وزبەكستاننىڭ ورتالىق بانكى ۆاليۋتا الماستىرۋدى توقتاتتى

الماتى. 22 مامىر. وزبەكستاننىڭ ورتالىق بانكى شەتەلدىك ۆاليۋتالاردىڭ بارلىعىنا الماستىرۋ وپەراتسيالارىن توقتاتتى. جەكە جانە زاڭدى تۇلعالارعا قاتىستى مۇنداي تىيىم سالۋ شىلدە ايىنىڭ باسىنا دەيىن ساقتالۋى مۇمكىن. بۇل تۋرالى ca-news حابارلادى. باسىلىم – بۇعان دەيىن ورتالىق بانك ەلدىڭ پرەمەر-مينيسترىنە اقشا قورىنىڭ تاپشىلىعى تۋرالى ەسكەرتكەن دەيدى. وتكەن اپتادا ەل استاناسىنداعى «قارا بازارلاردا» ءبىر اقش دوللارىنىڭ قۇنى 5 مىڭ وزبەك سومىنا دەيىن كوتەرىلىپ, رەكوردتىق دەڭگەيگە جەتتى. ناۋرىز ايىندا ول كورسەتكىش 3700 سۋم بولعان. سوعان قارامستان ورتالىق بانكتىڭ 21 مامىرعا دەيىنگى بەكىتىلگەن رەسمي باعامى 2527 سۋمدى قۇراپ تۇر. 2013 جىلدىڭ 1 اقپانىنان باستاپ وزبەكستاندا جەكە تۇلعالارعا شەتەلدىك ۆاليۋتالار ساتىلمايدى. جەكە تۇلعالار قاجەتتى جاعدايدا ورتالىق بانككە بارىپ, ونداي اقشانى پلاستيكالىق كارتوچكاعا اۋدارىپ الۋعا عانا مۇمكىندىگى بار. سونداي-اق, ەل ىشىندە شەتەلدىڭ ۆاليۋتالارمەن ساۋدا جاساۋعا دا تىيىم سالىنعان. تالعات ءسۇيىنباي. دەرەك: ca-news. سۋرەت: gazeta.uz.