنگىزۋدىڭ تىرەك الاڭىنا اينالۋ باعىتىندا جۇمىس ىستەيتىن بولادى. باقبەرگەن امالبەك, «ەگەمەن قازاقستان». اقمولا وبلىسى.