سولتۇستىك قازاقستاندا يندۋستريالاندىرۋ كارتاسىنا 39 كومپانيا ەندى

پەتروپاۆل. 22 مامىر. سولتۇستىك قازاقستان وبلىسىنىڭ اكىمى ەرىك سۇلتانوۆ ايماقتىق يندۋستريالاندىرۋ كارتاسىنا كىرگەن كاسىپورىنداردىڭ وكىلدەرىمەن كەزدەستى. بۇل تۋرالى اكىمدىكتىڭ ءباسپاسوز قىزمەتى حابارلادى. بۇگىندە وعان 39 سولتۇستىكقازاقستاندىق كومپانيا ەنگىزىلىپ, 20 جوبانى بيىل پايدالانۋعا بەرۋ ۇيعارىلعان. «رادۋگا» جشس پلاستماسسا, مەتالل جانە قۇبىر بۇيىمدارى ءوندىرىسىن العاشقىلاردىڭ قاتارىندا ىسكە قوستى. مۇندا وزىق تەحنولوگيالاردى قولدانۋدىڭ ارقاسىندا جىلدىق قۋاتتىلىقتى 1 000 تونناعا دەيىن جەتكىزۋ كوزدەلگەن. «جنۆ» جشس يندۋستريالاندىرۋ كارتاسىنا ساپالى ەت ونىمدەرى مەن جارتىلاي فابريكاتتار ءوندىرىسىنىڭ كولەمىن ءوسىرۋ جوباسىمەن كىردى. جىلىنا 180 توننا ەت ونىمدەرىن شىعارۋ ماقساتىمەن بەلارۋستەن اسىل تۇقىمدى مالدار ساتىپ الىندى. قىزىلجار اۋدانىنداعى «زەنچەنكو ي ك» كومانديتتىك سەرىكتەستىگىندە ەكى جەل-ەنەرگەتيكالىق قۇرىلعى بوي كوتەردى. ناتيجەسىندە ەلەكتر ەنەرگياسىنا قاجەتتىلىك تولىق قاناعاتتاندىرىلدى. جۋىردا وبلىستىق يندۋستريالاندىرۋ كارتاسىنا كىرەتىن تاعى ءۇش جوبا قولعا الىندى. ماسەلەن, اققايىڭ اۋدانىنداعى «روستان» جشس-دە ءوندىرىس ورىندارىن جاڭعىرتۋ ارقىلى قوسىمشا 140 توننا ءسۇت ءوندىرۋ جوبالانعان. پەتروپاۆلدا «پوليمەر كومپوزيتتەرى زاۋىتى» جشس كومپوزيت ماتەريالدارى تسەحتارىن كەڭەيتىپ, شەتەل نارىعىنا شىعۋدى مەجەلەپ وتىر. ءومىر ەسقالي. دەرەك: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى. سۋرەت: egemen.kz