قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى №868

2015 جىلعى 24 تامىز,  استانا قالاسى قازاقستان رەسپۋبليكاسىنىڭ اۋماعىنان قارا مەتالداردىڭ قالدىقتارىمەن سىنىقتارىن اكەتۋگە تىيىم سالۋدى ەنگىزۋ تۋرالى «ساۋدا قىزمەتىن رەتتەۋ تۋرالى» 2004 جىلعى 12 ساۋردەگى قازاقستان رەسپۋبليكاسى زاڭىنىڭ 18-بابىنا جانە ەۋرازيالىق ەكونوميكالىق وداق تۋرالى شارتقا 7-قوسىمشانىڭ 10-بولىمىنە سايكەس بۇيىرامىن: 1. قازاقستان رەسپۋبليكاسىنىڭ اۋماعىنان لەگيرلەنگەن بولاتتىڭ قالدىقتارى مەن سىنىقتارىن, ونىڭ ىشىندە توتىعۋعا ءتوزىمدى بولاتتى (ەەو سەق تن كودتارى 7204 21 100 0, 7204 21 900 0) جانە وزگەلەرىن (ەەو سەق تن كودى 7204 29 000 0) قوسپاعاندا, قارا مەتالداردىڭ قالدىقتارى مەن سىنىقتارىن (ەەو سەق تن كودى 7204) اكەتۋگە ءتورت اي مەرزىمىنە تىيىم سالۋ ەنگىزىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى (ا. ق. ەرجانوۆ): 1) قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتىنە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وسى بۇيرىقتىڭ 1-تارماعىنىڭ ورىندالۋى بويىنشا باقىلاۋدى قامتاماسىز ەتۋ تۋرالى; 2) «قازاقستان تەمىر جولى» ۇلتتىق كومپانياسى» اكتسيونەرلىك قوعامىنا (كەلىسىم بويىنشا) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وسى بۇيرىقتىڭ 1-تارماعىن ىسكە اسىرۋ جونىندە شارالار قابىلداۋ تۋرالى حابارلاسىن; 3) قازاقستان رەسپۋبليكاسى ۇلتتىق ەكونوميكا مينيسترلىگى بەلگىلەنگەن تارتىپتە: ەۋرازيالىق ەكونوميكالىق كوميسسياسىن وسى بۇيرىقتىڭ 1-تارماعىندا كورسەتىلگەن تىيىم سالۋ تۋرالى حاباردار ەتسىن; ەۋرازيالىق ەكونوميكالىق كوميسسيانىڭ قاراۋىنا ەۋرازيالىق ەكونوميكالىق وداعىنا مۇشە باسقا مەملەكەتتەردىڭ وسى بۇيرىقتىڭ 1-تارماعىندا كورسەتىلگەن شارالاردى قولدانۋى تۋرالى ۇسىنىستى ەنگىزسىن. 3. قازاقستان رەسپۋبليكاسى ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتى (ا. ق. ەرجانوۆ): 1) قازاقستان رەسپۋبليكاسى ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن قامتاماسىز ەتسىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتiك تiركەلگەننەن كەيiن كۇنتiزبەلiك ون كۇن iشiندە ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 3-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالارىنىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن. 5. وسى بۇيرىق العاشقى رەسمي جاريالاعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشى س.سارسەنوۆ. «كەلىسىلدى» قازاقستان رەسپۋبليكاسىنىڭ قارجى ءمينيسترى _________________ ب. سۇلتانوۆ 2015 جىلعى 25 تامىز «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا ءمينيسترى _________________ە. دوساەۆ 2015 جىلعى 25 تامىز بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 28 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11966 بولىپ ەنگىزىلدى.