قوستاناي. 22 مامىر. «قازاقستان حالقى اسسامبلەياسىنا 20 جىل» مەدالىمەن وبلىستا ءتۇرلى سالادا ەڭبەك سىڭىرگەن 32 ادام ماراپاتتالدى. بۇل تۋرالى egemen.kz ءتىلشىسى حابارلادى.
قازاقستان حالقى وبلىستىق اسسامبلەياسى مەڭگەوۋششىسى-حاتشىسىنىڭ مىندەتىن اتقارۋشى گۇۆيرا قۇدايقۇلوۆانىڭ ايتۋىنشا, وسى مەدالمەن وبىلستا 75 ادام ماراپاتتالۋى ءتيىس. ولاردىڭ اراسىندا ۇلى وتان سوعىسىنىڭ ارداگەرلەرى, كاسىپورىن جەتەكشىلەرى, ەتنومادەني بىرلەستىكتەرىنىڭ جەتەكشىلەرى, عىلىمي جانە شىعارماشىلىق زيالى قاۋىم, وكىلدەرى, ءماسليحات دەپۋتاتتارى, مەتسەناتتار, تاعى باسقالار بار.
دوستىق ۇيىندە وبلىستىق ءماسليحات حاتشىسى سايلاۋبەك ەسجانوۆ 32 ادامعا مەدالدى سالتاناتتى تۇردە تابىس ەتتى. ول مەدالدى ەڭ ءبىرىنشى ۇلى وتان سوعىسىنىڭ ارداگەرى قابدەن ىبىراەۆتىڭ كەۋدەسىنە تاقتى. 92 جاسقا كەلىپ وىترعان قابدەن اتاي ۇلى وتان سوعىسىندا تاگانروگتى, دوندارى روستوۆتى قورعاۋعا قاىتستى. 3 دارەجەلى داڭق, 1 دارەجەلى ۇلى وتان سوعىسى, ەڭبەك قىزىل تۋ وردەندەرىمەن ماراپاتتالعان. قابدەن اتايدىڭ 7 بالاسى, 31 نەمەرەسى, 19 شوبەرەسى بار. سونىمەن قاتار مەرەكەلىك مەدالمەن كوپ بالالى انا گۇلجاۋھار تولەگەنوۆا دا ماراپاتتالدى. ول 9 بالا تاربيەلەپ وتىر, ونىڭ 8-ءىن اسىراپ العان. بيىل وبلىستىق اسسامبلەيانىڭ باستاماسىمەن تولەگەنوۆتەر وتباسىنا ءۇي سالىپ بەرىلدى, وعان ەتنومادەني بىرلەستىكتەر 5 ميلليون تەڭگە اقشا جيىپ بەردى.
گۇلجاۋھار تولەگەنوۆا: «ءبىزدىڭ شاڭىراعىمىزعا ءۇي كوتەرىپ بەرگەن بارلىق قوستانيلىقتارعا راحمەتىمدى, العىسىمدى ايتامىن. ءبىزدىڭ وتباسىمىز الداعىم جاقىن كۇندەرى تاعى دا تولىعاتىن بولادى. مەنىڭ ۇلدارىم مەن قىزدارىم ەلىمىزدىڭ پاتريوتى بولىپ وسەدى, قازاقستاننىڭ دامۋى ءۇشىن ۇلەس قوساتىن بولادى. مەن وسىعان سەنىمدىمىن», دەدى.
ءنازيرا جارىمبەتوۆا.
دەرەك, سۋرەت: egemen.kz
