استانا. 22 مامىر. قازاق كۇرەسىنەن «قازاقستان بارىسى-2015» ءتۋرنيرىنىڭ فينالدىق كەزەڭىنە قاتىساتىن 32 پالۋاننىڭ ەسىمى بەلگىلى بولدى. ولاردىڭ ىشىندەگى 13 پالۋان اتالعان دودادا العاش رەت باق سىناماق. بۇل تۋرالى «قازاقستان بارىسى» قازاق كۇرەسىن دامىتۋ قورىنىڭ ءباسپاسوز قىزمەتى حابارلادى.
وسىعان وراي بۇگىن الماتى قالاسىندا ءباسپاسوز ءماسليحاتى ءوتتى. وعان «نۇر وتان» پارتياسى توراعاسى ءبىرىنشى ورىنباسارىنىڭ كەڭەسشىسى ارمان قىرىقپاەۆ, «استانا-ەكسپو-2017» ۇلتتىق كومپانياسى» اكتسيونەرلىك قوعامى باسقارما توراعاسىنىڭ كەڭەسشىسى تاستانبەك ەسەنتاەۆ, قازاق كۇرەسى فەدەراتسياسىنىڭ پرەزيدەنتى, «قازاقستان بارىسى» قازاق كۇرەسىن دامىتۋ قورى قامقورلىق كەڭەسىنىڭ توراعاسى ارمان شوراەۆ قاتىستى.
جيىن بارىسىندا بيىل 5-ءشى رەت وتەتىن تۋرنيردىڭ جۇلدە قورى 225 000 اقش دوللارىن قۇرايتىنى بەلگىلى بولدى. ونىڭ ىشىندە 35 مىڭ دوللار جاتتىقتىرۋشىلارعا تاعايىندالعان.
1-ورىن – 150 مىڭ اقش دوللارى;
2-ورىن – 30 مىڭ اقش دوللارى;
3-ورىن – 10 مىڭ اقش دوللارى.
32 پالۋاننان بولەك, 2014 جىلعى «قازاقستان بارىسى» ءتۋرنيرىنىڭ جەڭىمپازى مۇحيت تۇرسىنوۆ بيىلعى سايىسقا ىرىكتەۋسىز قاتىساتىنى بەلگىلى. دودانىڭ فينالدىق كەزەڭى 5 شىلدەدە استاناداعى «سارىارقا» رەسپۋبليكالىق ۆەلوترەگىندە وتەدى.
«قازاقستان بارىسى 2015» ءتۋرنيرىنىڭ شەشۋشى باسەكەسىنە قاتىساتىن پالۋاندار:
اقمولا وبلىسى: نۇرلان جامالوۆ, اسەت ءجۇنىسوۆ;
اقتوبە وبلىسى: باقتىباي قيسىقوۆ, شىڭعىس شوقپۇتوۆ;
الماتى وبلىسى: الەكساندر كاساچەۆ, قازىبەك رامازانوۆ;
اتىراۋ وبلىسى: تابيعات ماعاۋيا ۇلى, ناۋرىزبەك وتەۋوۆ;
باتىس قازاقستان وبلىسى: ەرلان مۇساعاليەۆ, ولجاس سۇلەيمەنوۆ;
جامبىل وبلىسى: ايبول ايتبەك, بەيبىت ىستىباەۆ;
قاراعاندى وبلىسى: ەرجان شىنكەەۆ, اسىل بارمەنوۆ;
قىزىلوردا وبلىسى: نۇرىم سالىمگەرەەۆ, رۋسلان ابدىرازاقوۆ;
قوستاناي وبلىسى: ەرلان وماروۆ, ماكسيم گەربەر;
ماڭعىستاۋ وبلىسى: نۇرداۋلەت جارىلعاپوۆ, مەيرامبەك جاڭاباي;
وڭتۇستىك قازاقستان وبلىسى: جۇمانازار ەرسۇلتانوۆ, نۇرسۇلتان مىڭعىشوۆ;
پاۆلودار وبلىسى: ارمان ماحامبەتوۆ, الان تۇرىسوۆ;
سولتۇستىك قازاقستان وبلىسى: رۇستەم جۇماەۆ, تولەگەن جەتپىسباەۆ;
شىعىس قازاقستان وبلىسى: ايبەك نۇعىماروۆ, تالعات امىرەنوۆ;
الماتى قالاسى: ماقسات قيقىموۆ, باقىت سماعۇلوۆ;
استانا قالاسى: عاني سەيدىلداەۆ, ايبات سەيتەن.
2014 جىلعى «قازاقستان بارىسى» – مۇحيت تۇرسىنوۆ.
ەلامان قوڭىر.
دەرەك: «قازاقستان بارىسى» قازاق كۇرەسىن دامىتۋ قورىنىڭ ءباسپاسوز قىزمەتى.
سۋرەت: sports.kz.
