جاڭاوزەندە جىنىستىق قۇلدىقتاعى شەتەلدىك ايەلدەر بوساتىلدى

اقتاۋ. 22 مامىر. ماڭعىستاۋ وبلىسى جاڭاوزەن قالاسىندا جىنىستىق قۇلدىقتاعى شەتەلدىك ايەلدەر بوساتىلدى. بۇل تۋرالى lada.kz سايتىنا سىلتەمە جاساپ, egemen.kz ءتىلشىسى حابارلادى. ماڭعىستاۋ وبلىستىق ىشكى ىستەر دەپارتامەنتى ۇيىمداسقان قىلمىسقا قارسى كۇرەس باسقارماسى قىزمەتكەرلەرى جاڭاوزەن قالاسىندا جىنىستىق قۇلدىقتا بولعان قاراقالپاقستان رەسپۋبليكاسىنىڭ ءۇش ايەلىن بوساتتى. بۇل اتالعان دەپارتامەنتتىڭ 18-22 مامىر ارالىعىندا جۇرگىزگەن «نەلەگال-2015» شۇعىل-الدىن الۋ شاراسى كەزىندە جۇزەگە اسىرىلدى. ماڭعىستاۋعا قاراقالپاقستاننان جۇمىس ىزدەپ كەلگەن 3 جاس قىز جاڭاوزەن قالاسىنداعى «اراي-2» شاعىن اۋدانىندا ورنالاسقان ساۋناعا جۇمىسقا تۇرادى. ساۋنادا ءوز جەرلەستەرى, ياعني, 38 جاستاعى قاراقالپاقستاندىق ايەل ولاردىڭ بارلىق قۇجاتتارى مەن ۇيالى تەلەفوندارىن الىپ, «ەگەر شاعىم ايتسا, ميگراتسيالىق پوليتسياعا تاپسىراتىندىعىن» ايتىپ قورقىتىپ, 2 اي بويى ەرىكسىز جىنىستىق قىزمەت كورسەتۋگە جۇمسايدى. ءبىر قىز ساۋنادان قاشىپ شىعىپ, ىشكى ىستەر دەپارتامەنتى ۇيىمداسقان قىلمىسقا قارسى كۇرەس باسقارماسىنا شاعىمدانادى. ناتيجەسىندە پوليتسەيلەر اتالعان ساۋناعا كەلىپ, قۇلدىقتاعى ايەلدەردى قۇتقارادى. ماڭعىستاۋ وبلىستىق ىشكى ىستەر دەپارتامەنتى ءباسپاسوز قىزمەتىنىڭ حابارلاۋىنشا, قازىرگى تاڭدا وقيعاعا وراي قىلمىستىق كودەكستىڭ 308 جانە 309-باپتارى بويىنشا قىلمىستىق ءىس قوزعالىپ, تەرگەۋ امالدارى جۇرگىزىلۋدە. گۇلايىم شىنتەمىرقىزى. دەرەك, سۋرەت: lada.kz.