قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى  №314

2015 جىلعى 7 ءساۋىر, استانا قالاسى باس بوستاندىعى شەكتەۋلى ازاماتتارعا, سونداي-اق سوت ۇكىمى بويىنشا جازاسىن باس بوستاندىعىنان ايىرۋ ورىندارىندا وتەپ جۇرگەن, ارنايى مەكەمەلەرگە ورنالاستىرىلعان ادامدارعا مەديتسينالىق كومەك كورسەتۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 88 – بابىنىڭ 4-تارماعىنا سايكەس, بۇيىرامىن: 1. قوسا بەرىلىپ وتىرعان باس بوستاندىعى شەكتەۋلى ازاماتتارعا, سونداي-اق سوت ۇكىمى بويىنشا جازاسىن باس بوستاندىعىنان ايىرۋ ورىندارىندا وتەپ جۇرگەن, ارنايى مەكەمەلەرگە ورنالاستىرىلعان ادامدارعا مەديتسينالىق كومەك كورسەتۋ قاعيدالارى بەكىتىلسىن. 2. قازاقستان رەسپۋبليكاسى ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتى (ب.م. بەردالين): 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارىنا (ب.ب. بيسەنقۇلوۆ) جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ىشكى ىستەر ءمينيسترى ق. قاسىموۆ. كەلىسىلدى قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ___________ ت.دۇيسەنوۆا 2015 جىلعى 17 ءساۋىر كەلىسىلدى قازاقستان رەسپۋبليكاسىنىڭ ۇلتتىق ەكونوميكا ءمينيسترى ___________ ە.دوساەۆ 2015 جىلعى 28 ءساۋىر قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 7 ساۋىردەگى №314 بۇيرىعىمەن بەكىتىلگەن باس بوستاندىعى شەكتەۋلى ازاماتتارعا, سونداي-اق سوت ۇكىمى بويىنشا جازاسىن باس بوستاندىعىنان ايىرۋ ورىندارىندا وتەپ جۇرگەن, ارنايى مەكەمەلەرگە ورنالاستىرىلعان ادامدارعا مەديتسينالىق كومەك كورسەتۋ قاعيدالارى 1. جالپى ەرەجەلەر 1. وسى باس بوستاندىعى شەكتەۋلى ازاماتارعا, سونداي-اق سوت ۇكىمى بويىنشا جازاسىن باس بوستاندىعىنان ايىرۋ ورىندارىندا وتەپ جۇرگەن, ارنايى مەكەمەلەرگە ورنالاستىرىلعان ادامدارعا مەديتسينالىق كومەك كورسەتۋ قاعيدالارى (بۇدان ءارى - قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ (بۇدان ءارى - كودەكس) 88-بابىنىڭ 4-تارماعىنا سايكەس ازىرلەندى جانە باس بوستاندىعى شەكتەۋلى, سونداي-اق سوت ۇكىمى بويىنشا باس بوستاندىعىنان ايىرۋ ورىندارىندا جازاسىن وتەپ جاتقان, ارنايى مەكەمەلەرگە ورنالاستىرىلعان ازاماتتارعا مەديتسينالىق كومەك كورسەتۋ ءتارتىبىن انىقتايدى. 2. باس بوستاندىعى شەكتەۋلى ازاماتتارعا مەديتسينالىق كومەك كورسەتۋ ءتارتىبى 2. ارنايى مەكەمەلەردە: ۋاقىتشا ۇستاۋ يزولياتورلارىندا (بۇدان ءارى - ۋۇي), بەلگىلى ءبىر تۇرعىلىقتى جەرى مەن قۇجاتتارى جوق ادامدارعا ارنالعان قابىلداۋ-تاراتۋ ورىندارىندا (بۇدان ءارى - قتو), اكىمشىلىك قاماۋعا الىنعان ادامدارعا ارنالعان ارنايى قابىلداۋ ورىندارىندا (بۇدان ءارى - اقو) مەديتسينا قىزمەتكەرلەرى ولاردا ۇستالاتىن ادامدارعا مەديتسينالىق كومەكتى, ارنايى مەكەمەلەردە سانيتاريالىق-ەپيدەميولوگيالىق قاعيدالار مەن گيگيەنالىق نورماتيۆتەردىڭ ساقتالۋىن قامتاماسىز ەتۋدى ۇيىمداستىرادى جانە جۇزەگە اسىرادى. شۇعىل مەديتسينالىق كومەككە, سونداي-اق ونكولوگيالىق, ۆەنەرولوگيالىق اۋرۋلار, ايتۆ-ينفەكتسياسى, تۋبەركۋلەز, قانت ديابەتى مەن ۇزدىكسىز باقىلاۋ جانە ەمدەۋ كورسەتىلەتىن باسقا دا اۋرۋلار بويىنشا امبۋلاتورلىق نەمەسە ستاتسيونارلىق تەكسەرۋگە جانە ەمدەۋگە مۇقتاج ادامدار قازاقستان رەسپۋبليكاسى دەنساۋلىق ساقتاۋ جۇيەسىنىڭ ءتيىستى مەديتسينالىق ۇيىمدارىندا (بۇدان ءارى - مەديتسينالىق ۇيىمدار) قاجەتتى مامانداندىرىلعان مەديتسينالىق كومەكپەن قامتاماسىز ەتىلەدى. گاۋپۆاحتالاردا ۇستالاتىن اسكەري قىزمەتشىلەرگە مەديتسينالىق كومەك «قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرامالارىنىڭ جالپى اسكەري جارعىلارىن بەكىتۋ تۋرالى» 2007 جىلعى 5 شىلدەدەگى قازاقستان رەسپۋبليكاسى پرەزيدەنتىنىڭ №364 جارلىعىمەن بەكىتىلگەن قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرالىمدارىنىڭ ىشكى قىزمەتىنىڭ جارعىسىندا كوزدەلگەن تارتىپپەن كورسەتىلەدى. 3. مەديتسينالىق كومەك كورسەتۋ كەزىندە ارنايى مەكەمەلەردىڭ مەديتسينا قىزمەتكەرلەرى كودەكستى, سونداي-اق وسى قاعيدالاردى باسشىلىققا الادى. 4. ارنايى مەكەمەلەردىڭ ەمدەۋ-پروفيلاكتيكالىق, سانيتاريالىق-ەپيدەمياعا قارسى جانە سانيتاريالىق – پروفيلاكتيكالىق جۇمىس ماسەلەلەرى جونىندەگى قىزمەتىن ادىستەمەلىك قامتاماسىز ەتۋدى ىشكى ىستەر ورگاندارىنىڭ (بۇدان ءارى - ىشكى ىستەر ورگاندارى) بىرىڭعاي جۇيەسىن باسقاراتىن قازاقستان رەسپۋبليكاسى ورتالىق اتقارۋشى ورگانىنىڭ قۇرىلىمدىق بولىمشەسى, ىشكى ىستەر ورگاندارى دەپارتامەنتتەرىنىڭ مەديتسينالىق قىزمەتتەرى (بۇدان ءارى - مەديتسينالىق قىزمەتتەر), دەنساۋلىق ساقتاۋ سالاسىنداعى ۋاكىلەتتى ورگانى (بۇدان ءارى - ۋاكىلەتتى ورگان) جانە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى ۋاكىلەتتى ورگانىنىڭ ۆەدومستۆولارى جۇزەگە اسىرادى. 5. ارنايى مەكەمەلەردە ۇستالاتىن ادامدارعا مەديتسينالىق كومەك كورسەتۋ ماقساتىندا مەديتسينا قىزمەتكەرىنىڭ ارنايى جابدىقتالعان كابينەتى (بۇدان ءارى - مەديتسينالىق كابينەت) نەمەسە مەديتسينالىق پۋنكت جۇمىس ىستەيدى. 6. مەديتسينالىق كابينەت مەديتسينالىق قىزمەتتىڭ باسشىسى بەكىتكەن تىزبەگە سايكەس مەديتسينالىق ماقساتتاعى بۇيىمدارمەن جانە مەديتسينالىق تەحنيكامەن, زالالسىزداندىرۋ قۇرالدارىمەن جانە جۋ ماتەريالدارىمەن قامتاماسىز ەتىلەدى. 7. ارنايى مەكەمەلەردىڭ مەديتسينا قىزمەتكەرلەرىنىڭ قىزمەتى ارنايى مەكەمەنىڭ باستىعى بەكىتكەن, مەديتسينالىق قىزمەتپەن كەلىسىلگەن جۇمىس جوسپارىنا سايكەس ۇيىمداستىرىلادى. 8. ارنايى مەكەمەلەردە ۇستالاتىن ادامداردى مەديتسينالىق قامتاماسىز ەتۋ جونىندەگى مالىمەتتەردى ارنايى مەكەمەلەر مەديتسينالىق قىزمەتكە ۇسىنادى. 9. ارنايى مەكەمەنىڭ باسشىسى مەديتسينالىق قىزمەتپەن كەلىسىلگەن مەديتسينا قىزمەتكەرلەرىنىڭ فۋنكتسيونالدىق مىندەتتەرىن, مەديتسينا كابينەتىنىڭ جۇمىس كەستەسىن, مەديتسينالىق يزولياتورداعى ناۋقاستار ءۇشىن ىشكى ءتارتىپ ەرەجەسىن ازىرلەيدى جانە بەكىتەدى. 10. ارنايى مەكەمەلەردىڭ مەديتسينا قىزمەتكەرلەرى: 1) ارنايى مەكەمەلەردە ۇستالاتىن ادامدارعا مەديتسينالىق كومەك كورسەتۋدى; 2) ارنايى مەكەمەلەردىڭ ءۇي-جايلارىندا ەپيدەمياعى قارسى رەجيمنىڭ ساقتالۋىن قامتاماسىز ەتۋدى; 3) ارنايى مەكەمەلەردە ۇستالاتىن ادامداردى مەديتسينالىق-سانيتارلىق قامتاماسىز ەتۋ ماسەلەلەرى بويىنشا مەملەكەتتىك دەنساۋلىق ساقتاۋدى باسقارۋدىڭ جەرگىلىكتى ورگانىنىڭ مەديتسينالىق ۇيىمدارمەن ءوزارا ءىس-قيمىل جاساسۋدى جۇزەگە اسىرادى; 11. ارنايى مەكەمەلەردە ۇستالاتىن ادامدارعا مەديتسينالىق كومەك كورسەتۋ كەزىندە مەديتسينا قىزمەتكەرلەرى: 1) كەلىپ تۇسكەن, كۇندەلىكتى ارالاۋ جۇرگىزۋ, مەديتسينالىق كومەككە جۇگىنگەن, ارنايى مەكەمەدەن كەتكەن كەزدە مەديتسينالىق تەكسەرۋ جۇرگىزۋ ارقىلى جۇقپالى, ۆەنەرولوگيالىق, تەرى, پسيحيكالىق, پارازيتتىك جانە باسقا دا قاۋىپتى اۋرۋلاردى انىقتاۋدى; 2) باستاپقى مەديتسينالىق-سانيتاريالىق كومەك كورسەتۋدى; 3) ستاتسيونارلىق ەمگە مۇقتاج ناۋقاستاردى اۋرۋحاناعا جاتقىزۋدى; 4) دارىگەر-ماماندار مەن كونسۋلتانتتاردىڭ ۇسىنىستارى مەن تاعايىنداۋلارىن ورىنداۋدى; 5) ءدارى-دارمەكتىك پرەپاراتتارعا, زالالسىزداندىرۋ قۇرالدارى مەن مەديتسينالىق جابدىقتارعا قاجەتتىلىكتى ەسەپتەۋدى, ولاردى ساتىپ الۋ تۋرالى ءتيىستى وتىنىمدەردى ارنايى مەكەمەنىڭ باسشىلىعىنا بەلگىلەنگەن تارتىپپەن ۇسىنۋدى, ولاردى ساقتاۋدىڭ, بەرۋدىڭ جانە ەسەپكە الۋدىڭ بەلگىلەنگەن ءتارتىبىن ورىنداۋدى; 6) ارنايى مەكەمەلەردە ۇستالاتىن ادامداردى ورنالاستىرۋ, تاماقتاندىرۋدى ۇيىمداستىرۋ, مونشا-كىر جۋمەن قامتاماسىز ەتۋ, ارنايى مەكەمەلەردە ۇستالاتىن ادامداردى سانيتارلىق وڭدەۋ كەزىندە سانيتارلىق ەرەجەلەر مەن گيگيەنالىق نورماتيۆتەردىڭ ساقتالۋىن قامتاماسىز ەتۋدى; 7) جۇقپالى ناۋقاستار انىقتالعان كەزدە سانيتاريالىق ەپيدەمياعا قارسى جانە سانيتارلىق-پروفيلاكتيكالىق ءىس-شارالاردى جۇرگىزۋدى قامتاماسىز ەتۋدى; 8) زالالسىزداندىرۋ ءىس-شارالارىنىڭ جۇرگىزىلۋىن باقىلاۋدى قامتاماسىز ەتۋدى; 9) سانيتارلىق-اعارتۋ جۇمىستارىنىڭ جۇرگىزىلۋىن قامتاماسىز ەتۋدى; 10) ىشكى ىستەر ورگاندارى دەپارتامەنتتەرىنىڭ سانيتاريالىق-ەپيدەميولوگيالىق قاداعالاۋ توبىنا جانە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى ۋاكىلەتتى ورگانىنىڭ ۆەدومستۆولارىنا ارنايى مەكەمەلەردە ۇستالاتىن ادامداردىڭ اراسىندا جۇقپالى ناۋقاستاردىڭ انىقتالعانى تۋرالى شۇعىل حابارلامالار جىبەرۋدى; 11) «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن) (بۇدان ءارى - № 907 بۇيرىق) بەكىتىلگەن مەديتسينا قىزمەتكەرى كابينەتىنىڭ باستاپقى مەديتسينالىق قۇجاتتاماسىنىڭ نىساندارىنا سايكەس مەديتسينالىق قۇجاتتامانى جۇرگىزۋدى جۇزەگە اسىرادى. 12. اينالاسىنداعى ادامدارعا قاۋىپ توندىرەتىن جۇقپالى اۋرۋلارمەن اۋىراتىنىنا كۇدىك تۋىنداعان جانە شۇعىل مەديتسينالىق كومەككە مۇقتاج ادامداردى انىقتاۋ ماقساتىندا جاڭا كەلگەندەردىڭ بارلىعىنا ارنايى مەكەمەگە كەلگەن ءبىرىنشى تاۋلىك ىشىندە باستاپقى الدىن الۋ مەديتسينالىق تەكسەرۋ جۇرگىزىلەدى. قابىلداۋ مەكەمە بويىنشا كەزەكشى قىزمەتكەردىڭ نەمەسە باقىلاۋشىلار قىزمەتى وكىلىنىڭ قاتىسۋىمەن جۇرگىزىلەدى. بۇل رەتتە تەرى, ۆەنەرولوگيالىق, پسيحيكالىق اۋرۋلاردىڭ بەلگىلەرىنە, پەديكۋلەزبەن, قىشىمامەن اۋىراتىندىققا ەرەكشە كوڭىل بولىنەدى. تەكسەرۋدى مەديتسينا قىزمەتكەرى ارنايى جابدىقتالعان مەديتسينالىق كابينەتتە جۇرگىزەدى. تەكسەرۋ ناتيجەلەرى وسى قاعيدالارعا 1-قوسىمشاعا سايكەس نىسان بويىنشا ارنايى مەكەمەلەردە ۇستالاتىن ادامداردان باستاپقى جاۋاپ الۋ جانە ولارعا مەديتسينالىق كومەك كورسەتۋدى تىركەۋ جۋرنالىندا تىركەلەدى. 13. تەكسەرۋ بارىسىندا مىندەتتى تۇردە: 1) دەنساۋلىق جاعدايىنا شاعىمداردى, ءومىر جانە اۋرۋ تاريحىن جيناۋ; 2) انتروپومەتريالىق زەرتتەۋلەر (بويى, دەنە سالماعى); 3) ءپۋلستى, جۇرەك سوعۋىنىڭ جيىلىگىن, ارتەريالىق قان قىسىمىن جانە دەنە تەمپەراتۋراسىن ولشەۋ; 4) تەرىسىنىڭ جانە كوزگە كورىنەتىن شىرىشتى قاباتتارىنىڭ جاعدايىن سيپاتتاۋ; 5) ىشكى ورگاندارىنا وبەكتيۆتى زەرتتەۋ جۇرگىزىلەدى. 14. مەديتسينا قىزمەتكەرى بولماعان جاعدايدا ارنايى مەكەمە بويىنشا كەزەكشى شۇعىل مەديتسينالىق كومەككە مۇقتاج ادامداردى, سونداي-اق جاراقات بەلگىلەرىن, پەديكۋلەزدى, قىشىمانى انىقتاۋ ءۇشىن دەنەسىنىڭ تەرىسىن جانە باسىنىڭ شاشىن (دەنەسىنىڭ تۇگىن) قاراپ, جاڭادان كەلىپ تۇسكەندەردەن دەنساۋلىق جاعدايى تۋرالى جاۋاپ الادى. جاڭادان كەلىپ تۇسكەندەر ءوزىن ناشار سەزىنۋىنە شاعىمدانعان نەمەسە اۋرۋ (جاراقات) بەلگىلەرى بولعان جاعدايدا ارنايى مەكەمە بويىنشا كەزەكشى دەرەۋ جەدەل مەديتسينالىق جاردەم-بريگاداسىن شاقىرادى. جاۋاپ الۋ ناتيجەلەرى وسى قاعيدالارعا 2-قوسىمشاعا سايكەس نىسان بويىنشا دەنساۋلىق جاعدايىنا شاعىمدارى جانە كورسەتىلگەن مەديتسينالىق كومەك تۋرالى ارنايى مەكەمەنىڭ مەديتسينالىق كابينەتىندە ساقتالاتىن مەديتسينالىق كومەك كورسەتۋگە جۇگىنۋشىلەردى تىركەۋ جۋرنالىنا, ال مەديتسينا قىزمەتكەرى بولماعان كەزەڭدە - ارنايى مەكەمە بويىنشا كەزەكشىنىڭ جۋرنالىنا جازبا جازىلادى. سونداي-اق مەديتسينا قىزمەتكەرى نەگىزگى ۇسىنىستارىمەن جانە تاعايىنداۋلارىمەن بىرگە مەديتسينا ۇيىمدارى دارىگەر-ماماندارىنىڭ كونسۋلتاتسيالىق كومەگىن ۇيىمداستىرادى; 15. جۇقپالى تەرى, ىرىڭدىك جانە ساڭىراۋقۇلاقتىق اۋرۋلارمەن زاقىمدالعان ادامدار باسقالاردان جەكە جانە ولاردان كەيىن جۋىنادى. ولارمەن بايلانىستا بولعان ادامداردى مەديتسينا قىزمەتكەرى تەكسەرەدى جانە قوسىمشا سانيتاريالىق وڭدەۋگە جىبەرەدى. تەكسەرۋ كەزىندە پەديكۋلەز انىقتالعان ادامدار سانيتاريالىق وتكىزگىشتە پەديكۋلەزگە قارسى پرەپاراتتاردى قولدانۋ ارقىلى سانيتاريالىق وڭدەۋدەن وتكىزىلەدى. 16. جۇقپالى اۋرۋلارمەن اۋىراتىندىعىنا كۇدىكتى ادامدار تەكسەرىلگەننەن كەيىن بىردەن دەنى ساۋ ادامداردان وقشاۋلانادى جانە ولار دياگنوزى بەلگىلى بولعانشا جەكە ۇستالادى. مەكەمەدە جۇقپالى اۋرۋلارمەن اۋىرعان جانە اۋىراتىندىعىنا كۇدىكتى ادامداردى ۋاقىتشا وقشاۋلاۋ ءۇشىن قول جۋعىشى جانە دارەتحاناسى بار 1-2 توسەك ورىنعا ارنالعان مەديتسينالىق وقشاۋلاعىش جابدىقتالادى. ءبىر توسەك ورىننىڭ اۋدانى كەمىندە 6 شارشى مەتر بولادى. مەديتسينا قىزمەتكەرى انىقتالعان جۇقپالى اۋرۋدىڭ ءاربىر وقيعاسى تۋرالى ارنايى مەكەمەنىڭ باستىعىنا جانە بىرۋاقىتتا مەديتسينالىق كىزمەتتىڭ باستىعىنا باياندايدى. جۇقپالى اۋرۋ (كۇدىكتىلەر), تاعامنان ۋلانۋ, ەگۋگە ەرەكشە رەاكتسيانىڭ ءاربىر جاعدايى تۋرالى شۇعىل حابارلاما جاسالىپ, 12 ساعات ىشىندە سانيتاريالىق-ەپيدەميولوگيالىق قاداعالاۋ بولىمشەلەرىنە جانە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى ۋاكىلەتتى ورگاننىڭ ۆەدومستۆولارىنا جىبەرىلەدى. 17. ارنايى مەكەمەدە اسا قاۋىپتى جۇقپالى اۋرۋلارمەن اۋىراتىندىعىنا كۇدىكتى ناۋقاستار, سونداي-اق شۇعىل مەديتسينالىق كومەككە مۇقتاج ادامدار انىقتالعان كەزدە مەديتسينا قىزمەتكەرى (ول بولماعان جاعدايدا - ارنايى مەكەمە بويىنشا كەزەكشى) جەدەل مەديتسينالىق جاردەم بريگاداسىن شاقىرادى. شۇعىل, ناۋقاستىڭ ومىرىنە قاۋىپ تونگەن, جەدەل مەديتسينالىق جاردەم بريگاداسى ۇزاق ۋاقىت بولماعان نەمەسە كەلۋ مۇمكىندىگى بولماعان جاعدايلاردا ارنايى جەكە مەكەمە بويىنشا كەزەكشى ناۋقاستى دەرەۋ جاقىن جەردەگى مەديتسينا ۇيىمىنا جەتكىزۋ بويىنشا شارالار قابىلدايدى. 18. ەگەر ارنايى مەكەمە مەديتسينا قىزمەتكەرىنىڭ نەمەسە جەدەل مەديتسينالىق جاردەم بريگاداسىنىڭ قورىتىندىسى بويىنشا ناۋقاس ستاتسيونارلىق ەمدەلۋگە مۇقتاج بولسا, وندا ول مەديتسينالىق ۇيىمعا جىبەرىلەدى. 19. مەديتسينا ۇيىمىنىڭ باسشىسى ارنايى مەكەمەلەردە ۇستالاتىن ادامدارعا قاجەتتى مەديتسينالىق كومەك كورسەتۋ ءۇشىن مەديتسينا ۇيىمىندا ارنايى پالاتالار بولەدى جانە ءتيىستى ۇلگىدە (ىشكى ىستەر ورگاندارىنىڭ كومەگىمەن) جابدىقتايدى. 20. اۋرۋحاناعا جاتقىزۋعا كورسەتۋلەر بولماعان كەزدە جەدەل مەديتسينالىق جاردەم بريگاداسىنىڭ دارىگەرى تەكسەرۋ ناتيجەلەرىن, دياگنوزىن, ورىندالعان مەديتسينالىق مانيپۋلياتسيالاردى, سونداي-اق ارنايى مەكەمەنىڭ مەديتسينا قىزمەتكەرىنە وسى ناۋقاستى باقىلاۋ جونىندەگى ۇسىنىستارىن كورسەتە وتىرىپ, ءتيىستى انىقتاما جاسايدى. كورسەتىلگەن انىقتاما ارنايى مەكەمەدە ۇستالاتىن ادامنىڭ جەكە ىسىنە تىركەلەدى. مەديتسينا قىزمەتكەرى انىقتامادا باياندالعان مالىمەتتەردى وسى قاعيدالارعا 2-قوسىمشاعا سايكەس نىسان بويىنشا ارنايى مەكەمەنىڭ مەديتسينا قىزمەتكەرى كابينەتىنە جۇگىنۋلەردى تىركەۋ جۋرنالىنا كوشىرىپ جازادى. 21. ناۋقاستانعان, الايدا شۇعىل اۋرۋحاناعا جاتقىزۋعا جاتپايتىن ادامدار ارنايى مەكەمەدە بولۋ كەزەڭىندە مەديتسينا قىزمەتكەرلەرىنىڭ كۇشتەرىمەن قاجەتتى امبۋلاتورلىق مەديتسينالىق كومەكپەن قامتاماسىز ەتىلەدى. 22. ارنايى مەكەمەدە مەديتسينا قىزمەتكەرلەرى بولماعان جاعدايدا ارنايى مەكەمەدە ۇستالاتىن ادامدارعا دارىگەرگە دەيىنگى العاشقى كومەك كورسەتۋ جونىندەگى ءىس-شارالاردى وسى مەكەمەنىڭ قىزمەتكەرلەرى جۇزەگە اسىرادى. ارنايى مەكەمە بويىنشا كەزەكشىدە دارىگەرگە دەيىنگى العاشقى كومەك كورسەتۋگە ارنالعان قوبديشا بولادى. 23. ارنايى مەكەمەدە ۇستالاتىن ادامداردىڭ اراسىنان اۋىرعانداردى انىقتاۋ ماقساتىندا مەديتسينا قىزمەتكەرى كەزەكشى قىزمەتكەردىڭ ەرىپ جۇرۋىمەن كۇن سايىن كامەرالاردى ارالايدى. 24. مەديتسينا قىزمەتكەرى ۋۇي-دان, ونىڭ ىشىندە ترانزيتپەن كەتەتىندەردىڭ بارلىعىن ايداۋىلداۋعا جارامدىلىعىن انىقتاۋ ءۇشىن مىندەتتى مەديتسينالىق تەكسەرۋدەن وتكىزەدى. تەكسەرۋ ناتيجەلەرى باستاپقى جاۋاپ الۋ جۇرگىزۋ جانە مەديتسينالىق كومەك كورسەتۋ جۇمىسىن تىركەۋ جۋرنالىنا, مەديتسينالىق تەكسەرۋ كارتاسىنا جازىلىپ, جەكە ىسىنە تىگىلەدى. مەديتسينالىق تەكسەرۋ كارتاسى وسى قاعيدالارعا 3-قوسىمشاعا سايكەس نىسان بويىنشا ۋۇي-دا بولعان كەزەڭدەگى اۋرۋى, جۇرگىزىلگەن مەديتسينالىق تەكسەرۋ جانە كورسەتىلگەن مەديتسينالىق كومەك ناتيجەلەرى تۋرالى مالىمەتتەردى قامتيدى. 25. مەديتسينا قىزمەتكەرىنىڭ قورىتىندىسى بويىنشا: اۋرۋى ءجىتى ساتىداعى ناۋقاستار, جۇقپالى اۋرۋلارمەن اۋىراتىندار, پەديكۋلەز, قىشىما جۇقتىرىپ العان, بەلگىلەنگەن ەمدەۋ كۋرسىنان وتپەگەندەر, سونداي-اق تاسىمالداۋعا كەلمەيتىن ناۋقاستار ايداۋىلداۋعا جاتپايدى. 26. قىلمىس جاساعانى ءۇشىن كۇدىكتى جانە ايىپتالۋشى ءجۇرۋ باعىتىندا سىرقاتتانعان جاعدايدا ايداۋىل سىرقاتتانعان ادامدى جاقىن جەردەگى مەملەكەتتىك دەنساۋلىق ساقتاۋدى باسقارۋدىڭ جەرگىلىكتى ورگانىنىڭ مەديتسينالىق ۇيىمىنا جەتكىزەدى جانە ءتيىستى ىشكى ىستەر ورگانىنىڭ كۇزەتىنە تاپسىرادى. 27. مەديتسينا ۇيىمى مەديتسينا قىزمەتكەرلەرىنىڭ جانە شۇعىل مەديتسينالىق كومەك بريگادالارىنىڭ قاۋىپسىزدىگىن ساقتاۋ ماقساتىندا ارنايى مەكەمەلەردىڭ اكىمشىلىگى ولاردىڭ ناۋقاستارعا بارۋىن ارنايى مەكەمە بويىنشا كەزەكشىنىڭ, ال ول بولماعان جاعدايدا - ىشكى ىستەر ورگانى بويىنشا كەزەكشىنىڭ (كەزەكشى كومەكشىسىنىڭ) مەديتسينالىق كومەككە مۇقتاج ادامدى كامەرادا نەمەسە باسقا ءبىر بوس ءۇي-جايعا وقشاۋلاپ, مەديتسينا قىزمەتكەرلەرىنىڭ ناۋقاسقا كەلۋى كەزىندە ەرىپ ءجۇرۋىن ۇيىمداستىرادى. 28. مەديتسينا قىزمەتكەرلەرى تاعايىندايتىن ءدارى-دارمەكتەر مەديتسينالىق كابينەتتە ساقتالادى جانە ولاردى ناۋقاستار مەديتسينا قىزمەتكەرىنىڭ نەمەسە كەزەكشى قىزمەتكەردىڭ قاتىسۋمەن قابىلدايدى. 29. ۇستالاتىن ادام اۋىر ناۋقاستانعان نەمەسە قايتىس بولعان جاعدايدا ارنايى مەكەمەنىڭ اكىمشىلىگى بۇل تۋرالى دەرەۋ تۋىستارىنا جانە قاداعالاۋشى پروكۋرورعا حابارلايدى. 30. ارنايى مەكەمەنىڭ مەديتسينا قىزمەتكەرىن مەديتسينالىق-سانيتاريالىق قامتاماسىز ەتۋمەن بايلانىستى ەمەس جۇمىستاردى ورىنداۋعا تارتۋعا جول بەرىلمەيدى. 3. ارنايى جانە تۇزەۋ مەكەمەلەرىنە ورنالاستىرىلعان, سوت ۇكىمى بويىنشا باس بوستاندىعىنان ايىرۋ ورىندارىندا جازاسىن وتەپ جاتقان ادامدارعا مەديتسينالىق كومەك كورسەتۋ ءتارتىبى 31. تۇزەۋ مەكەمەلەرىندە (بۇدان ءارى - تم), ارنايى مەكەمەلەردە (تەرگەۋ يزولياتورلارىندا (بۇدان ءارى - تي) ۇستالاتىن ادامدارعا, ونىڭ ىشىندە شەتەل جانە ازاماتتىعى جوق ادامدارعا مەديتسينالىق كومەك قازاقستان رەسپۋبليكاسىنىڭ ازاماتتارىنا تەگىن مەديتسينالىق كومەك كورسەتۋدىڭ كەپىلدەندىرىلگەن كولەمىندە كوزدەلگەن كولەمدە جانە مەديتسينالىق كومەك تۇرلەرى بويىنشا الىنعان ليتسەنزياعا سايكەس كورسەتىلەدى. تەگىن مەديتسينالىق كومەكتىڭ كەپىلدەندىرىلگەن كولەمىن كورسەتۋ ءۇشىن دارىلىك زاتتارمەن قامتاماسىز ەتۋ ەمدەۋ-پروفيلاكتيكالىق مەكەمەسىنىڭ باستىعى بەكىتكەن جانە اۋماقتىق قىلمىستىق – اتقارۋ جۇيەسى ورگانىنىڭ مەديتسينالىق قىزمەتىمەن كەلىسىلگەن ءدارى-دارمەكتىك فورمۋليارعا سايكەس جۇزەگە اسىرىلادى. ءدارى-دارمەكتىك فورمۋليار كەزەڭدىك قايتا قاراۋعا جانە جىلىنا كەمىندە 1 رەت جاڭارتۋعا جاتادى. شۇعىل, ستاتسيونارلىق جانە ستاتسيوناردى الماستىرۋشى كومەك كورسەتۋ ءۇشىن تەگىن مەديتسينالىق كومەكتىڭ كەپىلدەندىرىلگەن كولەمى شەڭبەرىندە تۇسكەن دارىلىك زاتتار مەكەمە اتاۋىن, ونىڭ مەكەنجايىن جانە «تەگىن» بەلگىسىن كورسەتۋ ارقىلى مەكەمەنىڭ ارنايى مورتاڭباسىمەن بەلگىلەنەدى. 32. قازاقستان رەسپۋبليكاسى قىلمىستىق-اتقارۋ كودەكسىنىڭ 115-بابىنىڭ 4–تارماعىنا سايكەس سوتتالعاندار قالاۋى بويىنشا ۇسىنىلاتىن ەمدەۋ-پروفيلاكتيكالىق جانە باسقا قوسىمشا قىزمەتتى تولەيدى. سوتتالعاندارعا كەپىلدەندىرىلگەن تەگىن مەديتسينالىق كولەم شەڭبەرىنەن تىس قوسىمشا مەديتسينالىق قىزمەت قاج ەمدەۋ-پروفيلاكتيكالىق مەكەمەلەرى نەمەسە مەملەكەتتىك دەنساۋلىق ساقتاۋدى باسقارۋدىڭ جەرگىلىكتى ورگاندارىنىڭ مەديتسينالىق ۇيىمدارى جاعدايىندا سوتتالعانداردىڭ قارجىسى ەسەبىنەن كورسەتىلەدى. 33. سوتتالعانداردى مەديتسينالىق قامتاماسىز ەتۋدى ەمدەۋ-پروفيلاكتيكالىق مەكەمەلەرى (بۇدان ءارى - ەپم): اۋرۋحانالار, مامانداندىرىلعان اۋرۋحانالار (پسيحياتريالىق, تۋبەركۋلەزگە قارسى), مەديتسينالىق بولىمدەر (مەديتسينالىق پۋنكتتەر) جۇزەگە اسىرادى. انا مەن بالانى قورعاۋمەن بايلانىستى جۇمىستى جۇزەگە اسىرۋ ءۇشىن بالالار ءۇيى ۇيىمداستىرىلادى. ماسكۇنەمدىكپەن, ناشاقورلىقپەن جانە ۋىتقۇمارلىقپەن اۋىراتىن سوتتالعانداردى ماجبۇرلەپ ەمدەۋدى تم-ءنىڭ مەديتسينالىق ءبولىمى جۇزەگە اسىرادى. 34. قاۋىپسىزدىگى بارىنشا تومەن مەكەمەلەردە جازاسىن وتەۋگە باس بوستاندىعىنان ايىرىلعان ادامدارعا قازاقستان رەسپۋبليكاسىنىڭ باسقا ازاماتتارىمەن تەڭ جاعدايدا, جازاسىن وتەپ جۇرگەن جەرىنە جاقىن ورنالاسقان مەملەكەتتىك دەنساۋلىق ساقتاۋدى باسقارۋدىڭ جەرگىلىكتى ورگانىنىڭ مەديتسينالىق ۇيىمدارىندا مامانداندىرىلعان مەديتسينالىق كومەك كورسەتىلەدى. ارنايى ستاتسيونارلىق كومەك كورسەتۋدى قاجەت ەتەتىن جاعدايلاردا تم, تي-دا ۇستالاتىن ناۋقاستار مەملەكەتتىك دەنساۋلىق ساقتاۋدى باسقارۋدىڭ جەرگىلىكتى ورگانىنىڭ مەديتسينالىق ۇيىمدارىنا جىبەرىلەدى, ول ءۇشىن جينامالى كۇزەت قۇرالدارىمەن جابدىقتالعان وقشاۋلانعان پالاتالار بولىنەدى. 35. كودەكستىڭ 180-بابىنىڭ 9-تارماعىنا سايكەس تم-دا جانە ارنايى مەكەمەلەردە مەديتسينالىق تەحنولوگيالارعا, فارماكولوگيالىق جانە دارىلىك زاتتارعا كلينيكالىق زەرتتەۋلەر جۇرگىزىلمەيدى. 4. العاشقى مەديتسينالىق-سانيتاريالىق جانە كونسۋلتاتيۆتىك-دياگنوستيكالىق كومەك 36. تي-گە كەلگەننەن كەيىن بارلىق كەلىپ تۇسۋشىلەرگە (ونىڭ ىشىندە ترانزيتپەن كەلگەندەرگە) مەديتسينالىق كومەككە مۇقتاج, اينالاسىنداعىلار مەن ناۋقاستار ءۇشىن ەپيدەميالىق قاۋىپ توندىرەتىن ادامداردى انىقتاۋ ماقساتىندا, العاشقى مەديتسينالىق تەكسەرۋ جۇرگىزىلەدى. بۇل رەتتە تەرى, ۆەنەرولوگيالىق, جۇقپالى جانە باسقا دا اۋرۋلاردىڭ سىرتقى بەلگىلەرىنە, پەديكۋلەزبەن زاقىمدالۋىنا ەرەكشە نازار اۋدارىلادى. بۇل جۇمىس مىندەتتى تۇردە جاڭادان كەلگەندەردى جالپى ءۇي-جايلارعا جىبەرگەنگە دەيىن جۇرگىزىلەدى. تەكسەرۋدى مەكەمە ءبولىمىنىڭ دارىگەرى نەمەسە فەلدشەرى ارنايى جابدىقتالعان مەديتسينالىق جيناقتىق كابينەتىندە جۇرگىزەدى. بولمە تونومەترمەن, فونەندوسكوپپەن, تەرمومەترمەن, بوي ولشەگىشپەن, تارازىمەن, رەفلەكتورمەن, اۋىز قۋىسىن قارايتىن قالاقشامەن قامتاماسىز ەتىلەدى. تي-دا ءاربىر ۇستالۋشىعا امبۋلاتورلىق ناۋقاستىڭ مەديتسينالىق كارتاسى تولتىرىلادى. 37. تي-دان كەتەتىن بارلىق ادامدارعا (ونىڭ ىشىندە ترانزيتتىكتەرگە) (دارىگەرلىك نەمەسە فەلدشەرلىك) مەديتسينالىق تەكسەرۋ جۇرگىزىلەدى. تاسىمالداۋعا اۋرۋدىڭ ءجىتى ساتىسىنداعى ناۋقاستار, قىشىمامەن, بەكىتىلگەن ەمدەۋ كۋرسىن وتپەگەن, پەديكۋلەزبەن اۋىراتىن, ۆەنەرولوگيالىق جانە جۇقپالى ناۋقاستار (تۋبەركۋلەزدەن باسقا) جىبەرىلمەيدى. تەكسەرۋ اياقتالعان سوڭ ءاربىر كەتۋشىگە امبۋلاتورلىق پاتسيەنتتىڭ مەديتسينالىق كارتاسىنا دەنساۋلىق جاعدايى, ونى ءجۇرۋ مۇمكىندىگى تۋرالى بەلگىسى بار قورىتىندى بەرىلەدى. تەكسەرۋدى جۇرگىزگەن مەديتسينا قىزمەتكەرى قورىتىندىنىڭ سوڭىنا ءوزىنىڭ اتى-ءجونىن كورسەتە وتىرىپ, قولىن قويادى. 38. جۇقپالى اۋرۋلارمەن نەمەسە ولارعا كۇدىكتەنگەن ادامدار تەز ارادا تەكسەرۋدەن وتكەننەن كەيىن دەنى ساۋ ادامداردان وقشاۋلانادى. وسى ادامداردى العاشقى سانيتارلىق وڭدەۋ كيىمدەرى مەن جەكە زاتتارىن مىندەتتى تۇردە زالالسىزداندىرۋ ارقىلى سوڭىندا جۇزەگە اسىرىلادى, سودان كەيىن ولار ارنايى بولىنگەن كامەرالارعا جىبەرىلەدى, ول جەردە دياگنوستيكالىق ماقساتتا ءتيىستى تەكسەرۋ, قاجەت بولعان جاعدايدا ەمدەۋ جۇرگىزىلەدى. 39. مەديتسينالىق بولىمدەردىڭ شتاتتارىندا دارىگەر-ماماندار بار بولعان جاعدايدا, مەديتسينالىق ءبولىم باسشىسىنىڭ شەشىمى بويىنشا ولار بارلىق كەلگەندەرگە تەكسەرۋ جۇرگىزۋگە تارتىلادى. 40. تم-گە كەلگەن سوتتالعاندار 15 تاۋلىككە دەيىنگى مەرزىمگە كارانتيندىك بولىمشەگە ورنالاستىرىلادى. بارلىق كەلگەن ادامدار وسى قاعيدالارعا 4-قوسىمشاعا سايكەس ەتاپتى قابىلداۋ جۋرنالىندا تىركەلەدى. تم-گە كەلگەن ءبىرىنشى ەكى اپتادا سوتتالعاندار بار اۋرۋلارىن انىقتاۋعا, دەنەسىنىڭ جاي-كۇيىن باعالاۋ, ەڭبەككە جارامدىلىق قابىلەتىن جوعالتۋ دەڭگەيىن انىقتاۋ ماقساتىندا دارىگەرلىك تەكسەرىستەن وتەدى. كارانتيندە بولعان بارلىق سوتتالعاندار مىندەتتى تۇردە فليۋوروگرافيالىق تەكسەرۋدەن, قانىن RW جانە ايتۆ زەرتتەۋدەن وتەدى. 41. كارانتين مەرزىمى كەزىندە سوتتالعاندار وقشاۋلانعان بولمەلەردە ۇستالادى. ولاردىڭ ىشىندە جۇقپالى اۋرۋلارمەن اۋىراتىن ناۋقاس بولسا, كارانتين مەرزىمى سوڭعى جۇقپالى اۋرۋدى وقشاۋلاعان ساتتەن باستاپ ەسەپتەلەدى. 42. ناۋقاسقا مەديتسينالىق تەكسەرۋدى جۇرگىزۋ كەزىندە دارىگەر شاعىمدارىن انىقتايدى, اۋرۋ مەن ءومىردىڭ انامنەزىن, بۇرىن بولعان اۋرۋلاردى, جاراقاتتاردى, وتالاردى زەردەلەيدى, دەنە زاقىمدارىن انىقتاۋ ماقساتىندا تەكسەرۋدىڭ جالپى قابىلدانعان ادىستەرىن, ونىڭ ىشىندە اۋسكۋلتاتسيانى, پەركۋسسيانى, پالپاتسيانى پايدالانا وتىرىپ, جان-جاقتى وبەكتيۆتى تەكسەرەدى, كورسەتۋلەر بار بولعان جاعدايدا, زەرتتەۋدىڭ قوسىمشا ادىستەرىن تاعايىندايدى. 43. سوتتالعانداردىڭ دەنساۋلىق جاعدايىن ودان ءارى مەديتسينالىق باقىلاۋ وسى قاعيدالارعا 5, 6, 7-قوسىمشالارعا سايكەس نىسان بويىنشا پروفيلاكتيكالىق مەديتسينالىق تەكسەرىس بارىسىندا, مەديتسينالىق بولىمگە امبۋلاتورلىق قارالۋ, سوزىلمالى اۋرۋلارى بار ادامداردى ديسپانسەرلىك قاداعالاۋ كەزىندە جۇزەگە اسىرىلادى. 44. تم-دە ۇستالاتىن ادامداردى تارتىپتىك يزولياتورعا, جەكە كامەراعا ورنالاستىرماس بۇرىن ونى جوعارىدا اتالعان ءۇي-جايلاردا ۇستاۋ مۇمكىندىگىن انىقتاۋ ماقساتىندا مەديتسينالىق تەكسەرۋ جۇرگىزىلەدى. ونى دەنساۋلىق جاعدايى بويىنشا قاماۋعا الۋ مۇمكىندىگىنىڭ بار-جوعى تۋرالى دارىگەردىڭ (فەلدشەردىڭ) جازباشا قورىتىندىسى وسى قاعيدالارعا 8-قوسىمشاعا سايكەس نىسان بويىنشا رەسىمدەلەدى. تم-دە ۇستالاتىن ادامداردى تەكسەرۋدى جۇرگىزۋ مۇمكىن بولماعان جاعدايدا, سونداي-اق ەگەر وندا قاۋىپتى اۋرۋدىڭ, ۋلانۋدىڭ, جاراقاتتانۋدىڭ كورىنەتىن بەلگىلەرى بولماسا, ول قاماۋعا الىنعان ساتتەن باستاپ ءبىر تاۋلىك ىشىندە مىندەتتى تۇردە مەديتسينالىق تەكسەرۋ جۇرگىزە وتىرىپ تارتىپتىك يزولياتورعا, جەكە كامەراعا ورنالاستىرىلادى. 45. تم-نەن شىققان كەزدە (اۋىسۋ, بوساتىلۋ, ەمدەۋگە جىبەرۋ, جازاسىن وتەۋدىڭ نەگىزگى ورنىنا كەتۋ جانە وزگەلەر) سوتتالعاندار مىندەتتى مەديتسينالىق تەكسەرۋدەن وتەدى. 46. مەديتسينالىق بولىمدەردە سوتتالعانداردى امبۋلاتورلىق قابىلداۋعا ارنالعان ۋاقىت تم, تي كۇن تارتىبىمەن بەلگىلەنەدى. 47. مەديتسينالىق بولىمدە امبۋلاتورلىق قابىلداۋ امبۋلاتورلىق ناۋقاستاردى قابىلداۋ كەستەسىنە سايكەس تم, تي بۇيرىعىمەن بەلگىلەنگەن ۋاقىتتا وتكىزىلەدى. تم-دە ءاربىر جاساق, اۋىسىم نەمەسە بىرنەشە جاساق ءۇشىن امبۋلاتورلىق قابىلداۋ ۋاقىتى بولىنەدى. تي مەن تولىق جانە توتەنشە قاۋىپسىز تم-دە امبۋلاتورلىق قابىلداۋ فەلدشەر جۇرگىزگەن الدىن الا جازىلۋ بويىنشا رەجيمدىك كورپۋستارداعى ارنايى جابدىقتالعان ءۇي-جايلاردا دارىگەرلەر (فەلدشەرلەر) (ەرەكشە جاعدايلاردا - كورپۋس بويىنشا باقىلاۋشى) جۇرگىزەدى. تي-دە, توتەنشە جانە تولىق قاۋىپسىز تم-دە ناۋقاستار دارىگەرگە (فەلدشەرگە) قابىلداۋىنا نەمەسە ەم-شارا جۇرگىزۋگە كامەرا بويىنشا جەكە نەمەسە 3-5 ادامنان تۇراتىن توپپەن شىعارىلادى. 48. تم-ءنىڭ ءاربىر جاساعىندا وسى قاعيدالارعا 9-قوسىمشاعا سايكەس نىسان بويىنشا دارىگەرگە قابىلداۋعا جازىلۋ جۋرنالى بولادى, ونى جاساق باستىعى جۇرگىزەدى. تي-دا جۋرنالدى كورپۋس فەلدشەرى جۇرگىزەدى. امبۋلاتورلىق قابىلداۋعا دەيىن الدىن الا جازىلۋ جۋرنالى مەديتسينا بولىمىنە بەرىلەدى. قابىلداعان سوڭ جۋرنال كورسەتىلگەن ادامدارعا قايتارىلادى. جۋرنالعا جازباي قابىلداۋ تەك شۇعىل جاعدايلاردا عانا جۇرگىزىلەدى. 49. تي-دە, توتەنشە جانە تولىق قاۋىپسىز تم-دە فەلدشەر كورپۋس بويىنشا باقىلاۋشىمەن بىرلەسىپ, تي, تم ۇستالاتىن اداماداردى سەرۋەندەۋگە نەمەسە سانيتارلىق وڭدەۋگە شىعارعان ۋاقىتتا كامەرالاردى ارالاۋ ارقىلى ولاردىڭ سانيتارلىق جاي-كۇيىن كۇن سايىن تەكسەرەدى. شۇعىل مەديتسينالىق كومەك كورسەتۋ ءۇشىن كومەككە مۇقتاج ادام كورپۋستىق امبۋلاتورياعا شىعارىلادى. فەلدشەر وعان بەلگىلەنگەن كولەمدە ءتيىستى تاعايىنداۋلار جاسايدى نەمەسە ناۋقاستاردى دارىگەردىڭ قابىلداۋىنا جازادى. 50. تارتىپتىك يزولياتوردا, سونداي-اق تي, توتەنشە جانە تولىق قاۋىپسىز تم-ءنىڭ جەكە كامەرالارىندا ۇستالاتىن ادامدارعا مەديتسينالىق كومەكتى مەديتسينا قىزمەتكەرلەرى وسى ءۇي-جايلاردىڭ سانيتارلىق جاي-كۇيىن كۇندەلىكتى تەكسەرۋ كەزىندە سول جەردە كورسەتەدى, ولاردىڭ ناتيجەلەرى وسى قاعيدالارعا 10-قوسىمشاعا سايكەس مەديتسينالىق كومەك جۋرنالىنا تىركەلەدى. كورسەتىلگەن ءۇي-جايلاردا ۇستالاتىن ادامداردىڭ دەنساۋلىق جاعدايى ناشارلاعانى بايقالسا, مەديتسينا قىزمەتكەرى وسىنداي ناۋقاستاردى جەدەل تۇردە مەديتسينالىق بولىمگە اۋىستىرۋ بويىنشا شارالار قابىلدايدى. 51. مەديتسينالىق قىزمەتكەر امبۋلاتورلىق قابىلداۋعا دەيىن وسى قاعيدالارعا 9-قوسىمشاعا سايكەس نىسان بويىنشا دارىگەرگە الدىن الا جازىلۋ جۋرنالىنا جازىلعان امبۋلاتورلىق پاتسيەنتتىڭ مەديتسينالىق كارتاسىن ىرىكتەيدى. ناۋقاستاردىڭ شاعىمدارىن انىقتاۋ ءۇشىن قىسقاشا جاۋاپ الادى, انامنەستيكالىق دەرەكتەردى جيناۋدى, انتروپومەتريكالىق ولشەۋلەردى (بويى, دەنەسىنىڭ سالماعى) جۇرگىزەدى جانە ولاردى دارىگەرگە جىبەرۋ كەزەگىن ايقىندايدى. ىرىكتەۋدى وتكىزگەن كەزدە مەديتسينا قىزمەتكەرى دەنە قىزۋىنىڭ جوعارىلاعان, جالپى السىزدىگى جانە سارى اۋرۋمەن, ءىش ايماعىنداعى وتكىر اۋرۋلارمەن اۋىرعان ناۋقاسقا ەرەكشە نازار اۋدارادى. 52. دارىگەر ناۋقاستى تەكسەرىپ بولعاننان سوڭ № 907 بۇيرىقپەن بەكىتىلگەن 025/ە نىسانى بويىنشا امبۋلاتورلىق پاتسيەنتتىڭ مەديتسينالىق كارتاسىنا قىسقاشا جانە تۇسىنىكتى ەتىپ ناۋقاستىڭ شاعىمدارىن, قابىلداۋ كۇنىن, دياگنوزىن, وبەكتيۆتىك قاراۋ دەرەكتەرىن, تاعايىنداۋلار جازادى, جۇمىستان بوساتۋ قاجەتتىلىگى تۋرالى قورىتىندى جاساپ, اتى-ءجونىن كورسەتە وتىرىپ, قول قويادى. 53. اۋرۋدىڭ دياگنوزىن انىقتاۋ مەن سارالاۋدى جانە ەمدەۋ تاكتيكاسىن ازىرلەۋدىڭ قيىن جاعدايلارىندا ناۋقاستار كوميسسيالىق تۇردە تەكسەرىلەدى نەمەسە دارىگەر-مامانداردىڭ كونسۋلتاتسيالارىنا جىبەرىلەدى. كونسۋلتاتسيا ءۇشىن ەپم دارىگەر ماماندارى, سونداي-اق مەديتسينالىق ۇيىمداردىڭ دارىگەر ماماندارى جۇمىلدىرىلادى. 54. امبۋلاتوريالىق قابىلداۋعا الدىن الا جازىلۋ جۋرنالىنا دارىگەر نەمەسە فەلدشەر دياگنوزدى, جۇمىستان نەمەسە ناريادتاردان بوساتۋ تۋرالى قورىتىندىنى جازادى نەمەسە دارىگەرگە قايتا كەلۋ كۇنىن جازادى 55. جۇمىستان جانە جاساقتان تولىق نەمەسە ءىشىنارا بوساتۋ تۋرالى قورىتىندىنى دارىگەر بەرەدى, ال دارىگەر بولماعان جاعدايدا فەلدشەر ءۇش تاۋلىكتەن اسپايتىن مەرزىمگە بەرەدى. بوساتۋدى ۇزارتۋدى دارىگەرلىك-كونسۋلتاتيۆتىك كوميسسيا (بۇدان ءارى - دكك) جۇزەگە اسىرادى. دكك قورىتىندىسى وسى قاعيدالارعا 11-قوسىمشاعا سايكەس نىسان بويىنشا دكك-ءنى وتكىزۋ جۋرنالىندا تىركەلەدى. امبۋلاتوريالىق بوساتىلعان ادامداردىڭ ءتىزىمىن مەديتسينالىق ءبولىم تم باسشىسىنىڭ كەزەكشى كومەكشىسىنە تاپسىرادى. 56. امبۋلاتورلىق پاتسيەنتتىڭ مەديتسينالىق كارتاسىندا مەديتسينا قىزمەتكەرلەرىنىڭ بارلىق مەديتسينالىق تەكسەرۋلەرى مەن تاعايىنداۋلارى, ءىس-ارەكەتتەرى تۋرالى ولاردىڭ ءوتۋ ورنىنا قاراماستان (تارتىپتىك يزولياتور, جەكە كامەرادا), جازبالار جازىلادى. 57. امبۋلاتورلىق پاتسيەنتتىڭ مەديتسينالىق كارتاسى, جۇمىستان بوساتۋ تۋرالى انىقتامالار, تاعايىنداۋلار پاراعى, باسقا دا مەديتسينالىق قۇجاتتار ناۋقاستىڭ قولىنا بەرىلمەيدى. الفاۆيتتىك تارتىپپەن نەمەسە مەديتسينالىق ءبولىمنىڭ بولىمشەلەرىندە, ق ۇلىپپەن جابىلاتىن بولمەلەردەگى شكافتاردا ساقتالادى. ءۇي-جايلار مورلەنەدى. ناۋقاستىڭ مەديتسينالىق امبۋلاتورلىق كارتالارىمەن بىرگە امبۋلاتورلىق ناۋقاستاردىڭ تىركەۋ جۋرنالدارى دا ساقتالادى. 58. ءدارى-دارمەكتەر ناۋقاستىڭ قولىنا بەرىلمەيدى, دارىلىك زاتتاردى ءىشۋ مەديتسينالىق قىزمەتكەردىڭ قاتىسۋىمەن جۇرگىزىلەدى. ەرەكشە جاعدايلاردى قۇرامىندا ەسىرتكى زاتتارى جوق, ەمدەۋدى قاجەت ەتەتىن اۋرۋلار قۇراۋى مۇمكىن (برونحيالدىق استما, قانت ديابەتى, ارتەريالدىق قىزۋىنىڭ كوتەرىلگەن گيپەرتونيكالىق اۋرۋلارى, جۇرەك اۋرۋىنىڭ كوتەرىلۋى جانە يشەميالىق اۋرۋ). ناۋقاسقا وسى پرەپاراتتاردى ءبولۋ تۋرالى ماسەلەنى مەديتسينالىق ءبولىمنىڭ باسشىسى دارىگەردىڭ تاعايىنداۋىمەن جەكە تارتىپپەن شەشەدى, تم, تي باسشىسى بەكىتەتىن ارنايى رۇقسات رەسىمدەلەدى جانە كەزەكشى بولىمگە تاپسىرىلادى. 59. امبۋلاتورلىق ناۋقاستاردىڭ ەمدەۋ شارالارىن كۇن ىشىندە بەلگىلەنگەن ساعاتتا مەديتسينالىق ءبولىم جۇرگىزەدى. 60. ناۋقاستى رەنتگەنولوگيالىق, زەرتحانالىق جانە باسقا زەرتتەۋلەرگە, مامان قابىلداۋىنا, سونداي-اق مەديتسينالىق بولىمدە ورىندالا المايتىن راسىمدەرگە جىبەرگەن كەزدە امبۋلاتورلىق پاتسيەنتتىڭ مەديتسينالىق كارتاسىن ناۋقاسقا ىلەسىپ جۇرەتىن ادامعا بەرىلەدى. امبۋلاتورلىق پاتسيەنتتىڭ مەديتسينالىق كارتاسىندا مەديتسينالىق بولىمدە جۇرگىزىلگەن تەكسەرىس مالىمەتتەرى, بولجامداعان دياگنوزى جانە جولدانعان سەبەپتەرى كورسەتىلەدى. 61. سوتتالعاندارعا جۇرگىزىلەتىن امبۋلاتورلىق ەم دياگنوستيكالاۋ جانە ەمدەۋ حاتتامالارىنا سايكەس بولادى. 62. ۇزاقتىعى 14-15 كۇن امبۋلاتورلىق ەمدەۋگە اۋرۋ سيپاتتاماسى بويىنشا دياگنوستيكالاۋ مەن ەمدەۋدىڭ (ديستروزيا, جاراقاتتار, ابستسەسستەر جانە باسقالار) كۇردەلى ادىستەرىن قاجەت ەتپەيتىن ناۋقاستار جاتادى. حيرۋرگيالىق ناۋقاستارعا قاتىستى دياگنوستيكالىق ءىس-شارالاردىڭ كولەمى مەديتسينالىق ءبولىم جاعدايلارىندا زەرتحانالىق, رەنتگەندىك جانە زەرتتەۋدىڭ باسقا دا ارنايى ادىستەرىن قامتاماسىز ەتۋ مۇمكىندىگىمەن ايقىندالادى. 63. تم جانە تي-دا ۇستالاتىن سوتتالعاندار كونسۋلتاتسيالىق-دياگنوستيكالىق كومەك الۋ ءۇشىن نەگىزگى جازاسىن وتەۋ ورنى بويىنشا مەملەكەتتىك دەنساۋلىق ساقتاۋدى باسقارۋدىڭ جەرگىلىكتى ورگانىنىڭ بىرىنشىلىكتى مەديتسينالىق-سانيتاريالىق كومەك ۇيىمدارىنا (بۇدان ءارى – بمسك ۇيىمدارى) تىركەلەدى. كاسىبي ماماندار بولماعان جاعدايدا جانە شۇعىل كورسەتكىشتەر بويىنشا بمسك تىركەلگەن سوتتالعاندار مەن تەرگەۋ-قاماۋداعىلارعا مەديتسينالىق كومەك تەگىن مەديتسينالىق كومەك كورسەتۋدىڭ كەپىلدەندىرىلگەن كولەمى شەڭبەرىندە كورسەتىلەدى. 64. بمسك ۇيىمدارىنا ۋاقتىلى تىركەۋ جانە تىركەۋدەن شىعارۋ ءۇشىن سوتتالعاننىڭ باسقا وبلىستىڭ مەكەمەسىنە اۋىسۋدىڭ جانە باسقا وبلىستىڭ مەكەمەسىنە كەلۋدىڭ ءاربىر جاعدايى تۋرالى قاج مەكەمەلەرى بمسك ۇيىمدارىنا اقپارات جولدايدى. 65. پروفيلاكتيكالىق مەديتسينالىق تەكسەرۋ جىلىنا ءبىر رەت وتكىزىلەدى. توتەنشە نەمەسە تولىق قاۋىپسىز تۇزەۋ مەكەمەلەرىندە ۇستالاتىن سوتتالعاندار (كامەرادا ۇستالعان كەزدە) جانە تاربيە كولونيالارىندا كامەلەتكە تولماعاندار جىلىنا ەكى رەت تەكسەرىلۋگە جاتادى. 66. پروفيلاكتيكالىق مەديتسينالىق تەكسەرۋدى وتكىزۋ كەستەسىن تم, تي باسشىسى بەكىتەدى. كەستەگە سايكەس مەديتسينالىق ءبولىم باسشىسى بمسك ۇيىمدارىنىڭ ماماندارىن جۇمىلدىرۋ ارقىلى ەپم دارىگەرلەرىنىڭ كۇشتەرىمەن تم-دە ۇستالاتىن ادامداردىڭ تەكسەرۋىن ۇيىمداستىرادى. تەكسەرۋدە تەراپەۆت, فتيزياتر, پسيحياتر, ستوماتولوگ ء(تىس دارىگەرى) مىندەتتى تۇردە قاتىسادى. 67. تم, تي-دە ۇستالاتىن ادامداردى مەديتسينالىق بولىمگە كەلۋىن جاساق باستىعى (كورپۋس باسشىسى) قامتاماسىز ەتەدى. 68. مەديتسينالىق تەكسەرۋلەر كەزىندە: انامنەستيكالىق دەرەكتەردى جيناۋ, انتروپومەتريكالىق زەرتتەۋلەر (بويى, دەنەسىنىڭ سالماعى), تسيتولوگيالىق زەرتتەۋ ءۇشىن ايەلدەردەن جاعىندى الۋمەن گينەكولوگيالىق تەكسەرۋ, قىزداردا - تىك ىشەك ارقىلى ساۋساقتىق زەرتتەۋ (كورسەتكىش بويىنشا), ەستۋ قابىلەتىنىڭ جانە كورۋ مۇشەسىنىڭ وتكىرلىگىن انىقتاۋ, قان تالداۋى (ەريتروتسيتتىڭ جىلدامدىعىن انىقتاۋ (بۇدان ءارى - ەجا), گەموگلوبيننىڭ, لەيكوتسيتتىڭ, قانت قانىنىڭ كورسەتكىشتەرى, ءزار تالداۋىنىڭ جالپى زەرتتەۋلەرى, ەلەكتروكارديوگرافيا (بۇدان ءارى - ەكگ) (15 جاستان باستاپ - 3 جىلدا 1 رەت, 30 جاستان باستاپ - جىل سايىن), فليۋوروگرافيا (رەنتگەنوگرافيا) وكپە قۋىسىنىڭ ورگاندارى - جىلىنا 2 رەت, ايەلدەرگە – ءسۇت بەزدەرىن پالپاتورلىق زەرتتەۋى, تىك ىشەكتى ساۋساقپەن زەرتتەۋ, دارىگەر-تەراپەۆتتىڭ, فتيزياتردىڭ, پسيحياتردىڭ, ستوماتولوگتىڭ ء(تىس دارىگەرىمەن) تەكسەرۋى, باسقا دا ماماندىقتاردىڭ (كورسەتۋلەر بويىنشا) دارىگەرلەرىنىڭ تەكسەرۋى جۇرگىزىلەدى. پروفيلاكتيكالىق تەكسەرۋ ناتيجەلەرى امبۋلاتورلىق پاتسيەنتتىڭ مەديتسينالىق كارتاسىنا ەنگىزىلەدى. 69. مەديتسينالىق قامتاماسىز ەتۋ: 1) تم, تي-دا ۇستالاتىن ادامداردىڭ مەكەمەگە تۇسكەن كەزدە, جۇقپالى, پارازيتتىك جانە باسقا دا سوزىلمالى اۋرۋلاردى انىقتاۋ ماقساتىندا مەديتسينالىق قاراۋ; 2) جۇقپالى جانە پارازيتتىك اۋرۋلاردىڭ الدىن الۋ ماقساتىندا جۇمىسقا جىبەرۋ كەزىندە العاشقى جانە كەزەڭدى مەديتسينالىق قاراۋ; 3) مەديتسينالىق تەكسەرۋدى وتكىزۋ: دەنساۋلىق جاعدايىنا ديناميكالىق قاداعالاۋدى قامتاماسىز ەتۋ, اۋرۋ بەلگىلەرىن ۋاقتىلى انىقتاۋ ءۇشىن, جۇقپالى جانە پارازيتتىك اۋرۋلاردىڭ الدىن الۋ جانە تاراۋىنا جول بەرمەۋ ماقساتىندا مەكەمەدەن كەتەر كەزدە پروفيلاكتيكالىق, نىسانالى تەكسەرۋ; 4) وسى قاعيدالارعا 5,6, 7-قوسىمشالارعا سايكەس نىسان بويىنشا نوزولوگيالىق اۋرۋلارى بار ادامدارعا ديسپانسەرلىك باقىلاۋ جۇرگىزۋ; 5) مۇگەدەكتەردى جانە ەڭبەككە جارامدىلىعى شەكتەلگەن ادامداردى ەڭبەككە دۇرىس پايدالانۋ بويىنشا دكك ۇسىنىستارىنىڭ ورىندالۋىن, سونداي-اق سوزىلمالى ناۋقاستاردىڭ اراسىندا ەمدەۋ مەكەمەلەرىنىڭ ۇسىنىستارىنا سايكەس ءىس-شارالارىنىڭ جۇرگىزىلۋىنە جۇيەلىك تەكسەرۋ جۇرگىزۋ ارقىلى جۇزەگە اسىرىلادى. 70. سوتتالعانداردىڭ دەنساۋلىعىن ساقتاۋ, تاماقتانۋ, سۋ جۇرگىزۋ وبەكتىلەرىنە مەديتسينالىق بولىمدەرگە, بوسانۋ بولىمدەرىنە, بالالار ۇيىنە, اۋرۋحانالارعا پارازيتارلىق جانە جۇقپالى اۋرۋلاردى جويۋ ماقساتىندا, جۇمىسقا جىبەرىلگەن ادامدار قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشىسىڭ 2015 جىلعى 24 اقپانداعى № 128 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10634 بولىپ تىركەلگەن) بەكىتىلگەن مىندەتتى مەديتسينالىق تەكسەرۋلەردى جۇرگىزۋ ەرەجەسىنە سايكەس مىندەتتى تۇردە مەزگىلدى مەديتسينالىق تەكسەرۋدەن وتەدى. 71. تم, تي اكىمشىلىگى مەكەمەنىڭ باسشىلىعى بەكىتكەن جوسپار-كەستەگە سايكەس جۇمىسشىلاردىڭ مىندەتتى تۇردە كەزەڭدىك مەديتسينالىق تەكسەرۋدەن ۋاقىتىلى ءوتۋىن قامتاماسىز ەتەدى. مەديتسينالىق تەكسەرۋگە جاتاتىن ءاربىر جۇمىسكەردە جەكە مەديتسينالىق كىتاپشا (بۇدان ءارى - مەديتسينالىق كىتاپشا) تولتىرىلادى. جۇمىسكەرلەردىڭ مەديتسينالىق كىتاپشالارى مەديتسينالىق تەكسەرۋدەن وتكەننەن كەيىن تم, تي مەديتسينا بولىمىندە ساقتالادى. جولدامانى العان ۋاقىتتان باستاپ 10 جۇمىس كۇن ىشىندە مەديتسينالىق تەكسەرۋدەن وتپەگەن ادامدار جۇمىسقا جىبەرىلمەيدى. شارۋاشىلىق قىزمەت كورسەتۋ جۇمىسىنا جىبەرىلەتىن ادامدارمەن سىناق قابىلداي وتىرىپ, سانيتاريالىق-تەحنيكالىق مينيمۋم بويىنشا مەديتسينالىق كىتاپشاداعى جازباعا سايكەس ارنايى ساباقتار جۇرگىزىلەدى. اسحاناعا ۋاقىتشا جۇمىس ىستەۋگە بولىنگەن ادامدار (تاۋلىكتىك جاساق), مىندەتتى تۇردە دەنە تەكسەرۋىنەن وتەدى جانە قۇرال-جابدىقتار مەن مۇكاممالدىڭ, اسحانا جانە اس ءۇيىنىڭ ىدىستارىن جۋعا, تاماقتى تاراتۋعا جانە دايىنداۋدان باسقا جۇمىستاردى ورىنداۋعا جىبەرىلەدى. زياندى وندىرىستە جۇمىس ىستەيتىن سوتتالعاندار كەزەڭدىك مەديتسينالىق تەكسەرىستەردەن وتۋگە جاتادى. 72. سيفيليسكە, ءىش سۇزەگىنە سەرولوگيالىق زەرتتەۋ جۇرگىزۋ ءۇشىن قان قول ساۋساعىنان الىنادى, كوك تامىردان قان الۋعا جول بەرىلمەيدى. گونورەياعا تەكسەرگەن كەزدە, دارەتشىعاراتىن كانالدان (ەركەكتەردەن كورسەتكىشكە سايكەس) جانە جاتىر موينىنان, قىناپتىڭ ارت جاعىنان جانە تىك ىشەكتەن الىنعان جانە مەتيلەن كوك نەمەسە بريليانتتى جاسىلمەن جانە قاجەت بولعان جاعدايدا گراممەن بويالعان 2 جاعىندى باكتەريوسكوپيالىق ادىسپەن تەكسەرىلەدى. 5. تاربيە كولونيالارىنداعى ەمدەۋ-پروفيلاكتيكالىق كومەك 73. تم-دە بولعان كەزەڭدە بارلىق كامەلەتكە تولماعاندار ديفتەريا تاسۋشى جانە گەلمينت تاسۋشىعا تەكسەرىلەدى. باكتەريولوگيالىق زەرتتەۋدىڭ ناتيجەلەرى وڭ بولعان جاعدايدا باكتەريا بولۋشىلەرگە قاتىستى ەمدەۋ-پروفيلاكتيكالىق, ەپيدەمياعا قارسى جانە سانيتارلىق-پروفيلاكتيكالىق ءىس-شارالاردىڭ تولىق كەشەنى جۇرگىزىلەدى. گەلمينت انىقتا