ديپلوماتتارمەن ديدارلاستى

كەشە ۇكىمەت ۇيىندە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ ەۋروپالىق وداققا قاتىسۋشى ەلدەردىڭ ديپلوماتيالىق وكىلدىكتەرىنىڭ باسشىلارىمەن كەزدەسۋ وتكىزدى, دەپ حابارلادى ۇكىمەت باسشىسىنىڭ ءباسپاسوز قىزمەتى. كەزدەسۋ بارىسىندا ەۋرا­زيا­لىق ەكونوميكالىق وداق (ەاەو) قالىپتاسۋىنداعى ءال­دە­­قايدا ماڭىزدى وقيعالار ماسە­­لەلەرى جانە قازاقستان رەس­پۋب­­ليكاسىنىڭ جاڭا شارت­تار­داعى دامۋ پەرسپەكتيۆالارى تالقىلاندى. وداق جۇمىس ىستەپ كەلە جات­قان ساتتەن باستاپ باستى وقيعالاردىڭ ءبىرى ارمە­نيا رەس­پۋبليكاسىنىڭ ەاەو-عا مۇشەلىگى, قىرعىز رەسپۋب­لي­كا­سى­نىڭ ەاەو تۋرالى شارتقا قو­سىلۋ ۇدەرىسى, ۆەتناممەن ەر­كىن ساۋدا ايماعىن قۇرۋ بولدى. باقىتجان ساعىنتاەۆ قىرعىز رەسپۋبليكاسىنىڭ ەاەو-عا قوسىلۋى ءوزارا ساۋدا قاتىناستارىن دامىتۋ جانە ورتالىق ازيا وڭىرىندەگى كووپەراتسيانى دامىتۋ ءۇشىن ماڭىزدى قادام بولىپ تابىلاتىنىن باسا ايتتى. وعان قوسا, ەاەو ەلدەرى مەن ۆەتنام اراسىندا ەركىن ساۋدا ايماعىن قۇرۋ تۋرالى كەلىسىمگە قول قويۋ وتاندىق وندىرۋشىلەرگە جاڭا پەرسپەكتيۆالار اشادى, ولار ۆەتنام نارىعىندا ءوز ورىندارىنا يە بولا الادى. جالپى, پرەمەر-ءمينيستردىڭ ءبىرىنشى ورىنباسارى ەاەو اياسىنداعى كەلىسىمدەر تۇعىرناماسىنداعى قازاقستاننىڭ ەنەرگەتيكا, كولىك, فارماتسەۆتيكا سالالارىنىڭ دامۋ, ەۋروپا مەن ازيا اراسىنداعى «بايلانىستىرۋشى كوپىر» رەتىندەگى رەسپۋبليكانىڭ مۇمكىندىكتەرىن جۇزەگە اسىرۋ پەرسپەكتيۆالارىن اتاپ ءوتتى. ەۋروپالىق وداق ەلدەرىنىڭ ديپ­لوماتيالىق ميسسيا وكىلدەرى قازىرگى ۋاقىتتا قازاقستاندا «100 ناقتى قادام» ۇلت جوسپارى اياسىندا وتكىزىلىپ جاتقان رەفورمالار, استاناداعى ەكسپO-2017 كورمەسىنىڭ ينفراقۇرىلىمى بازاسىندا حالىقارالىق قارجى ورتالىعىن قۇرۋ پەرسپەكتيۆالارى تۋرالى اقپاراتتاندىرىلدى.