پرەزيدەنت VIII استانا ەكونوميكالىق فورۋمىنىڭ جۇمىسىنا قاتىستى

استانا. 22 مامىر. مەملەكەت باسشىسى VIII استانا ەكونوميكالىق فورۋمىنىڭ جۇمىسىنا قاتىستى. «ينفراقۇرىلىم: ەكونوميكانىڭ ورنىقتى ءوسىمىنىڭ درايۆەرى» تاقىرىبىنا ارنالعان فورۋمعا الەمنىڭ 90 ەلىنەن 3000-عا جۋىق ساياسي, ساراپشىلىق جانە ىسكەرلىك توپ وكىلدەرى كەلدى. بۇل تۋرالى akorda.kz حابارلادى. قازاقستان پرەزيدەنتى فورۋمدا سويلەگەن سوزىندە بۇگىنگى جاھاندىق كەڭىستىكتە بولاشاقتاعى وركەندەۋگە قاۋىپ توندىرەتىن سىن-قاتەرلەر تۋىنداپ كەلە جاتقانىنا نازار اۋداردى. «ءبىز الەمدە بۇرىنعى تەجەۋ جانە اراسالماق ساقتاۋ جۇيەسىنىڭ كۇيرەۋىنە, ۇلى دەرجاۆالار كوشباسشىلارى اراسىنداعى سەنىمنىڭ جوعالۋى مەن حالىقارالىق قۇقىقتىڭ قوجىراۋىنا كۋا بولىپ وتىرمىز. حالىقارالىق ينستيتۋتتار بەيبىتشىلىك پەن تۇراقتىلىققا كەپىلدىك بەرە المايدى. سونىمەن قاتار, كليماتتىڭ وزگەرىسى جىلدام ءجۇرىپ جاتىر. بۇل سالدارى اۋىر تابيعات اپاتتارىنان كورىنىس تابۋدا. ازىق-ت ۇلىك تاپشىلىعى دا جالعاسىپ وتىر. حالىق سانىنىڭ, تابىس پەن ۋربانيزاتسيانىڭ ءوسۋى سەكىلدى ۇشجاقتى ۇدەرىستىڭ قىسىمىمەن تاياۋ 30 جىلدا ازىق-ت ۇلىك ءوندىرىسىن ەكى ەسەلەۋدى قاجەت ەتەدى. مۇنى جەردىڭ رەسۋرسى تاۋسىلىپ جاتقان كەزدە ىستەۋگە تۋرا كەلەدى», – دەدى نۇرسۇلتان نازارباەۆ. مەملەكەت باسشىسى كولىك سالاسىنداعى بىرلەسكەن باستامالار ىنتىماقتاستىق ءۇشىن جاقسى ىرگەتاس بولاتىنىن ايتتى. «ول ەلدەردىڭ, سونداي-اق, وڭىرلىك بىرلەستىكتەردىڭ ءوزارا تىعىز ءىس-قيمىلى مەن ىقپالداستىق فورمالارىنا باستاۋ بولۋى ءتيىس. مەن بىرىككەن ەۋرازيالىق ەكونوميكالىق كەڭىستىك قۇرۋدى ۇسىنامىن. بىزگە بارلىق قاتىسۋشىلاردىڭ ۇلتتىق مۇددەلەرىن ەسكەرەتىن جانە كەدەرگىلەردى جويۋعا, ءوزارا ءتيىمدى ىقپالداستىقتى ارتتىرۋعا باعىتتالاتىن بىرىڭعاي قاعيدالار قابىلداۋ ماڭىزدى. قاعيدالار ءبىرىنشى كەزەكتە ساۋدا, تاسىمال جانە رەسۋرس قوزعالىسىنا قاتىستى بولۋى ءتيىس. جىبەك جولىنىڭ ەكونوميكالىق بەلدەۋىن قۇرۋ تۇپكى مانىندە وسى قاعيداتتاردى قالىپتاستىرادى», – دەدى قازاقستان پرەزيدەنتى. نۇرسۇلتان نازارباەۆ ۇسىنىلىپ وتىرعان بىرىككەن ەۋرازيالىق كەڭىستىك اياسىندا قۇرلىقتىڭ ءارى قاراي دامۋ باعىتتارى مەن ىقپالداستىق دەڭگەيىن ارتتىرۋ جونىندەگى ۇسىنىمدار ازىرلەنەتىن, تۇراقتى جۇمىس ىستەيتىن الاڭ قۇرۋ قاجەتتىگىن اتاپ ءوتتى. مەملەكەت باسشىسى استانا ەكونوميكالىق فورۋمىنىڭ وسىنداي الاڭ بولا الاتىنىن ايتتى. فورۋمنىڭ جالپى وتىرىسىنىڭ مودەراتورى ۆۆس باس بيزنەس-ءتىلشىسى ل.يۋە بولدى. سونداي-اق, ءىس-شارا بارىسىندا بۇۇ دامۋ باعدارلاماسىنىڭ اكىمشىسى ح.كلارك, ليۋكسەمبۋرگ پرەمەر-ءمينيسترى ك.بەتتەل, JP Morgan Chase International كومپانياسىنىڭ توراعاسى د.فرەنكەل, ەكونوميست ك.روگوفف, Roubini Global Economics پرەزيدەنتى ن.رۋبيني ءسوز سويلەدى. سونىمەن قاتار, فورۋم قاتىسۋشىلارىنا ەكونوميكالىق ىنتىماقتاستىق جانە دامۋ ۇيىمىنىڭ باس حاتشىسى ءسوز ارنادى. ەلامان قوڭىر. دەرەك, سۋرەت: akorda.kz.