پاۆلودار. 22 مامىر. قالا سىرتىندا 2,4 مىڭ ورىندىق يپپودروم اشىلدى. بۇل تۋرالى egemen.kz ءتىلشىسى حابارلادى.
اتشاباردا VIP-لوجا مەن تورەشىلەر ورىندارى ورنالاسقان. يپپودرومدا ارنايى اتقورالار, جابىق مانەجدەر سالۋ جوسپارلانۋدا.
اباتتاندىرۋ جانە كوگالداندىرۋ جۇمىستار جۇرگىزىلۋدە. يپپودروم اشىلعان كۇنى الامان بايگە بولدى. وعان ەلىمىزدەن جانە رەسەيلىك 60 شاباندوز قاتىستى. جۇلدەگە 4 كولىك تىگىلدى.
كەلەسى ات جارىسى 30 مامىر كۇنى وتەدى. قالالىق دەنە شىنىقتىرۋ جانە سپورت ءبولىمىنىڭ حابارلاۋىنشا, ەندى جازدا بايگە تۇرلەرى بويىنشا جارىستار ايىنا ءبىر رەت وتكىزىلىپ تۇرادى.
فاريدا بىقاي.
دەرەك, سۋرەت: egemen.kz
