قوستاناي. 22 مامىر. قوستانايدا مادەنيەت كۇنى اتالىپ ءوتتى. وندا وبلىستا وسى سالانىڭ مايتالماندارى وبلىس اكىمىنىڭ گراموتاسىمەن ماراپاتتالدى. بۇل تۋرالى egemen.kz ءتىلشىسى حابارلادى.
قوستانايدا مادەنيەت سالاسىندا جۇرگەن قىزمەتكەرلەرگە جىل سايىن ءتول مەرەكەلەرىندە قۇرمەت كورسەتىلەدى. بيىل دا ولار وبلىس ورتالىعىنداعى دوستىق ۇيىندە جينالدى. وسىندا وتكەن دوڭگەلەك ۇستەل ماجىلىسىندە ولاردى وبلىس اكىمىنىڭ ورىنباسارى مۇرات دارىباەۆ قۇتتىقتادى. ول مادەنيەت سالاسىنىڭ قىزمەتكەرلەرىنە وبلىس اكىمىنىڭ گراموتاسىن تاپسىردى.
مۇرات دارىباەۆ: «ءبىزدىڭ ەلباسى ەكونوميكالىق, الەۋمەتتىك جانە ساياسي دامۋىمىزدىڭ ماڭىزدى فاكتورىنا دەمەۋشى بولاتىن اقپاراتتىق-مادەني ورتا قۇرۋدى ءاردايىم ايتىپ كەلەدى. ونى قۇرۋ مادەنيەت قىزمەتكەرلەرى سىزدەردىڭ قولىڭىزدا», دەدى.
مۇنان كەيىن وبلىستىق مادەنيەت باسقارماسىنىڭ باسشىسى لاريسا سەروۋس بايانداما جاساپ, وبلىستاعى اتقارىلعان ىستەردى شولدى. وبلىستا «زولوتوي ميكروفون» ءان بايقاۋى 13 جىلدان بەرى ءوتىپ كەلەدى, سونىڭ ارقاسىندا ءار ەلدەن كەلىپ قاتىسقان 75 تالانت بەلگىلى بولدى. وبلىستىق تاريحي-ولكەتانۋ مۋزەيىندەگى جادىگەرلەردى ءبىر جىلدا 117 مىڭ ادام كەلىپ تاماشالاعان. مۋزەيدىڭ وبلىس وڭىرىندەگى ارحەولوگيالىق ەسكەرتكىشتەردى وقىرمانعا پاش ەتۋى دە ءوز الدىنا ۇلكەن اڭگىمە, يگى جۇمىس.
كىتاپحانا سالاسىندا دا جىل بويى يگى جۇمىستار ۇزىلمەيدى, سوڭعى جىلدارى كىتاپ وقۋ ونكۇندىكتەرى ءجيى وتكىزىلەدى. تەاتر, كينو تەاترلار حالىققا ءمىنسىز قىزمەت ەتەدى. «وسىلاردىڭ بارلىعىن مادەنيەت سالاسىندا قىزمەتكەرلەر ارمياسى اتقارادى» دەي كەلىپ, لاريسا الەكساندروۆنا سالا قىزمەتكەرلەرىنە وبلىستىق مادەنيەت باسقارماسىنىڭ گراموتاسىن تاپسىردى. سونىمەن قاتار مادەنيەت ابسقارماسىنىڭ باسشىسى مادەنەيت سالاسىندا وزىدەرىمەن تىعىز بايلانىستا جۇمىس ىستەيتىن جازۋشىلار, سۋرەتشىلەر وداقتارى جەرگىلىكتى فيليالدارىنىڭ باسشىلارىنا, جۋرناليستەرگە دە العىس حات تابىس ەتتى.
ءنازيرا جارىمبەتوۆا.
دەرەك, سۋرەت: egemen.kz
