بەيبىت ىستىباەۆ – «قازاقستان بارىسى-2015» ءتۋرنيرىنىڭ جەڭىمپازى!

استانا. 4 شىلدە. بەيبىت ىستىباەۆ – «قازاقستان بارىسى-2015» ءتۋرنيرىنىڭ جەڭىمپازى! ول فينالدا قىزىلوردا وبلىسىنىڭ پالۋانى رۋسلان ابدىرازاقوۆتى جەڭدى. بۇل تۋرالى egemen.kz حابارلادى. فينالدىق بەلدەسۋدە قارسىلاستار ءبىر-ءبىرىنىڭ وسال تۇسىن ىزدەپ, نەگىزىنەن قورعانىسقا كوپ جۇمىس ىستەدى. سىلبىر كۇرەسكەنى ءۇشىن تورەشىلەر رۋسلانعا ەسكەتۋ بەرىپ, بەيبىت بۇك ۇپايىمەن العا شىققان. الايدا, رۋسلان تارازى باسىن تەڭەستىرۋدىڭ امالىن تاپتى. سوڭعى ساتكە دەيىن جامباس ۇپايىن ەنشىلەپ ۇلگەرگەن بەيبىت بيىلعى دودانىڭ جەڭىمپازى اتاندى. ال جارىستىڭ قولا جۇلدەسى استانالىق عاني سەيدىلداەۆقا بۇيىردى. ول قولا بەلبەۋ ءۇشىن بولعان بەلدەسۋدە وڭتۇستىك قازاقستان وبلىسىنىڭ پالۋانى جۇمانازار ەرسۇلتانوۆتان ايلاسىن اسىردى. بيىل 5-ءشى رەت وتكەن ءتۋرنيردىڭ جۇلدە قورى 225 000 اقش دوللارىن قۇرادى. ونىڭ 35 مىڭ دوللارى جاتتىقتىرۋشىلارعا تاعايىندالعان. 1-ورىن – 150 مىڭ اقش دوللارى; 2-ورىن – 30 مىڭ اقش دوللارى; 3-ورىن – 10 مىڭ اقش دوللارى. بۇل جۇلدەدەن بولەك جەڭىمپاز بەن جۇلدەگەرلەرگە التىن, كۇمىس جانە قولا بەلبەۋ تابىس ەتىلەدى. سونداي-اق, «قازاقستان بارىسى» اتانعان پالۋان «التىن تايتۇياقپەن» ماراپاتتالادى. بەيبىت ىستىباەۆ 2012 جىلى بۇل تۋرنيردە توپ جارعانى بەلگىلى. ياعني, ول وسىمەن «قازاقستان بارىسى» ءتۋرنيرىن ەكىنشى مارتە جەڭىپ وتىر. جارىس بارىسىمەن تولىق مىنا جەردەن تانىسا الاسىزدار. ەلامان قوڭىر. دەرەك, سۋرەت: egemen.kz.