ۆاشينگتوندا استانا كۇنى اتاپ ءوتىلدى

جاقىندا قازاقستاننىڭ ۆاشينگتونداعى ەلشىلىگىندە استانا كۇنى قۇرمەتىنە قابىلداۋ ءوتىپ, وعان ەلىمىزدىڭ 100-دەن استام دوستارى – امەريكانىڭ قوعامدىق, ىسكەر, ساراپتاما توپتارىنىڭ جانە جەرگىلىكتى باق وكىلدەرى قاتىستى. ءىس-شارا بارىسىندا «Amazon.com» ونلاين دۇكەندەر جەلىسىندە بەستسەللەر اتانىپ, بيىل «Moritz Thomsen Peace Corps Experience» جۇلدەسىنە يە بولعان «قازاق دالاسىنىڭ ۇيلەرى: الەم كورپۋسى قىزمەتكەرىنىڭ ەستەلىكتەرى» (At Home on the Kazakh Steppe: A Peace Corps Memoir) كىتابىنىڭ تۇساۋكەسەرى ءوتتى. ۆەرمونت شتاتىنىڭ تۇرعىنى كىتاپ اۆتورى دجانەت گيۆەنس 2000-جىلداردىڭ باسىندا قازاق­ستانعا اعىلشىن ءتىلىنىڭ وقى­تۋشى مامانى رەتىندە كەلگەن كەز­دەرى جايلى جىلى لەبىز­دى ەستەلىكتەرىمەن ءبولىسۋ ءۇشىن اقش استاناسىنا ارنايى كەل­دى. ول قازاقستان حالقىنىڭ باۋىرمالدىق, قوناقجايلىلىق قاسيەتتەرىن اتاپ ءوتىپ, ءوز شىعار­ماسىنان «دارحان كوڭىلدى قازاق حالقىنىڭ قوناقجايلىلىعى مەن جىلى قۇشاعىن سەزىنۋ ءۇشىن» وقىرماندارىن قازاقستاندى بارىپ كورۋگە شاقىراتىن ۇزىندىلەرىن وقىدى. كەلگەن قوناقتار قازاق ەلىنىڭ بولمىسىن عانا ەمەس, سونداي-اق, ونىڭ قارقىندى دامۋى مەن جاس استانانىڭ ءوسىپ-وركەندەۋى تۋرالى مول ماعلۇماتتار الدى. ولار ەلىمىزدىڭ ماقساتقا جەتۋ جولىن­داعى تاباندىلىعىن, اقىل-وي كورە­گەندىگىن, بولاشاققا دەگەن نىق سەنى­مىن, ساياسي تۇراقتىلىق جانە جە­دەل ەكونوميكالىق ءوسىمىن مەم­لەكەت باسشىسىنىڭ داناگوي, كورە­گەن ساياساتىمەن بايلانىستى­رىپ, جوعارى باعالادى. ەلدىڭ «100 ناق­تى قادام», «نۇرلى جول», «ەكسپو-2017», «قازاقستان-2050» سەكىل­دى باستامالارى ونىڭ «ءۆيزيتتى كار­توچ­كا­سىنا» اينالدى. اس­تانا تۋرالى دەرەكتى فيلم جينال­عانداردىڭ قازاقستاننىڭ جارقىن بولاشاعىنا سەنىمىن راستادى. امەريكالىق قوناقتار بۇكىل قازاقستاندىقتاردى جانە ەلباسىن تاۋەلسىز قازاقستاننىڭ بەينەسىنە اينالعان استانانىڭ تاڭعالارلىق تابىستارىمەن قۇتتىقتاپ, ءوسىپ-وركەندەۋىنە تىلەكتەرىن ءبىلدىردى. «ەگەمەن-اقپارات».