اتىراۋ وبلىسىندا دەپارتامەنت ديرەكتورى تاعايىندالدى

اتىراۋ. 22 مامىر. ينۆەستيتسيالار جانە دامۋ مينيسترلىگى تەحنيكالىق رەتتەۋ جانە مەترولوگيا كوميتەتى توراعاسىنىڭ بۇيرىعىمەن اتىراۋ وبلىسى بويىنشا دەپارتامەنتىنىڭ باسشىسى لاۋازىمىنا دياس جانىبەكوۆ تاعايىندالدى. بۇل تۋرالى egemen.kz ءتىلشىسى حابارلادى. جاڭا باسشى 1986 جىلى باتىس قازاقستان وبلىسىندا تۋعان. استاناداعى گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇلەگى, ەكونوميست جانە قۇقىقتانۋ ماماندىقتارىن مەڭگەرگەن. «بولاشاق» حالىقارالىق باعدارلاماسى اياسىندا يتاليا استاناسى – ريمدەگى «لا ساپيەنتسا» ۋنيۆەرسيتەتىندە ءبىلىمىن جەتىلدىرىپ, الەۋمەتتىك عىلىمدار جانە گۋمانيتارلىق قاتىناستار ماگيسترى اتانعان. ەڭبەك جولىندا يندۋستريا جانە جاڭا تەحنولوگيالار مينيسترلىگىندە دەپارتامەنت ديرەكتورىنىڭ ورىنباسارى, باتىس قازاقستان وبلىستىق كاسىپكەرلىك جانە ونەركاسىپ باسقارماسىنىڭ باسشىسى, يندۋستريا جانە ساۋدا مينيسترلىگىندە باس ساراپشى سەكىلدى لاۋازىمدى قىزمەتتەر اتقارعان. سوڭعى ءۇش جىلدان بەرى اتىراۋ وبلىسى اكىمى اپپاراتىندا ينۆەستيتسيا جانە جاڭا تەحنولوگيالار ءبولىمىنىڭ باسشىسى بولدى. جولداسبەك شوپەعۇل. دەرەك, سۋرەت:egemen.kz.