ءوڭىر نازاردان تىس قالمايدى

كەشە پرەمەر-ءمينيستردىڭ ورىنباسارى بەردىبەك ساپار­باەۆ جۇمىس ساپارىمەن ماڭعىستاۋ وبلىسىنا باردى. ساپار بارىسىندا ۆيتسە-پرەمەر ونەركاسىپ كاسىپورىندارى, الەۋمەت­تىك نى­ساندار جۇمىسىمەن تانىسىپ, ەڭبەك ۇجىمىمەن كەزدەستى جانە ءوڭىر­دى الەۋمەتتىك دامىتۋ ماسەلەلەرى بويىنشا بىرقاتار كەڭەستەر وتكىزدى جاڭاوزەن قالاسىندا ب.ساپارباەۆ «وزەنمۇنايگاز» اق جەر استى جابدىقتارىن جوندەۋ بويىنشا كاسىپورنىندا بولىپ, وندا وندىرىستىك ۇدەرىسپەن تانىستى, سونداي-اق, مۇناي-گاز سەكتورى كاسىپورىندارىنىڭ جۇمىسشىلارىمەن كەزدەستى. كەزدەسۋ بارىسىندا الەۋمەتتىك سالانىڭ وزەكتى ماسەلەلەرى بويىنشا مۇددەلى سۇحباتتاسۋ ءوتتى, ول اياقتالعان سوڭ ۆيتسە-پرەمەر پروبلەمالىق ساۋالدارعا جاۋاپ بەردى. پرەمەر-ءمينيستردىڭ ورىنباسارى, سونداي-اق, تۇرعىن ءۇي-كوممۋنالدىق شارۋاشىلىعى, الەۋمەتتىك سالا كاسىپورىندارىنىڭ قىزمەتىمەن تانىسىپ, سۋ تازالاۋ ستانساسىن, «ايگولەك» بالاباقشاسىن جانە پەرزەنتحانانى ارالادى, وندا جاڭاوزەن قالاسىنىڭ الەۋمەتتىك-ەكونوميكالىق دامۋىنىڭ كەشەندى جوسپارىن جانە مونوقالالاردى دامىتۋ باعدارلاماسىن جۇزەگە اسىرۋ بارىسى تۋرالى تانىستىرۋ ءوتتى. بيىلعى جىلدىڭ 5 ايىندا جاڭاوزەن قالاسىندا شامامەن 50 مىڭ شارشى مەتر تۇرعىن ءۇي سالىنىپ, 2 مىڭنان استام جاڭا جۇمىس ورنى اشىلعان, جۇمىسسىزدىق دەڭگەيى بار بولعانى 1,8%-دى قۇرايدى. ورتاشا ايلىق جالاقى وتكەن جىلمەن سالىستىرعاندا 14%-عا ارتىپ, 353 653 تەڭگەنى قۇرادى. جالپى, كەشەندى جوسپاردى جۇزەگە اسىرۋ اياسىندا ءۇش جىلدا الەۋمەتتىك سالا نىساندارىن, اۆتوجولداردى سالۋعا 35 ملرد. تەڭگە جۇمسالعان, بيىلعى جىلى 3,7 ملرد. تەڭگە قاراستىرىلعان. بۇدان وزگە, مونوقالالاردى دامىتۋ باعدارلاماسىنىڭ ارقاسىندا قالا ينفراقۇرىلىمىن قۇرۋعا 1,2 ملرد. تەڭگە كولەمىندە قاراجات بولىنگەن. اقتاۋ قالاسىندا جۇمىس ساپارى «ماڭعىس­تاۋمۇنايگاز» اق-تاعى كەڭەسپەن جالعاستى, وندا جۇمىس ورىندارىن ساقتاۋ, وندىرىستىك ۇدەرىستەردى  تۇراقتاندىرۋ جانە قازاقستاندىق قامتۋدى دامىتۋ بويىنشا الدىندا جاسالعان مەموراندۋمدار بارىسى تالقىلاندى. كەڭەستى اشقان ۆيتسە-پرەمەر مەملەكەت باسشىسىنىڭ تاپسىرمالارىن ورىنداۋ اياسىندا بارلىق مۇددەلى تاراپتار مەموراندۋمدار شارتتارىن قاتاڭ ساقتاۋلارى ءتيىس ەكەنىن اتاپ ءوتتى. ب.ساپارباەۆ مەموراندۋمدارمەن قاراستىرىلعان ىنتىماقتاستىق بويىنشا باستامالار بۇگىنگى تاڭداعى ەكونوميكالىق سىن-قاتەرلەردى جويۋعا مۇمكىندىك بەرەتىنىن باسا ايتتى. ول مەملەكەتتىڭ, بيزنەستىڭ جانە كاسىپوداقتاردىڭ بىرلەسكەن كۇشتەرى حالىقتى جۇمىسپەن قامتۋدى تومەندەتۋگە جول بەرمەۋگە جانە قيىن ۋاقىتتا بيزنەسكە ايتارلىقتاي قولداۋ كورسەتۋگە مۇمكىندىك بەرەتىنىنە سەنىم ءبىلدىردى. ب.ساپارباەۆ مەملەكەتتىك ورگاندارعا ماڭعىستاۋ وبلىسىنىڭ الەۋمەتتىك دامۋى­نا قاتىستى بىرقاتار تاپسىرمالار بەردى. ازا­مات­تاردىڭ ءال-اۋقاتى ءوسىمىن ارتتىرۋعا بارلىق رە­سۋرستار مەن مۇمكىندىكتەردى پايدالانۋعا قاتىستى پرەزيدەنت تاپسىرمالارىن جۇزەگە اسىرۋ ماڭىزدىلىعىنا ەرەكشە نازار اۋداردى. سو­نىمەن قاتار, ۆيتسە-پرەمەر وبلىس اكىمدىگىنە ءمۇد­دەلى مەملەكەتتىك ورگاندارمەن بىرگە «اقتاۋ تەڭىز پورتى» اەا اۋماعىندا مۇناي-گاز ءوندى­رەتىن كومپانيالارعا ارنالعان ونىمدەر شىعارۋعا باعىتتالعان شوب كاسىپورىندارىن اشۋ ءمۇم­كىندىگىن قاراستىرۋدى تاپسىردى. ءوڭىردىڭ الەۋمەتتىك دامۋى تاقىرىبى ش.ەسەنوۆ اتىنداعى كاسپي مەملەكەتتىك تەحنولوگيا جانە ينجينيرينگ ۋنيۆەرسيتەتىندە الەۋمەتتىك سالا جۇمىسشىلارىمەن جيىن ارقىلى جالعاسىن تاپتى, وندا وزەكتى ماسەلەلەر تالقىلانىپ, مەملەكەت باسشىسى قويعان مىندەتتەردى ودان ءارى جۇزەگە اسىرۋ بويىنشا ناقتى تاپسىرمالار بەرىلدى. ۆيتسە-پرەمەردىڭ جۇمىس ساپارى وبلىستىق اۋرۋحانانى جانە اقتاۋ قالاسىنىڭ بىرقاتار ءبىلىم بەرۋ جانە سپورت نىساندارىن ارالاۋمەن اياقتالدى, دەپ حابارلادى پرەمەر-ءمينيستردىڭ ءباسپاسوز قىزمەتى.